Fréttablaðið - 24.02.2012, Blaðsíða 32

12 • LÍFIÐ 24. FEBRÚAR 2012
GRETA SALOMÉ STEFÁNSDÓTT-
IR, 25 ára, höfundur lagsins
Mundu eftir mér, sem verður
framlag Íslands til Eurovision í
Aserbaídsjan í ár, er með full-
komna æfingastöð í bílskúrnum
sínum þar sem hún æfir cross-
fit af krafti þegar hún á lausa
stund.
Hvað færð þú persónulega út úr
því að æfa crossfit? Ég fæ alveg
rosa útrás sem er alveg frábært fyrir
stelpu eins og mig sem þarf að vera
stillt og prúð allan daginn. Þetta er
rosalega gott því með því að stunda
crossfit kem ég jafnvægi á hlutina
þegar ég búin að taka góða cross-
fit-æfingu.
Hvar æfir þú? Ég er að æfa crossfit
niðri í Bootcamp-stöðinni á Suður-
landsbraut. Ég er búin að æfa í eitt
og hálft ár. Við erum með góða að-
stöðu heima hjá okkur til að æfa en
við erum með fullkomið „crossfit-
gym“ í bílskúrnum okkar.
Hve oft æfir þú í viku? Það er
mjög mismunandi. Svona þegar ég
hef verið að æfa mest hef ég stund-
um verið að æfa tvisvar á dag eða
þegar ég hef haft nægan tíma. Síð-
ustu vikur hafa æfingarnar þurft að
víkja vegna Eurovision.
Ertu að æfa mikið þessa dag-
ana samhliða undirbúningnum
fyrir Eurovision? Já, ég er á fullu
að æfa núna. Ég er svo heppin að
kærastinn minn er þjálfari og sér
um crossfitið í Bootcamp. Hann
býr til æfingaprógram fyrir mig og
segir mér hvenær og hvernig ég á
að æfa.
Hvað heillar þig við að stunda
crossfit? Það er að maður getur
sett sér persónuleg markmið og
þannig fylgst nákvæmlega með
framförum. Í crossfit setur maður
sér persónulegar áskoranir því
maður veit sínar tölur og tíma
og þess vegna sjást framfarirnar
svart á hvítu. Tölurnar ljúga nefni-
lega ekki. Mér finnst líka gaman að
þetta sport snýst ekki um spegilinn
heldur árangur.
Er crossfit öfgaíþrótt að þínu
mati? Það getur hver farið á sínum
hraða. Það er svo skemmtilegt við
crossfit að þar sérðu alls konar fólk
í mismunandi ástandi stunda íþrótt-
ina og það verður alveg háð þessu
og það algjörlega á sínum forsend-
um.
Hefur þú tekið þátt í crossfit-
móti? Já, já, ég hef verið að keppa
en ég er ekki búin að keppa mikið
undanfarið. Ég er að stefna á eina
stóra keppni í Aserbaídsjan þann-
ig að eftir þá keppni sný ég mér
kannski meira að þessu.
Hvernig gengur undirbúningur
fyrir Eurovision? Staðan er þann-
ig að við erum að taka upp lagið
aftur. Síðustu daga höfum við tekið
upp sönginn og allar raddir í raun-
inni. Svo verður farið í mjög stóra
strengjaupptöku með meðlimum
úr Sinfóníuhljómsveit Íslands. Svo
erum við að leggja drögin að tónlist-
armyndbandi. Það er verið að klára
viðræður við alla og allt að smella
saman.
SPORTIÐ SNÝST
EKKI UM SPEGILINN
Crossfit er svo ný íþróttagrein á Íslandi að enska orðið er enn notað. Íþróttin hef-
ur slegið í gegn á Íslandi. Lífið spurði fjórar konur sem stunda íþróttina af krafti
hvað það er sem þær fá út úr því að stunda íþróttina. Ein þeirra hefur verið mjög
áberandi í crossfit-íþróttinni, Eurovision-farinn Greta Salóme Stefánsdóttir.
Mér finnst líka gaman að þetta sport snýst ekki um spegilinn heldur árangur.
SJÁ NÆSTU OPNU:
ERNA HLÍF JÓNSDÓTTIRSÓLRÚN BIRGISDÓTTIRANNA JÚLÍANA ÞÓRÓLFSDÓTTIR
25
ÁRARým ingar sala
Verslunin
flytur
Allt á að
seljast
Opið kl. 9 -18 • laugardaga kl. 11 - 16 • Stórhöfða 25 • 569 3100 • eirberg.is
Verð: 9.750 kr.
Nálastungudýnan
Bætir svefn og dregur úr verkjum
Ótrúlegt
úrval íbúða til sölu
eða leigu!
STÆRSTI
HÚSNÆÐISVEFUR
LANDSINS