Fréttablaðið - 24.02.2012, Blaðsíða 30

10 • LÍFIÐ 24. FEBRÚAR 2012
hvað er næst á dagskrá? Dag-
skráin hjá mér er eiginlega svo full
þessa dagana að ég hef varla gefið
mér tíma til að hugsa um hvað
kemur næst. Ég veit að ég er samt
alltaf með eitthvert markmið undir-
liggjandi, en mér finnst ekki tíma-
bært að segja frá því.
Vinnurðu út frá persónulegri
markmiðasetningu eða hefur eitt
gerst af öðru hjá þér? Ég er alltaf
með einhverja sýn á það sem mig
langar til þess að framkvæma.
Ég notast mikið við hugarkort til
þess að fá yfirsýn yfir þau markmið
sem ég set mér og er mjög einbeitt
við það að ná þeim. Þegar mark-
miðin eru komin á blað lauma ég
þeim svo inn í hugleiðsluna mína
og sé fyrir mér hvernig ég vil hafa
hlutina. Þessi leið hefur reynst mér
vel.
Hverjar eru þínar helstu fyrir-
myndir bæði í atvinnulífinu sem
og persónulega? Það er enginn
einn fastur. Ég tek mér alls konar
fólk til fyrirmyndar. Ég kann til
dæmis mjög vel að meta kurteist
fólk sem virðir aðra og kemur vel
fram. Ég forðast að setja fólk á stall
og fæ innblástur frá samferðamönn-
um mínum, stundum frá einhverju
sem fólk gerir, en líka stundum frá
einstaklingnum sjálfum.
Hvernig tæklarðu stress og
álag? Ég hugleiði á hverjum ein-
asta degi. Ég finn hvíldina í því og
hef gert frá því ég var átján ára.
Þá fór ég fyrst á jóganámskeið og
jógaheimspekin hefur fylgt mér
síðan. Hugleiðslan dýpkar innsæið
og þroskar það, sem hefur hjálp-
að mér að taka ákvarðanir í lífinu.
Hvernig heldurðu þér í líkam-
legu og andlegu formi? Fyrir
utan hugleiðsluna þá hreyfi ég mig
reglulega. Ég man einu sinni eftir
því að hafa farið í megrun. Ég var
á síðasta árinu í menntaskóla og
þá var í tísku að drekka soðið vatn
með sítrónu, hlynsírópi og cayenne
pipar. Algjör viðbjóður. Þetta tíma-
bil stóð augljóslega ekki lengi, ég
sprakk um hádegi sama dag og
síðan þá hafa megrunarkúrar ekki
heillað mig.
Það sem virkar best fyrir mig er
að ég hlusta á líkamann og reyni að
forðast þann mat sem ég finn að
fer ekki nógu vel í mig. Markmið-
ið mitt er ekki að vera með sixpakk
heldur að líða vel í eigin skinni.
Hvernig lítur mataræði kokks-
ins út? Leyfirðu þér miklar kræs-
ingar? Ég borða allt sem mig lang-
ar í og er hræðilegur sælkeri. Ég
borða bara aldrei yfir mig. Ég hef
frekar einfaldan matarsmekk og
kann að meta góðan hamborg-
ara, eplapæ með karamellusósu
og sjeik með öllu saman. Það
fer eigin lega allt eftir því hvernig
stemningin er og gæti ég svo sem
talað endalaust um það sem mér
finnst gott að borða.
Eitthvað að lokum? Eitt gott
spakmæli sem hvetur mig helst
áfram þessa dagana er: Gættu
þess að vanmeta þig ekki því ver-
öldin er vís til þess að trúa þér.
UPPÁHALDS
Tímarit: Sænska Elle à la carte.
Heimasíða: Gmail.com
Veitingastaður: Get ekki gert upp á milli.
Verslun: Mér líður afskaplega vel í matvöruverslunum. Oftar en ekki
fer ég frekar að skoða matvöruverslanir en söfn þegar ég ferðast er-
lendis. Eftirlætisbúðirnar mínar eru Hagkaup og Whole Food Store í
Bandaríkjunum.
Hönnuður: Peggy Porschen, vinkona mín og kökudíva.
Dekur: Gott höfuðnudd.
Líkamsrækt: Þessa dagana er ég í kökuformi og stoltur styrktarað-
ili Hilmars Björns, einkaþjálfara í Laugum, en það stendur til að bæta
úr því og komast aftur í mína fyrri rútínu.
Framhald af síðu 9