Bændablaðið - 08.02.2005, Page 25
Þriðjudagur 8. febrúar 2005 25
Liðinn er áratugur síðan
Birna á Hákonarstöðum dró
fram akríllitina og hóf að skapa
myndverk á grjót sem bóndi
hennar fann í heiðinni fyrir ofan
bæinn. Steinarnir eru óregluleg-
ir í laginu - eins og steinar eiga
að vera - og þeir eru þunnir,
harðir og eggsléttir. Gjarnan er
skóf á þeim sem Birna nýtir til
hins ýtrasta. Hin seinni ár hefur
hún líka skapað laufabrauð í
ýmsum stærðum úr postulíns-
leir. „Þetta er betra en að sitja
auðum höndum,“ sagði hús-
freyjan á Hákonarstöðum,
Birna Jóhannsdóttir, sem í upp-
hafi ætlaði bara að útbúa skraut
úr steinum til að hafa í garðin-
um við húsið.
Eins og sjá má á meðfylgj-
andi myndum hefur grjótið öðl-
ast nýtt líf eftir að Birna hefur
skapað á þeim ótrúlega falleg
listaverk. Skemmtilegast finnst
Birnu að skapa nýtt og fram-
andi landslag - með sterkum ís-
lenskum einkennum - en marg-
oft hefur hún líka málað á stein-
ana eftir pöntun. Þá koma menn
með ljósmyndir til hennar og á
stundum hafa viðskiptavinirnir
líka komið með heppilega steina.
Skófirnar á steinunum eru af
ýmsum toga sem Birna nýtir á
margvíslegan hátt.
Hæfileikinn til listsköpunar
hefur ætíð blundað í Birnu sem
gjarnan festi mynd á blað þegar
hún var í barnaskóla, en þegar
„alvara lífsins“ tók við varð list-
in að víkja. Á seinni árum hefur
hún tekið þátt í handverkssýn-
ingum svo sem að Hrafnagili og
verk hennar eru fáanleg á sumr-
in í galleríi í Klausturseli í Jök-
uldal, en allt árið í Jólagarðin-
um í Eyjafirði, Jólahúsinu við
Skólavörðustíg og Litlu jólabúð-
inni á Grundarstíg. Ferðamenn
hafa sýnt litlu laufabrauðskök-
unum mikinn áhuga.
„Ég hef haft nóg að gera við
að búa til laufabrauðið og stein-
arnir hafa orðið svolítið útund-
an,“ sagði Birna. Þess má geta
að laufabrauðin eru í laglegum
gjafaöskjum og þeim fylgir ör-
smár bæklingur með uppskrift
að „venjulegu“ laufabrauði á
ensku og þýsku. Síminn hjá
Birnu er 471 1063.
Nú er unnið að gerð sjö útivist-
arkorta af norðausturhorni
landsins, þ.e. frá Bakkafirði að
Eyjafirði, og mun Atvinnuþró-
unarfélag Þingeyinga halda utan
um verkið. Fyrstu fjögur kortin
verða tilbúin í apríl nk. en þrjú
koma út í febrúar á næsta ári.
Þriggja manna verkefnisstjórn
skipa Gunnar Jóhannsson og
Tryggvi Finnsson frá Atvinnu-
þróunarfélagi og Helgi M. Arn-
grímsson verkefnisstjóri.
Atvinnuþróunarfélagið ber
fjárhagslega ábyrgð á verkinu en
sveitarfélögin munu leggja fram
um helming kostnaðar, hinn helm-
ingurinn verður fjármagnaður með
auglýsingum og styrkjum. Sveitar-
félögin á svæðinu leggja til aðstoð
við gerð útivistarkortanna. Hvert
sveitarfélag skipar allt að þriggja
manna nefnd sem sjá mun um
samantekt upplýsinga á sínu
svæði.
Helgi M. Arngrímsson verk-
efnastjóri sagði að inn á kortin
yrðu settar allar gönguleiðir sem
vitað er um, bæði stuttar og langar.
Sömuleiðis allar þekktar reiðleiðir
og jafnvel snjósleðaleiðir. Þá
verða gefnir upp GPS punktar við
upphaf allra leiða og þar sem eru
merkir staðir á leiðinni.
,,Sem dæmi má nefna að þegar
farin er gönguleiðin frá Hólsseli
niður í Þistilfjörð þá er farið fram
hjá gangnamannaskýlum og þau
verða öll sett inn á kortið og GPS
punktar gefnir upp. Það verður
einnig gert við vöð á þeim ám sem
farið er yfir á leiðinni. Í raun má
orða þetta svo að inn á kortin verð-
ur sett allt sem heimamenn vilja
benda aðkomumönnum á á sínu
svæði.“ sagði Helgi.
Á bakhlið kortanna verður lýs-
ing á hverri leið og sagt frá þeim
náttúruperlum og merku stöðum
sem eru á viðkomandi korti. Kort-
in verða öll í mælikvarðanum
1:100.000 og verða öll 50 x 70 cm
að stærð.
Í vor er leið sá Helgi um gerð
þriggja göngu- og útivistarkorta
um svæðið austur á Héraði og
Vopnafirði og eru þau kort sem
unnið er að nú með sama sniði.
Myndin hér að ofan sýnir steina sem Birna hefur málað en á neðri myndinni er laufabrauð úr postulíni.
Birna á Hákonarstöðum.
Unnið að gerð göngu- og útvist-
arkorta frá Bakkafirði að Eyjafirði
Á stjórnarfundi Bændasamtaka
Íslands í síðustu viku var rætt
um þau áhrif sem breyting á
framleiðslu, sölu og dreifingu
rafmagns í landinu mun hafa á
bændur og búrekstur í landinu.
Haraldur Benediktsson, formað-
ur BÍ, sagði að samtökin hefðu
fylgst náið með þróun mála og
gefið umsagnir um breytingarn-
ar.
Ætlunin er að semja við
nokkra bændur að fylgjast með
raforkunotkun og kostnaði og gefa
BÍ allar nauðsynlegar upplýsingar.
„Við höfum verið beðin um að
bíða þar til búið er að innheimta
samkvæmt nýjum reglum. Þá
munum við líka leggjast yfir þessa
vinnu og gera allt sem í okkar
valdi stendur til að tryggja hags-
muni bænda,“ sagði Haraldur.
Á stjórnarfundi BÍ kynnti
Sveinn Ingvarsson, stjórnarmaður
BÍ, ályktun stjórnar RARIK
vegna nýrra raforkulaga. Stjórn BÍ
lýsti samhljóða eindregnum stuðn-
ingi við ályktun stjórnar RARIK
frá 29.desember en þar segir að
stjórn RARIK telji nauðsynlegt að
draga úr þeirri mismunun sem að
öllu óbreyttu stefnir í samfara nýju
umhverfi raforkumála. „Þessi mis-
munun bitnar fyrst og fremst á við-
skiptavinum fyrirtækisins í dreif-
býli,“ segir í samþykktinni.
Haraldur sagði að breytingar í
rafmagnsmálum mættu ekki skapa
ójafnvægi á milli dreifbýlis og
þéttbýlis. „Hér er á ferð gífurlega
mikið hagsmunamál fyrir bændur
og aðra sem í dreifbýli búa.
Bændasamtökin hafa lagt mikla
vinnu í þetta mál nú þegar og
munu bregðast við,“ sagði Harald-
ur. „Í öllum þeim umsögnum sem
BÍ sendu frá sér var lögð áhersla á
að fyrirhugaðar breytingar mættu
ekki íþyngja þeim sem búa í dreif-
býli umfram aðra.“ Haraldur sagði
að það væri vissulega fagnaðarefni
að raforkuverð til fyrirtækja á
landsbyggðinni ætti að lækka, en
hann lagði áherslu á að málið yrði
skoðað í heild strax og búið væri
að senda út rafmagnsreikninga og
menn hefðu gert sér grein fyrir
raunverulegum breytingum.
Stjórn BÍ ræðir
rafmagnsmálin