Fréttablaðið - 12.04.2012, Blaðsíða 58

12. apríl 2012 FIMMTUDAGUR42
lifsstill@frettabladid.is
42
TÍSKA Raf Simons, fyrrverandi
yfirhönnuður hjá tískuhúsinu
Jil Sander, er nýr hönnuður hjá
Christian Dior. Mikið hefur verið
skrifað um væntanlegan arftaka
Johns Galliano hjá tískuhúsinu
og mörg nöfn verið nefnd en nú
er loksins komið í ljós að Simons
hafi tekið starfinu. Fyrsta fata-
lína hönnuðarins fyrir Dior kemur
fyrir sjónir almennings strax í júlí
þegar hátískan, eða haute couture,
verður sýnd.
„Strax og ég heyrði af starfinu
hjá Dior varð ég spenntur og
fannst það vera rétt skref fyrir
mig,“ segir Simons í viðtali við
New York Times.
Það verður óneitanlega spenn-
andi að sjá hvað Simons gerir
undir hatti Dior en hann er
þekktur fyrir einfaldar fatalínur
sem hann hannaði hjá Jil Sander
en fatnaður Gallianos fyrir Dior
var með ævintýralegasta móti.
Hann var rekinn frá tísku húsinu
fyrir ári er hann var kærður
fyrir niðrandi ummæli í garð
minnihlutahópa á almannafæri.
Nýr hönn-
uður Dior
SPENNANDI Raf Simons, fyrrum
hönnuður hjá Jil Sander, er arftaki Johns
Galliano hjá Christian Dior.
NORDICPHOTOS/GETTY
KYNLÍF Um leið og tvær bleikar
línur birtust á pissublautu plast-
prikinu þá fylltist ég óþrjótandi
fróðleiksfýsn í allt sem tengist
barnsburði og uppeldi. Ég reyndi
að búa mig undir þessa miklu
breytingu sem fylgir barneignum,
en mig grunaði ekki að stærsta
breytingin yrði hvorki svefnleysi
né brjóstastærð, heldur samband
mitt við makann.
Ég fékk nokkur væg grátköst á
meðgöngunni. Eitt kastið stafaði
af því að hann pantaði vitlausan
mat á veitingastað og eggið sem
kom var of lítið eldað. Ég upp-
lifði það sem persónulega árás á
ófætt barnið og neitaði að borða
(og reyndar að tjá mig) fyrr en við
vorum komin heim. Ég gat varla
horft framan í manninn.
Annað kast kom þegar mér fannst
hann ekki taka virkan þátt í með-
göngunni, því hann las ekki bóka-
staflann sem ég rogaðist með heim
af bókasafninu. Mér fannst bráð-
nauðsynlegt að hann vissi allt um
upplifun kvenna sem fá enga vor-
kunn, því þær eru bara með einn
í útvíkkun. Ég beit hann næstum
því af reiði þegar ég vissi að hann
væri á leið í sushi og bjór í hádeginu
— vissi hann ekki að mig langaði í
hráan fisk og áfengi?! Það var eins
og hann væri með einbeittan brota-
vilja til að gera mér lífið leitt.
Raunin var hins vegar sú að
hann reimaði skóna mína, nudd-
aði á mér bakið og náði í vatnsglas
og sterkan brjóstsykur um miðja
nótt. Geð köstin mín skrifuðust á
krúttleg óléttueinkenni. Svo fædd-
ist blessað barnið og lífið sner-
ist á hvolf. Samskipti okkar urðu
líkt og íslenskt veðurfar, óstöðugt
með meiru, þar sem óveður gat
brostið á í hinu mesta blíðviðri.
Ég gerði honum upp skoðanir og
fyrirætlanir og efaðist stöðugt um
eigið ágæti í ljósi þessa nýja hlut-
verks. Ég sendi hann með bros á
vör í vinnuna, en varð svo sturluð
af pirringi yfir því að hann fengi
að vera í félagsskap full orðinna,
þegar ég var sett í prísund bleyju-
skipta og svefnskipulags. Sam-
skipti byggðust á hagnýtum
upplýsingum um barnið og mat-
arinnkaup, eldamennsku og hver
ætti að hugsa um barnið. Innileiki
og nánd voru varla til staðar þar
sem kossarnir og faðmlögin, sem
voru áður hans, voru nú helguð
barninu.
Blessað barnið er svo elskað.
Það er þó ekki svo að makinn sé
ekki elskaður, hann er bara ekki
litli ilmandi sólargeislinn minn. Og
kynlíf? Hvenær og af hverju? Af
öllum doðröntunum sem ég las, þá
fjallaði enginn um breytinguna sem
barneignir hafa á samband. Ég ætla
að rjúfa þögnina og bæta úr þessu.
Kynlíf - hvenær og af hverju?
KYNLÍF: TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
Í KASTI Sigga Dögg lýsir samskiptum sínum við sinn heittelskaða á meðan hún var
ólétt.
STRESS VELDUR KVEFI Nýjar rannsóknir frá Háskólanum í Stokkhólmi sýna að það er ekki bara
vetrarkuldinn sem veldur kvefi heldur spilar stress mikilvægan þátt þegar kemur að sjúkdómnum. Sá
sem er stressaður í lengri tíma er líklegri til að byrja að hnerra og hósta.
Sviðsframkoma og út-
geislun skipta höfuðmáli í
módelfitness en vinsældir
greinarinnar fara vaxandi
meðal stúlkna hér á landi.
Aðalheiður Ýr Ólafsdóttir
er Íslandsmeistari í módel-
fitness í sínum flokki en
hún byrjaði að æfa fyrir
fjórum árum.
HEILSA „Á fyrsta mótinu mínu
komst ég á verðlaunapall, svo
það má segja að ég hafi orðið háð
sigurvímunni,“ segir Aðalheiður
Ýr Ólafsdóttir, Íslandsmeistari í
módelfitness í flokki kvenna yfir
171 cm á hæð.
Íslandsmeistaramótið í módel-
fitness var haldið í síðustu viku.
Vinsældir greinarinnar hafa
aukist hér á landi og í fyrsta
skipti þurfti að skipta stúlkunum
upp í fimm flokka. Daginn eftir
sigurinn hélt Aðalheiður út til
Danmerkur þar sem hún keppti í
alþjóðlegu keppninni Loaded Cup,
þar sem hún fór einnig með sigur
af hólmi. Til marks um mikinn
áhuga Íslendinga á greininni þá
kepptu um 80 stúlkur í Íslands-
meistaramótinu, en aðeins níu
voru skráðar til leiks í Danmörku.
„Ég er enn þá að ná mér niður eftir
helgina sem var frábær í alla staði
og hvatning fyrir mig að halda
áfram,“ segir Aðalheiður. „Það
eru mjög margar stelpur komnar
í þetta en mér finnst mikil vægt að
muna að það þýðir ekki að fara í
megrun í þrjá mánuði og taka svo
þátt. Þetta krefst aga, skipulags og
rétts matar æðis.“
Aðalheiður er snyrti fræðingur
að mennt og starfar sem mót-
tökustjóri í Laugum Spa. Hún
hefur verið í íþróttum síðan hún
man eftir sér. „Ég var í frjálsum,
ballett og jassballett þegar ég
var yngri en byrjaði í ræktinni á
unglingsárunum. Svo kynntist ég
módelfitness og hugsaði strax að
það gæti verið eitthvað fyrir mig.“
Hver er helsti munurinn á
módel fitness og vaxtarrækt?
„Módelfitness snýst meira um
sviðsframkomu og útgeislun. Það
er meira frelsi í módelfitness en í
vaxtarrækt.“
Aðalheiður segir módelfitness
vera dýrt sport en bikiníið sem
stúlkurnar klæðast á sviðinu er
dýrast. „Þetta er samt ekkert
mikið dýrara en til dæmis golf.
Ég er svo heppin að ég er með
styrktar aðila og fæ því fæðubótar-
efni og brúnkukrem. Svo verður
maður að láta sérsauma á sig
bikiní sem getur kostað allt að 50
til 80 þúsund krónur stykkið, en
það getur skipt sköpum í keppninni
að bikiníið sé sniðið rétt,“ segir
Aðalheiður og viðurkennir að það
hafi fyrst verið erfitt að ganga
fram á sviðið í bikiníi og á háum
hælum. „Það skiptir máli að fara á
pósunámskeið og æfa sig að ganga
og stilla sér upp í bikiníi. Þá kemur
maður í veg fyrir sviðsskrekk á
sjálfu mótinu.“
Eins og gefur að skilja skiptir
mataræðið vikurnar fyrir mót
miklu máli. „Ég byrjaði að undir-
búa mig í byrjun desember eða
um tólf vikum fyrir fyrsta mót.
Þá reyni ég að sneiða hjá óhollu
kolvetni, eins og í kökum og
brauði en þetta krefst gríðarlegs
sjálfsaga. Oftast er þetta allt í
hausnum, mann dreymir kökur
rétt fyrir mót en langar svo
ekkert í sætindi að því loknu.“
alfrun@frettabladid.is
Dreymir sætindi vikurnar fyrir mót
● Vakna 5.30 þrisvar sinnum í viku og kenni fitness-form
tíma, frá 6.15 til 7.15, í World Class.
● Borða morgunmat strax eftir. Hafragrautur eða Byggi
morgunkorn og prótín frá QNT.
● Vinn í móttökunni í Laugum Spa á daginn.
● Morgunkaffi, prótínsjeik og ávöxtur.
● Í hádegismat borða ég svo alltaf heilsurétt frá Nings.
● Síðdegiskaffi, prótínsjeik og ávöxtur.
● Fæ mér alltaf hafragraut með prótíni út á 60 til 90
mínútum fyrir lyftingaæfingu seinni partinn og lyfti
alltaf beint eftir vinnu.
● Borða svo kvöldmat strax á eftir, yfirleitt kjúklinga-
bringu eða ferskan fisk með grænmeti.
● Svo einn prótínsjeik fyrir svefninn.
EINN DAGUR Í UNDIRBÚNING HJÁ AÐALHEIÐI
FRÉTTABLAÐIÐ/VALLI
alla sunnudaga
klukkan 16.
Njótið vel
Hemmi Gunn
– og svaraðu nú!
Fjölbreyttur og fjörugur þáttur