blaðið - 22.09.2007, Blaðsíða 24
24
LAUGARDAGUR 22. SEPTEMBER 2007
blaóiö
MENNING
menning@bladid.net
Við förum á svið og fáum eitthvert orð frá
áhorfendum og út frá því orði segjum við ein-
hverja sögu. í kjölfarið af því tökum við stikk-
orð úr sögunni og búum til spuna útfrá þeim.
Tvær nýjar
sýningar
Leiksýningin Óhapp! eftir
Bjarna Jónsson var frumsýnt
í Kassanum i Þjóðleikhúsinu
í gærkvöldi og var það fyrri
frumsýning af tveimur um
helgina. Síðari frumsýning
helgarinnar verður á morgun,
sunnudaginn 23. september,
á nýju barnaleikriti eftir Ás-
laugu Jónsdóttur, Gott kvöld.
Afríka sunnan
Sahara
Bókin Afríka sunnan Sahara
- í brennidepli er komin út
hjá féiaginu
Afríka 20:20,
félagi áhuga-
fólks um mál-
efni sunnan
Sahara og
Háskólaút-
gáfunni.
Bókinni er
ætlað að auka
almennan fróðleik og skilning
á álfunni, sögu hennar og sam-
tíma. Ritstjórar eru mannfræð-
ingarnir Jónína Einarsdóttir
og Þórdís Sigurðardóttir.
Leiðsögn
Hrafnhildar
Hrafnhildur Schram listfræð-
ingur verður með leiðsögn
um sýninguna Ó-Náttúra í
Listasafni íslands á morgun,
sunnudaginn 23. september,
klukkan 14. Hrafnhildur er
listfræðingur að mennt og er
þjóðþekkt fyrir störf sín í þágu
heimildarmynda um íslenska
myndlistarmenn. f spjalli sínu
um sýninguna mun hún fjalla
um þróun íslenskrar mynd-
listar út frá inntaki sýningar-
innar og því samspili sem á
sér stað milli einstakra verka
í sölum safnsins þar sem verk
eldri meistara kallast á við
samtímalistina.
íslenskur karldansari í íslenska dansflokknum
Byrjaöi í dansi eftir
áskorun frá félögunum
Guðmundur Elías Knud-
sen hefur verið atvinnu-
dansari í íslenska dans-
flokknum í sex ár auk
þess sem hann er í húmo-
rísku spunatríói ásamt
félögum sínum.
Eftir Hildi Eddu Einarsdóttur
hilduredda@bladid.net
Guðmundur Elías er eini íslenski
karldansarinn í íslenska dans-
flokknum, en hann byrjaði ekki
að æfa dans fyrr en um tvítugt.
„Ég lærði engan dans þegar ég var
krakki, ég var bara í sjálfsvarnar-
iþróttum og smávegis í fimleikum,"
segir hann. „Ég hélt ég væri ódrep-
andi þar til nefið á mér var brotið í
slagsmálum niðri í bæ á fylliríi, þá
fattaði ég að karate virkaði í raun-
inni ekki neitt. Reyndar má segja að
ég hafi fyrst og fremst verið atvinnu-
hálfviti þegar ég var yngri. Svo byrj-
aði ég í Ballettskóla Guðbjargar á
Seltjarnarnesi þegar ég var tvítugur,
en það kom til af því að nokkrir
strákar sem voru með mér í Kvenna-
skólanum voru að æfa og ég stríddi
þeim svo mikið á þvi að þeir gáfust
upp á því á endanum að hlusta á
mig og skoruðu í staðinn á mig að
mæta. Eitthvað var það sem greip
mig strax á fyrstu æfingu enda er ég
enn að dansa en ekki þeir.“
Ekki út af laununum
Guðmundur er nú 32 ára gamall
og hefur því verið að dansa samtals
í 12 ár. Aðspurður um hvað það sé
sem haldi honum við efnið segir
hann það að minnsta kosti ekki vera
launin. „Þetta er í raun drulluerfitt
og illa launað starf miðað við álag
og hvað starfsferillinn er stuttur.
Dans er í raun á botninum í listageir-
anum og mörgum er alveg sama um
hvað er að gerast í honum og þess
vegna fáum við enga peninga. En
maður er bara ekkert í þessu út af
laununum heldur er það annað sem
heldur manni i þessu eins og líkams-
hreyfingin, sviðslistin, ferðalögin
og fólkið,“ segir hann.
Gamansamur spuni
Þó svo að hann sé eini íslenski karl-
dansarinn í flokknum eru fleiri er-
lendir karldansarar í hópnum. Einn
þeirra, Peter Anderson, myndar
tríóið Watch my back ásamt Guð-
mundi og Birni Inga Hilmarssyni
leikara. „Þetta er svokallað co-
medy-improv tríó og þó svo að list-
formið sé ekki nýtt hefur lítið farið
fyrir því hér á íslandi. Það sem við
gerum er að troða upp og spinna
á gamansaman hátt. Við förum á
svið og fáum eitthvert orð frá áhorf-
endum og út frá því orði segjum við
einhverja sögu. I kjölfarið af því
tökum við stikkorð úr sögunni og
búum til spuna út frá þeim. Þetta
höfum við verið að gera á ýmsum
uppákomum á borð við afmæli og
brúðkaupsveislur og stærsta giggið
okkar hingað til var þegar við
hituðum upp fyrir tónleika Snigla-
bandsins. Við erum búnir að taka
upp okkar eigin þætti og erum að
reyna að koma þeim í sjónvarp. En
(>ar sem þetta er svona nýtt hérna á
slandi veit fólk oft ekki alveg hvað
við erum að gera, en okkur hefur
þó alltaf verið mjög vel tekið,“ segir
Guðmundur.
ÍSLENSKI DANSFLOKKURINN
►
Frumsýnir fjögur ný verk á
komandi starfsári
Hyggst halda danssmiðjur
fyrir unga danshöfunda á
árinu auk dansnámskeiðs
fyrir stráka.
Sýnir á sérstökum fjöl-
skyldusýningum í Reykjavík
og á Akureyri í vetur. Sjá
nánar á slóðinni id.is
Þetta verkefni er þó alveg ótengt
fslenska dansflokkinum. „Við
erum bara að prófa okkur áfram
í þessu, en við Peter byrjuðum á
sama tíma í dansflokknum og við
höfum raunar verið óaðskiljan-
legir síðan þá. Björn Hilmar er líka
alveg á sama róli við, enda svolítill
vitleysingur í sér alveg eins og við,“
segir hann.
Katrín á heiður skilinn
Eins og fyrr segir fylgja mikil
ferðalög starfi fslenska dansflokks-
ins. „Við erum búin að fara út um
allt og vorum til dæmis í Kína í
sumar og förum til Bandaríkjanna,
Frakklands, Noregs og Belgíu í haust.
„fslendingar fatta margir ekki hvað
flokkurinn er mikils metinn víða
erlendis. f Kína var til dæmis alveg
stappað á allar sýningarnar og ef
fólk náði ekki að krækja sér í miða
inn í salinn var sýningunum bara
varpað á sjónvarpsskjái fyrir utan
þar sem fólk stóð og fylgdist með.
Katrín Hall er búin að gera ótrú-
lega hluti fyrir þennan dansflokk
og setja hann á nýjan stall. Hún er
heilinn og mótorinn á bak við þetta
allt saman,“ segir Guðmundur að
lokum.
Málverkasýning
Bjarni Þór Bjarnason opnar sýningu
laugardaginn 22. september kl. 13:00
Gallerí List ■ Skipholti 50A
sími: 5814020 • www.gallerilist.is
Leiðin í milli
f tengslum við sýninguna Leiðin
á milli sem nú stendur yfir í Boga-
sal Þjóðminjasafns fslands verður
efnt til málstofu um samskipti
safna og skapandi miðlunar i Þjóð-
minjasafninu á morgun, sunnu-
daginn 23. september, klukkan 15.
Á sýningunni vinna þrjár listak-
onur með menningararfinn, þær
Guðbjörg Lind, Guðrún Kristjáns-
dóttir og Kristín Jónsdóttir frá
Munkaþverá.
Þátttakendur í málstofunni eru
Ágústa Kristófersdóttir, sýning-
arstjóri Þjóðminjasafnsins, Lilja
Árnadóttir, fagstjóri Munasafns
Þjóðminjasafnsins, Ólafur Eng-
ilbertsson sagnfræðingur, Viðar
Hreinsson bókmenntafræðingur og
Þórarinn Eldjárn rithöfundur, auk
listakvennanna sjálfra. Oddný Eir
Ævarsdóttir sýningarstjóri stýrir
pallborðsumræðu.