Bændablaðið - 26.07.2012, Side 24

24 Bændablaðið | Fimmtudagur 26. júlí 2012
Fólk fær vatn í munninn yfir ilminum úr Gamla fjósinu
Eygló Scheving Sigurðardóttir
segir að reksturinn á veitinga-
staðnum Gamla fjósinu við bæinn
Hvassafell undir Eyjafjöllum gangi
mjög vel. Þaðan leggur nú ilm yfir
sveitina sem veldur því að vegfar-
endur fá vatn í munninn, eitthvað
sem fæstum dettur í hug þegar
talað er um fjós nú til dags.
Veitingastaðurinn er rétt við þjóð-
veg 1 undir Eyjafjöllum og liggur
því vel við allri umferð sem leið á
um Suðurland. Eygló rekur staðinn
ásamt móður sinni, Heiðu Björgu
Scheving, sem byggði hann upp
ásamt Páli Magnússyni bónda.
Hefur reksturinn spurst vel út og
því lék tíðindamanni Bændablaðsins
forvitni á að vita meira um þessa
starfsemi sem farin er að skapa tals-
verða atvinnu.
„Hér var áður fjós með gamla
sniðinu, en þegar ákveðið var að
setja upp róbotafjós á bænum var
gamla fjósið lagt af. Síðan hefur
þetta verið geymsla en svo kom
upp þessi hugmynd að gera eitthvað
meira úr þessu.
Við opnuðum fyrst 12. ágúst í
fyrra og vorum síðan með villibráð-
arkvöld, bílaveislu og veislur fyrir
ýmsa hópa í vetur. Síðan opnuðum
við fyrir alvöru nú í maí.
Þetta hefur gengið mjög vel. Við
erum að reyna að hafa þetta svolítið
frábrugðið þessum hefðbundnu
veitingastöðum sem menn þekkja á
bensínstöðvum meðfram þjóðveg-
inum.“
Eygló segir að að nú séu venju-
lega þrír starfsmenn á hverri vakt en
fleiri séu kallaðir til ef mikið sé að
gera. Opið er frá 11 á morgnana til
11 á kvöldin. Leyfi er til að hafa opið
til eitt að nóttu um helgar.
Segir Eygló að í sumar verði reynt
að vera með ýmsar uppákomur með
tríbadorum um helgar til að gera
þetta skemmtilegra. Hún segir mikið
lagt upp úr að vera með matvæli
úr héraði og rétti að hætti hússins.
Meðal vinsælla rétta er frábær „eld-
fjallasúpa“ sem blaðamaður getur
hiklaust mælt með. /HKr.
Eygló Scheving Sigurðardóttir við barinn í Gamla fjósinu. Myndir / HKr
Karlotta Laufey Halldórsdóttir, Eygló Scheving Sigurðardóttir og Ingveldur Anna Sigurðardóttir stóðu vaktina í
Gamla Fjósinu og matreiddu dýrindis krásir ofan í gesti af mikilli list.
Gamalt fjós sem komið var úr notkun hefur öðlast nýjan tilgang og er orðið að virðulegu og snyrilegu veitingahúsi
við þjóðveg 1 undir Eyjafjöllum.
Tjörneshreppur:
Breyting á sorphirðu
Breyting var nýlega gerð á sorp-
hirðu í Tjörneshreppi, en um
árabil hefur verktaki séð um að
taka sorppoka við heimreiðar
Tjörnesinga og koma í brennslu
hjá Sorpsamlaginu á Húsavík.
Hreppsnefnd tók ákvörðun á
fundi sínum fyrir nokkru um að taka
upp nýtt fyrirkomulag á sorphirðu
í sveitarfélaginu. Búið er að koma
fyrir tveimur 8 rúmmetra sorpgámum
í sveitinni, öðrum á Breiðuvíkurbaki
en hinum á Lynghöfða.
Í þessa gáma geta íbúar sett allt
brennanlegt sorp sem til fellur hjá
þeim, að undanskildum sláturúr-
gangi og dýrahræjum sem á undan-
tekningalaust að fara með beint í
Sorpsamlagið til förgunar.
Vonar hreppsnefnd að íbúar kunni
vel að meta aukna þjónustu, því nú er
hægt að koma rusli í gámana hvenær
sem hentar og ekki aðeins heimilis-
sorpi heldur einnig timbri og öðrum
brennanlegum rekstrarúrgangi sem
fólk hefur fram til þessa þurft að
flytja sjálft til Húsavíkur.
Sorpsamlag Strandasýslu:
Fær starfsleyfi fyrir
urðunarstað
Umhverfisstofnun hefur gefið
út starfsleyfi fyrir urðunarstað
Sorpsamlags Strandasýslu í landi
Skeljavíkur, en þar er veitt heimild
til að taka á móti allt að 500 tonn-
um af almennum úrgangi á ári til
urðunar, úrvinnslu og geymslu.
Umhverfisstofnun auglýsti til-
löguna á tímabilinu 10. maí til 4.
júlí 2012 og hún lá frammi á skrif-
stofu Strandabyggðar á sama tíma.
Ein athugasemd barst stofnuninni
á auglýsingatíma og hefur henni
verið svarað með greinargerð. Nýja
starfsleyfið öðlast þegar gildi og
gildir til 10. júlí 2028.
Reykárhverfi verður
Hrafnagilshverfi
Nafni Reykárhverfis, sem er þétt-
býliskjarni í Eyjafjarðarsveit,
hefur verið breytt í Hrafnagils-
hverfi.
Jónas Vigfússon sveitarstjóri
segir að nafngiftin hafi verið sam-
þykkt fyrir nokkru í skipulagsnefnd
og sveitarstjórn og örnefnanefnd séu
nú nýbúin að samþykkja nafnið.
Hverfið er byggt út úr
jörðinni Hrafnagili og hefur
Reykárhverfisnafnið ekki náð að
festa rætur heldur hafi menn ævin-
lega talað um Hrafnagilshverfi, eða
Hverfið. Því hafi legið beinast við
að breyta nafninu formlega.