blaðið - 22.09.2007, Blaðsíða 22

22
LAUGARDAGUR 22. SEPTEMBER 2007
blaöió
Biður Einar afsökunar
Orð Kristjáns L. Möller
samgönguráðherra í
Grímseyjarferjumálinu
hafa dregið dilk á eftir sér.
Kristján sagði að loknum
ríkisstjórnarfundi um
miðjan ágúst, þar sem
hann kynnti skýrslu Ríkis-
endurskoðunar um kaup
og endurbætur á nýrri
Grímseyjarferju, að ráð-
gjöf hefði brugðist. Ráð-
herra gagnrýndi harðlega
þátt Einars Hermanns-
sonar skipaverkfræðings
og gaf Vegagerðinni fyr-
irmæli um að skipta um
ráðgjafa.
„Það var ósanngjarnt af mér að
nefna hann einan og ég hef beðið
hann afsökunar á því. Niðurstaða
Ríkisendurskoðunar er að málið
hafi farið úrskeiðis á öllum stigum
og hjá öllum aðilum en meginþung-
inn og ábyrgðin er hjá Vegagerðinni
og samgönguráðuneytinu. Ég leit
aldrei svo á að Einar bæri ábyrgð
á þessu máli einn. Ég vildi fá verk-
efnastjórn að málinu og þar með
nýja ráðgjöf. Það var ekki gert og
það gagnrýndi Ríkisendurskoðun
meðal annars. Ég taldi að Vega-
gerðin ætti að leita til sérfræðinga
Siglingastofnunnar en þar vinnur
mjög hæft fólk á þessu sviði. Einn
skipaverkfræðingur frá Siglinga-
stofnun er í verkefnastjórninni
núna. Ef ummæli mín eru skoðuð
þá er það alveg klárt að það eina
sem ég hef sagt er að það bæri að
skipta um ráðgjafa í málinu. Þá var
ég spurður hvaða ráðgjafi þetta væri
og ég svaraði því. Einar tók því sem
ærusviptingu og það þykir mér leitt.
Orð min voru ekki þannig meint,“
segir Kristján Möller.
Eftir Kolbrúnu Bergþórsdóttur
kolbrun@bladid.net
Þinguðum og tókumst á
„Ég bað Einar um að hitta mig í vik-
unni og við áttum ágætisspjall um
málið í tvo og hálfan klukkutíma. Á
þeim fundi bað ég hann afsökunar á
því að hafa nefnt hann einan í þessu
máli og ítreka þá afsökunarbeiðni
hér. Stærstu deilur manna á milli
skapast yfirleitt vegna þess að fólk
talar ekki saman. Þetta var góður
fundur, við tókumst á en skildum
sáttir. Ég hef kallað til mín hóp
manna út af þessu máli, bæði til að
þiggja ráð og glöggva mig betur á
því. Þeirri vinnu er ekki lokið.“
Kristján segir ekki í sínum verka-
hring að gefa Vegagerðinni fyrir-
mæli um hvort eða við hvaða ráð-
gjafa skuli skipt.
„Ég fór einungis fram á nýja ráð-
gjöf í þessu tiltekna máli í ljósi
þeirra upplýsinga sem fyrir lágu,
en það er ekki mitt að velja Vega-
gerðinni ráðgjafa eða segja henni
fyrir verkum að öðru leyti. Málið
var komið í óefni. Mitt verkefni er
að vinna sem best úr málum úr því
sem komið var.“
I aðdraganda alþingiskosning-
anna síðastliðið vor beindi Krist-
ján Möller augum almennings að
nýrri Grímseyjarferju og gagnrýndi
harðlega hvernig að verki hefði
verið staðið. Kristján kallaði málið
klúður og gagnrýndi harðlega þáver-
andi samgönguráðherra. Nú sætir
Kristján sjálfur gagnrýni fyrir fram-
göngu sína í málinu.
„Ég get skilið gagnrýnina sem
spratt vegna ummæla minna um
Einar [Hermannsson]. Orð mín
kunna að hafa virkað þannig á fólk
að ég væri að benda á einn mann og
segja að allt væri þetta honum að
kenna. Þeir sem þekkja mig vita að
ég vinn ekki þannig og mér þykir
mjög leiðinlegt að sá misskilningur
skuli hafa komist á kreik.“
Eigum ekki að hætta við
Kostnaður við nýja Grímseyjar-
ferju er nú kominn yfir 500 millj-
ónir króna. Þær raddir heyrast æ
oftar að nú sé mál að linni, best sé
að hætta við og kaupa nýja ferju.
„Það þykir mér óábyrg afstaða.
Þá fyrst væri sóun á fjármunum al-
GRÍMSEYJARFERJAN
Tólf ára gömul ferja, Oilean
Arann, var keypt í lok nóv-
ember 2005 frá írlandi fyrir
rúmar 100 milijónir á verð-
lagi þess árs.
Þegar hafa verið greiddar
tæpar 300 milijónir vegna
endurbóta og er áætlað að
endanlegur kostnaður verði
um 500 milljónir króna.
Taka átti ferjuna í notkun í
nóvember í fyrra en áætlað
er að hún komist í gagnið í
nóvember næstkomandi.
mennings orðin alger. Það er vand-
séð að við gætum selt þessa ferju eða
fengið fyrir hana eitthvað í líkingu
við það sem við höfum eytt. Eg
trúi því og treysti að eftir alla þessa
vinnu verði ferjan fullnægjandi
og góð fyrir Grímseyinga og ferða-
menn þeirra.
Ég hyggst ganga rækilega úr
skugga um það að réttir aðilar yfir-
fari ferjuna á vandaðan hátt þannig
að Grímseyingar fái traust og ör-
uggt sjóskip. Verkefnastjórninni er
ætlað að ganga úr skugga um það og
fylgja ferjunni úr hlaði og hafa við
það i huga hagsmuni Grímseyinga
og ríkissjóðs."
Hefði verið nær að kaupa nýtt skip
„Það er hægur vandi að vera dóm-
ari á mánudegi þegar leikir helgar-
innar eru liðnir. Eftir á að hyggja
má segja að það hefði verið betra
að kaupa nýtt skip. Ég trúi því að
menn hafi í raun og veru ætlað
sér að spara ríkissjóði verulegar
fjárhæðir með því að gera skipið
upp. Því miður hefur komið í ljós
að í þessu máli spöruðum við aur-
inn og köstuðum krónunni. Það er
bara staðreynd að allur undirbún-
ingur málsins hefur ekki verið nógu
góður,“ segir Kristján.
Hann segist skilja gremju Gríms-
eyinga en hafnar því að framúr-
keyrsla við nýja ferju sé þeim að
kenna eða kröfum þeirra.
„Það var þrýst mjög á þá að sam-
þykkja þessi kaup. Tekið var við
flestum óskum þeirra áður en sjálft
útboðið á ferjunni fór fram. Þær
óskir miðuðu að því að gera skipið
jafngott og ekki lakari kost en nú-
verandi Sæfara. Þannig að mér
hefur fundist ómaklega að þeim
vegið í þessum efnum. Ég hef alltaf
verið þeirrar skoðunar að notendur
mannvirkja eigi að fá að koma sjón-
armiðum sínum að við hönnuði og
umsjónaraðila. Það er jú verið að
gera þetta fyrir þeirra pening. Það
er alls ekki Grímseyingum að kenna
að verkið fór fram úr áætlunum.“
Vill sameina samgöngustofnanir
„Ég velti fyrir mér hvort þessi mála-
flokkur eigi ekki frekar heima hjá
Siglingastofnun þar sem er hópur
sérfræðinga á þessu sviði. Það
kemur jafnvel til greina í mínum
huga að sameina Siglingastofnun
og Vegagerðina í eina stofnun þar
sem menn geta samnýtt þá reynslu
sem óneitanlega er til staðar hjá
báðum stofnunum. Af þessu gæti
hlotist töluvert hagræði en ég bíð
spenntur eftir þessari stjórnsýslu-
úttekt Ríkisendurskoðunar, sem
reyndar beinist að Vegagerðinni og
Siglingastofnun, og mun skoða þær
niðurstöður vandlega."
Ekki tilefni til áminninga
„Það er niðurstaða skýrslu Rík-
isendurskoðunar að Vegagerðin
og samgönguráðuneytið, ásamt
öðrum, hafi brugðist í þessu máli.
Ég hef verið að fara yfir það í
gegnum verkferlana í ráðuneytinu
hvernig þessu máli var háttað og hef
eytt ómældum tíma í að lesa mig í
gegnum minnisblöð og tölvupósta.
Ábyrgðin er endanlega ráðherrans
eins og Sturla Böðvarsson, forveri
minn, sagði í yfirlýsingu sinni um
málið.
Ég hef farið vandlega yfir þetta
mál innan ráðuneytisins og sé ekki
að tilefni sé til að áminna starfs-
menn þar. Málið var á forræði
Vegagerðarinnar en samgönguráðu-
neytið var nokkurs konar milliliður.
Ég hef ákveðið að tryggja að ná-
kvæmar verkáætlanir liggi fyrir um
öll mál innan ráðuneytisins komi
það á einhvern hátt að málum sem
eru hjá undirstofnunum þess. Nú
liggur til dæmis fyrir nákvæm verk-
áætlun innan ráðuneytisins um end-
urbæturnar á Grímseyjarferju.“
Perla sem allir ættu að sjá
„Mig langar til að koma þessu skipi
í gagnið. Það sem mestu máli skiptir
er að Grímseyingar verði sáttir við
þennan farkost. I Grímsey búa um
hundrað manns og ég lít á það sem
skyldu mína að koma til móts við
þarfir þeirra. Það er skylda mín, og
okkar allra, að tryggja áframhald-
andi byggð á landinu öllu. Traustar
samgöngur eru lykilatriði í þeim
efnum. Eg vil líka hvetja fólk til þess
að gera sér ferð til Grímseyjar. Þarna
býr afar gott fólk og gestrisið í sér-
stæðu samfélagi og fallegri náttúru.
Allir íslendingar eiga að fara þangað
að minnsta kosti einu sinni.“
Þúkemstfljótlad!
...en þú getur llka pantað tfma
fflmSiniBfiP
Rakarastofan
Klapparstíg
siofnað 1918 4 * sími 551 2725
Punktar
Safnaðu Glitnispunktum á meðan þú sefur
Þú safnar Glitnispunktum jafnt og þétt þegar þú ert
i Vildarklúbbi Glitnis. Þannig getur þú einbeitt þér
að því að lifa þínu lífi og á meðan safnast punktarnir
upp, meira að segja þegar þú sefur. Einfaldara getur
það varla verið. Þetta og fleiri snjallræði á:
www.verturikuralltaf.is
GLITNIR