Bændablaðið - 22.04.2009, Blaðsíða 14

14 Bændablaðið | miðvikudagur 22. apríl 2009
Fréttir úr
búrekstri LbhÍ
Opið hús á Hesti
Eins og svo oft áður tókst vel
á opna húsinu á Hesti í byrjun
mánaðarins. 15 aðilar kynntu sig
og þjónustu sína og tóku gest-
ir þessu afar vel. Fjöldi gesta var
áþekkur og verið hefur og lék
veðrið að þessu sinni við gesti
Landbúnaðarháskólans, en svo
hefur nú ekki ávallt verið! Við
þökkum kærlega öllum fyrirtækj-
um og stofnunum sem tóku þátt í
þessum góða degi með okkur og
síðast en ekki síst öllum þeim fjöl-
mörgu gestum sem lögðu lykkju á
leið sína til þess að heimsækja búið
og skoða þessa óvenjulegu land-
búnaðarsýningu.
Vorverkin hafin...
„Blessuð“ blesgæsin kom 1. apríl
sl. – ein sex stykki og daginn
eftir 34 í viðbót. Síðan þá hafa
þær komið í stórum hópum og nú
er það svo að túnin á Hvanneyri
eru full af þessum friðaða fugli.
Gæsin sér um sín árlegu vorverk
hér um slóðir, þ.e. að éta upp allan
nýgræðing og tryggja það að túnin
verði nú ekki of fljót til sprettu. Ég
hef oft sagt það að enginn bóndi
myndi nú sætta sig við slíka með-
ferð á spildum, en þar sem þess-
ar spildur eru í opinberri eigu þá
horfir málið öðruvísi við. Á sama
tíma fá þó önnur tún okkar, bæði á
Hesti, í Mávahlíð og á Miðfossum
að vera nokkurnveginn í friði, svo
þetta er nú ekki alslæmt.
Páskaegg frá Nóa Síríus!
Á opna húsinu á Hesti um dag-
inn var gestum boðið að taka þátt
í nafnaleik búsins, en þessa dag-
ana er verið að gefa öllum gim-
brum búsins nafn. Nafnareglurnar
eru nokkuð skýrar en margir þekkja
vafalítið nafnahefð búsins þar sem
nöfn afkomenda ákveðinna hrúta
eru ávallt dregin af nafni þeirra og/
eða tengd nafni hrútsins. Að þessu
sinni voru páskaegg frá Nóa Síríus
í vinning og eftirfarandi gestir voru
dregnir út og hafa þegar fengið
afhent sín páskaegg: Bjarki Fannar
Karlsson, Hafrafellstungu, Kristín
Gunnarsdóttir, Lundi, Sóley Sig-
tryggsdóttir, Göngustaðakoti, Heim-
ir Klemenzson frá Dýrastöðum og
Guðrún María Björnsdóttir, Ásbrún
6. Við óskum öllum þessum heppnu
gestum til hamingju um leið og við
þökkum fyrir þau fjölmörgu nöfn
sem við fengum til þess að moða úr!
Léttikerrur fyrir hross
Þessa dagana eru nemendur í
Búsmíði að smíða hér í Bútækni-
húsinu margs konar tæki og tól
sem vafalítið verður gagn að þegar
heim verður komið að loknu námi.
Smíðisgripirnir eru afar fjölbreyttir,
allt frá hnakkastatífum, gripaflutn-
ingsgrindum, rúllugjafagrindum,
hliðgrindum, sekkjalyftum og allt
upp í léttikerrur fyrir hross! Létti-
kerrurnar hafa heillað marga nem-
endurna á liðnum árum og nú eru
fjórar í smíðum í einu, sem er met.
Skeifudagurinn framundan
Undirbúningur fyrir Skeifudaginn
er nú í fullum gangi hjá okkur,
en hann verður haldinn á sum-
ardaginn fyrsta (fimmtudaginn 23.
apríl). Eins og gefur að skilja þarf
að huga að mörgu þegar slík hátíð
er haldin, en Skeifudagurinn verð-
ur haldinn í Hestamiðstöð LbhÍ að
Miðfossum. Dagskrá hátíðahald-
anna er aðgengileg á vef LbhÍ og
við minnum á að allir eru hjart-
anlega velkomnir á þessa upp-
skeruhátíð hrossaræktarkennslu
Landbúnaðarháskólans.
Búrekstrarsviði LbhÍ
Snorri Sigurðsson
Búnaðarþing sem haldið var í
vetur fól stjórn Bændasamtaka
Íslands að vinna að því í sam-
vinnu við Póst- og fjarskipta-
stofnun að tryggja fullnægjandi
póstþjónustu í dreifbýli. Þeir
Eiríkur Blöndal framkvæmda-
stjóri BÍ og Karl Kristjánsson
annar varaformaður samtak-
anna áttu fund nú nýlega með
Ingimundi Sigurpálssyni for-
stjóra Íslandspóst þar sem farið
var yfir málið en að sögn Karls
hefur mikillar óánægju gætt víða
í hinum dreifðu byggðum þar
sem fyrirtækið hefur skert þjón-
ustu sína. Búnaðarþing lagðist
eindregið gegn þeirri skerðingu
sem Íslandspóstur hefur áform-
að og víða þegar framkvæmt á
landsbyggðinni. Bendir bún-
aðarþing á að tryggja þurfi fjár-
magn og pólitískan vilja svo veita
megi fullnægjandi póstþjónustu í
dreifbýli.
„Óánægja manna beinst að
skertri þjónustu, víða er búið að
leggja niður póstafgreiðslur á
landsbyggðinni eða áform eru uppi
um slíka lokun, þá hefur póstburð-
ardögum í strjálbýli verið fækkað
úr 5 í 3 á viku og loks má nefna að
búið er að setja upp póstkassa við
sveitabæi og þurfa bændur nú að
sækja póst sinn að næsta stofnvegi
eða tengivegi. Gert er ráð fyrir að
ekki verði um lengri leið að ræða
en 500 metra, en við vitum til þess
að þeir sem lengst þurfa að fara
til að ná í sinn póst þurfa að aka 6
kílómetra leið,“ segir Karl en hann
býr á Kambi II í Reykhólasveit.
Þar hafa póstmálin verið nokkuð
til umræðu, enda hefur skerðing á
þjónustu Íslandspósts komið niður
á sveitarfélaginu af fullum þunga.
Íbúum landsins mismunað eftir
búsetu
Hann segir Íslandspóst rekið
sem „markaðsdrifið“ fyrirtæki,
þó svo að félagið sé í eigu rík-
isins. Markaðssjónarmið séu því
allsráðandi við stjórnun þess, en
ekki hugað að t.d. jafnræðisreglu
og því að verið sé að mismuna
íbúum landsins eftir búsetu. „Það
er öllum öðrum gildum en hinum
markaðslegu rutt úr vegi og pen-
ingasjónarmiðin virðast allsráð-
andi. Niðurstaðan verður sú að
íbúar í dreifðum byggðum landsins
fá póst sjaldnar en þéttbýlisbúar og
þeir þurfa sjálfir að hafa fyrir því
að sækja hann, sumir um langan
veg,“ segir Karl
Hann segir að forsvarsmenn
Íslandspósts hafi ekki ljáð á því
máls að þjónustunni yrði á ný
breytt til fyrra horfs. „Mér skild-
ist fremur að allt eins gæti þurft
að taka upp þriggja daga þjón-
ustu um land allt í nánustu fram-
tíð,“ segir Karl, en bætti við að
Bændasamtökin myndu áfram berj-
ast fyrir bættri þjónustu við lands-
byggðarbúa og að hún verði veitt á
jafnræðisgrundvelli og án mismun-
unar eftir búsetu.
Við þetta er því að bæta að
Bændablaðið leitaði eftir sjónvar-
miðum Íslandspóst við vinnslu
þessarar fréttar en án árangurs.
Þrátt fyrir ítrekaðar tilraunir svar-
aði Ingimundur Sigurpálsson for-
stjóri fyrirtækisins ekki skilaboðum
blaðamanns. Vonandi verður hægt
að birt hans hlið á málinu þótt síðar
verði. MÞÞ
Bændasamtökin munu berjast fyrir bættri póstþjónustu í dreifbýli
Dæmi um að bændur þurfi að
aka sex km eftir pósti sínum
Karl Kristjánsson á Kambi II í Reyk-
hólasveit og annar varaformaður
Bændasamtaka Íslands.
Sandvíkur-
Skrudda
Páls
Lýðssonar
Í byrjun júní kemur út bókin
Sandvíkur-Skrudda Páls Lýðs-
sonar, gamansögur úr Árnes-
þingi. Um er að ræða sögur sem
Páll heitinn, sem lést í umferð-
arslysi 8. apríl 2008, safnaði
árum saman af mönnum og
málefnum sem tengjast á einn
eða annan hátt Árnessýslu. Það
er bókaútgáfan Hólar sem gefur
bókina út.
Í bókinni verður að finna
tabula memorialis, eða minning-
aráritun, þar sem áskrifendur að
bókinni geta vottað Páli heitnum
virðingu sína. Hægt er að gerast
áskrifandi í gegnum símanúmerið
587-2619 eða í gegnum netfang-
ið holar@simnet.is. Þá má geta
þess að Fræðslunet Suðurlands og
Fjölbrautaskóli Suðurlands standa
fyrir málþingi um Pál laugardag-
inn 2. maí. MHH
Nýlega var undirritaður samning-
ur um útgáfu bókarinnar í
Litlu-Sandvík. Hér er ritnefnd
bókarinnar og ekkja Páls. Frá
vinstri: Lýður Pálsson, Elínborg
Guðmundsdóttir, Sigurður Krist-
inn Hermundarson og Guðjón Ingi
Eiríksson, eigandi bókaútgáfunn-
ar Hóla.
Hátíðarmessa á
sumardaginn fyrsta
Prestsbakkakirkja
á Síðu 150 ára
Prestsbakkakirkja, sem var vígð
á sumardaginn fyrsta 21. apríl
1859, á 150 ára afmæli á þessu
ári. Af því tilefni fer fram hátíð-
ar- og afmælismessa sumardag-
inn fyrsta 23. apríl nk. kl.14.
Biskup Íslands herra Karl Sigur-
björnsson prédikar. Séra Sigurður
Sigurðsson vígslubiskup, séra
Haraldur M. Kristjánsson prófast-
ur, séra Þorvaldur Karl Helgason
biskupsritari, séra Bryndís Malla
Elídóttir, fyrrverandi sóknarprest-
ur í Prestsbakkasókn og núver-
andi sóknarprestur séra Ingólf-
ur Hartvigsson þjóna til altaris,
lesa ritningarorð og leiða bæn-
ir. Prestsbakkakirkjukór leið-
ir almennan safnaðarsöng undir
stjórn Brians Røgers C. Harolds-
sonar organista Prestsbakkasóknar.
Eftir messuna verður boðið til
kirkju- og afmæliskaffis á Hótel
Klaustri.
Huppa eins árs
Föstudaginn 3. apríl sl. var efnt
til nettrar afmælisveislu í tilefni
af eins árs afmæli nýja skýrslu-
haldskerfisins í nautgriparækt;
HUPPU. Afmælisteitið fór fram
í nýju Nautgriparæktarstöðinni
á Hesti.
Þann fyrsta apríl 2008 var
skýrsluhaldskerfið formlega opn-
að og fyrsta afurðaskýrslan skráð
rafrænt í gegnum internetið. Fyrst
til þess varð Skólabú Landbúnað-
arháskóla Íslands á Hvanneyri og í
tilefni af því fékk það afhenta við-
urkenningu (blóm og páskaegg).
Við það tækifæri nefndi Ágúst Sig-
urðsson rektor LbhÍ að merkiskýrin
Huppa 12 á Kluftum, sem var fædd
í Skollagróf í Hrunamannahreppi
3. nóvember 1926, væri óvenju-
lega stór ættmóðir íslenskra naut-
gripa. Hennar hlutdeild í erfða-
efni kúastofnsins væri um 6% og
80-90% lifandi nautgripa í landinu
gætu rakið ætt sína til Huppu.
Til eru fornar frásagnir (Skýrt
og skorinort – ritgerðasafn Helga
Haraldssonar á Hrafnkelsstöðum)
um að Huppa hafi verið einskon-
ar ,,huldukýr“ eða í stuttu máli að
langamma hennar, sem hét Murta
og var tvíburi á móti nautkálfi
(kvígan talin ófrjó og kölluð viðr-
ini), hafi verið getin í þreifandi
útsynningséli undir kletti af huldu-
nauti. Af því tilefni var í veislunni
kastað fram vísufyrriparti sem
Sigurður Kristjánsson, starfsmaður
BÍ, botnaði:
Huppa var forðum huldukýr
hún er nú kerfi í tölvu.
Lífshjólið áfram leyndin knýr
lít ég til spásagna völvu.
Mads Stub Jörgensen, fjósameist-
ari á Hvanneyri, Gunnfríður Elín
Hreiðarsdóttir, nautgriparæktar-
ráðunautur BÍ og Ágúst Sigurðs-
son, rektor LbhÍ, í afmælisveisl-
unni.