Bændablaðið - 01.09.2011, Síða 14
14 Bændablaðið | fimmtudagur 1. september 2011
Gamla barnaskólanum að Skógum
í Fnjóskadal var í sumar breytt í
kaffihús auk þess sem listsýningar
kættu gesti staðarins, en ýmsir
listamenn tóku þátt í sýningum
sumarsins. Ketill Tryggvason
bóndi á Hallgilsstöðum átti svo
heiðurinn af dráttarvélasýningu
sem stóð yfir hluta af sumri, en
hann sýndi nákvæmar eftirlíkingar
dráttarvéla og tækja í landbúnaði,
alls nær 200 stykki.
„Sumarið hefur gengið vonum
framar, góð aðsókn hefur verið á
listsýningar og dráttarvélasýningu
og margir komið í listakaffi og notið
góðra veitinga hjá kvenfélagskon-
um,“ segir Agnes Þ. Guðbergsdóttir
formaður stjórnar sjálfseignarstofn-
unar um rekstur og varðveislu húss-
ins.
Hún segir dæmi eru um að sama
fólkið hafi komið allt að fjórum
sinnum, „sem segir allt sem segja
þarf.“ Agnes segir að rekstur kaffi-
húss standi undir sér í Gamla barna-
skólanum, Skógum. „Við stefnum
að því að leigja skólasalinn næsta
sumar,einhverjum þeim sem hafa
áhuga á að reka sjálfir kaffihús á
staðnum,“ segir Agnes.
Áningarstaður frá 1916
Gamli barnaskólinn í Skógum í
Fnjóskadal var barnaskóli sveitar-
innar á árunum 1916–1972 en einnig
var í Skógum símstöð sveitarinnar,
póstafgreiðsla, ferjustaður áður en
gamla bogabrúin var byggð yfir
Fnjóská, áningarstaður, þingstaður,
samkomustaður og fundarstaður allt
fram á þennan dag.
Árið 1916 keypti Hálshreppur
jörðina Skóga. Þá var þar ófull-
gert timburhús sem var lagfært og
gert íbúðarhæft. Þarna var útbúin
skólastofa með þremur langborðum
sem tóku 18 nemendur í sæti. Fram
að þeim tíma hafði verið rekinn far-
skóli í Fnjóskadal sem fluttist frá
einu heimili til annars.
Fyrstu árin var kennsla stopul
í Skógum, erfiðlega gekk að finna
varanlega kennara og mikil fátækt
var meðal bænda.
Árið 1932 var tekinn upp fastur
sex mánaða heimavistarskóli í
Skógum, sem skiptist á milli eldri
og yngri nemenda. Um 1960 lengdist
skólaskyldan og kennt var í átta mán-
uði á ári.
Frá árinu 1932 starfaði sami
kennari allt til ársins 1972 eða þar
til skólahaldi var hætt í Skógum.
Þetta var Jón Kr. Kristjánsson frá
Víðivöllum. Á þessum fjörutíu árum
hafði hann kennt þremur kynslóðum
í Fnjóskadal.
Varðveita menningar- og
sögulegt gildi hússins
Sveitarfélagið Þingeyjarsveit
var með Gamla barnaskólann
á sinni könnu en fimm félög
í Fnjóskadal; Búnaðarfélag
Fnjóskdæla, Fjárræktarfélag
Hálshrepps, Kvenfélag Fnjóskdæla,
Skógræktarfélag Fnjóskdæla og
Ungmennafélagið Bjarmi tóku við
húsnæðinu frá og með áramótum
2011. Agnes Þórunn Guðbergsdóttir,
formaður stjórnar sjálfseignarstofn-
unarinnar, segir að áhersla verði
lögð á að varðveita menningar- og
sögulegt gildi Gamla barnaskólans í
Skógum og verði það m.a. gert með
söfnun gamalla muna, sýningarhaldi
og að gefa almenningi kost á að njóta
hússins og kynnast sögu þess.
Hægt verður að leigja skólastof-
una fyrir veislur, afmæli eða fundi
og sýningarsalinn fyrir listsýningar
eða aðrar sýningar. /MÞÞ
Gamla barnaskólanum að
Skógum breytt í kaffihús
Gamli barnaskólinn í Skógum í Fnjóskadal var barnaskóli sveitarinnar á árunum 1916–1972 en einnig var þar
$%
+!
!
!
! %
+
N
þingstaður, samkomustaður og fundarstaður, en nú í sumar nutu gestir þar veitinga og listsýninga.
Myndir / Agnes Þ. Guðbergsdóttir.
Ketill Tryggvason bóndi á Hallgilsstöðum með dráttarvélar sínar og önnur landbúnaðartæki, en safn sitt sýndi
hann í Skógum í sumar, alls nær 200 stykki.
Bændablaðið
Smáauglýsingar.
5630300
Málþing að Fitjum í Skorradal:
Rætt um
Guðmund
á Fitjum
- Jarðræktarmann Jóns forseta
Laugardaginn 10. september nk.
verður haldið málþing að Fitjum í
Skorradal um Guðmund Ólafsson
jarðræktarmann sem þar bjó
lengi. Guðmundur var fæddur
að Setbergi við Hafnarfjörð árið
1825 en lést að Fitjum árið 1889.
Guðmundur var einn af best
menntuðu búfræðingum sinnar
tíðar; nam búfræði um fjögurra ára
skeið í Danmörku. Guðmundur varð
áhrifamikill á því sviði, bæði sem
ráðunautur og höfundur búfræðirita.
Þá var hann um skeið alþingismaður
Borgfirðinga. Guðmundur var sam-
verkamaður Jóns Sigurðssonar
forseta, og naut hvatningar hans í
starfi sínu.
Á málþinginu verða flutt þrjú
erindi um Guðmund: Karólína
Hulda Guðmundsdóttir á Fitjum og
afkomandi Guðmundar mun segja
frá Guðmundi og fjalla um helstu
æviatriði hans. Ingi Sigurðsson frá
Reykjum í Lundarreykjadal, prófess-
or í sagnfræði, mun skoða fjórar rit-
gerðir Guðmundar um búnaðarmál í
sögulegu samhengi. Þá mun Bjarni
Guðmundsson prófessor og safn-
stjóri á Hvanneyri fjalla um nokkrar
jarðræktarhugmyndir Guðmundar,
efni þeirra og áhrif. Málþinginu mun
stjórna Bergur Þorgeirsson forstöðu-
maður Snorrastofu í Reykholti.
Málþingið verður haldið í
Skemmunni á Fitjum. Það hefst
kl. 14 og er gert ráð fyrir því ljúki
um kl. 16. Á boðstólum verður
miðdegishressing. Gjald fyrir þátt-
töku í málþinginu verður kr. 500,-
Miðdegishressing er innifalin í þátt-
tökugjaldi.
Það eru afkomendur
Guðmundar Ólafssonar á Fitjum
og Landbúnaðarsafn Íslands á
Hvanneyri sem að málþinginu
standa, með atbeina Snorrastofu í
Reykholti.
Guðmundur Ólafsson fyrrum bóndi
á Fitjum í Skorradal er talinn hafa
verið einn af best menntuðu bú-
fræðingum landsins á sínum tíma.