Fréttablaðið - 18.05.2012, Blaðsíða 28

6 • LÍFIÐ 18. MAÍ 2012
Söngkonan og lagasmiðurinn
Greta Salóme sem lærði á fiðlu
aðeins 4 ára gömul flytur lagið
„Never Forget“ ásamt fylgdarliði
í Bakú í undanriðli Eurovis ion
þann 22. maí næstkomandi. Hún
ræðir í einlægni um stuðning
fjölskyldunnar og hennar upp-
lifun á spennandi ævintýri sem
bíður hennar.
GRETA SALÓME
ALDUR: Ég er 25 ára.
HJÚSKAPARSTAÐA: Í sambandi með
Elvari Þór Karlssyni.
FJÖLSKYLDA: Á eina systur.
LÍFSMOTTÓ: You are what you repeat-
edly do. Excellence therefore is not
an act but a habit. - Aristóteles
FRAMTÍÐIN: Ég ætla mér að halda
áfram að semja og flytja mína eigin
tónlist. Stefni að plötuútgáfu í haust
með Senu og hlakka mikið til að leyfa
fólki að heyra meira af efninu mínu.
Mitt helsta markmið er að halda
áfram að þroskast sem tónlistarmað-
ur og einstaklingur.
Hver er konan? Ég er fiðluleikari
hjá Sinfóníuhljómsveit Íslands en
einnig söngkona og lagasmiður.
Nú ert þú aðeins 25 ára gömul.
Hvernig hefur tónlistarlegu upp-
eldi þínu verið háttað ? Ég byrj-
aði í Suzuki tónlistarnámi þegar ég
var 4 ára gömul og lærði á fiðlu.
Þegar ég var svo 14 ára gömul fór
ég í Tónlistarskólann í Reykjavík og
þaðan í Listaháskóla Íslands og
Stetson University og útskrifaðist
með bachelorgráðu árið 2008. Ég
hóf svo mastersnám í tónlist árið
2010 og er að útskrifast nú í vor.
Hver er fyrirmynd þín? Ég á svo
margar fyrirmyndir. Ein af mínum
helstu fyrirmyndum í dag hvað varð-
ar tónlist er Adele. Hún er óhrædd
við að fara sínar eigin leiðir og fylgir
sinni sannfæringu sem ég ber mikla
virðingu fyrir.
Hverjir eru áhrifavaldar í lífi
þínu? Mamma mín hefur verið
mikill áhrifavaldur í mínu lífi. Hún
hefur kennt mér þau gildi sem ég
hef viljað tileinka mér, sérstak-
lega hvað varðar lífsviðhorf. Aðrir
áhrifavaldar í mínu lífa hafa eink-
um verið fiðlukennararnir mínir og
þar eru tvær mjög sérstakar konur.
Það eru þær Lilja Hjaltadóttir sem
kenndi mér að spila frá hjartanu og
svo Guðný Guðmundsdóttir sem
tók mig í gegn sem fiðluleikara og
færði spilamennskuna mína á miklu
hærra plan en hún var á. Fyrir þetta
verð ég þessum konum ævinlega
þakklát.
Framlag Íslands Never For-
get sem þið flytjið í undanriðli
Eurovision þann 22. Maí – hvern-
ig urðu lag og texti til? Sagan á
bak við lagið er mjög sérstök. Ég
var búin að vera í tíu daga tónlist-
arvinnubúðum í Skálholti haustið
2010 og var mjög innblásin af ís-
lenskri þjóðlagatónlist og algjör-
lega uppveðruð eftir þetta nám-
skeið sem var á vegum masters-
námsins sem ég er í. Þegar ég kom
heim settist ég við hljómborðið mitt
og byrjaði að vinna í lagi sem hafði
kviknað hjá mér í Skálholti. Lagið
formaðist frekar fljótt og var Skál-
holt alltaf í huganum mínum. Ég
leyfði mömmu svo að heyra það
og hún spurði mig strax hvort lagið
væri um söguna af Ragnheiði Brynj-
ólfsdóttur og Daða Halldórssyni
sem gerðist einmitt í Skálholti. Ég
þekkti hana ekki en mamma lét
mig fá bók með sögunni. Ég varð
heltekin af henni og kláraði lagið
með þau í huga. Það má eiginlega
segja að sagan þeirra hafi komið
til mín áður en ég las hana. Fyrir
mér var þetta allt mjög sérstakt og
ég fann mikla samsvörun í sjálfri
mér og Ragnheiði. Mér fannst ég
næstum þekkja hana persónulega
og eftir því sem lagið þróaðist því
sannfærðari var ég um að sagan
þeirra hafi verið kveikjan af laginu
þó svo ég hafi ekki þekkt hana. Í
Skálholti er svo mögnuð saga sem
skilur engan eftir ósnortinn, jafnvel
þó við þekkjum hana ekki.
Hvernig hefur undirbúningur
fyrir Eurovision-keppnina geng-
ið? Frábærlega. Við mættum á
svið á fyrstu æfingu á sunnudags-
morgun eftir 18 klukkutíma ferða-
lag og tveggja tíma svefn. Æfing-
in gekk vonum framar og við grip-
um andann á lofti þegar við sáum
grafíkina í atriðinu okkar. Ég fékk
þessa sömu tilfinningu og þegar
ég sá myndbandið af laginu í fyrsta
skiptið. Það eru ótrúlega sterk ís-
lensk áhrif sem eiga pottþétt eftir
að skila sér heim í stofu til Íslend-
inga og vonandi fylla þá af sama
þjóðarstolti og ég fann fyrir þegar
ég sá þetta. Eftir æfinguna höfum
við fengið frábær viðbrögð og allir
virðast mjög spenntir að sjá hversu
langt lagið fer. Það eina sem við
getum gert er að gera okkar allra
besta og reyna að gera landa okkar
stolta.
Hverja telur þú vinningsmögu-
leika ykkar vera í keppninni? Það
er ómögulegt að segja. Við höfum
mikinn meðbyr sem er frábært en í
rauninni er eina markmiðið akkúr-
at núna að reyna að komast upp
úr fyrri riðlinum og endurmeta stöð-
una eftir það.
Hver er sérstaða íslenska
hópsins? Sérstaðan okkar er held
ég sú að við erum með þjóðlegt
lag sem við teljum vera íslenskt en
Austur-Evrópuþjóðirnar grípa líka
og finna eitthvað pínulítið af sinni
tónlist í laginu líka. Það er smá al-
þjóðlegur „þjóðlagablær“ á laginu.
Nú eruð þið önnur á svið-
ið í Bakú á þriðjudaginn kemur.
Hvernig leggst það í ykkur? Í
okkar tilfelli tel ég það bara vera
jákvætt. Lagið á undan okkur er
mjög sérstakt og ég held að ís-
lenska lagið verði fínt á eftir því. Á
eftir okkur koma svo Grikkir með
Euro-pop lag. Þannig að við erum
á milli tveggja laga sem eru mjög
ólík okkar lagi sem verður að telj-
ast jákvætt.
Hvað ætlið þið að leggja
áherslu á þegar þið stigið á svið-
ið fyrir Íslands hönd? Áhersl-
an er á að flytja lagið vel og reyna
að koma kraftinum í laginu sem á
upptök sín á Íslandi til skila. Þessi
íslenski drifkraftur á að skila sér.
Við höfum meira að segja oft vitn-
að í orðið skriðjökull og sagt að við
ætlum að vera eins og skriðjöklar
á sviðinu.
Hvernig styður Elvar unnusti
þinn þig? Elvar styður mig á svo
fallegan hátt. Hann er kannski ekki
MARGRA MÁNAÐA UNDIRBÚNINGUR
FYRIR ÞRJÁR MÍNÚTUR
Rebekka Ingimundardóttir: Búningahönnuður og leikstjóri | Sunna Rán S
stjóra | Þórhildur Örvarsdóttir: Raddþjálfari | Nína Kristjánsdóttir: Hárgre
Svo er fullt af frábæru fólki frá RÚV sem leiðir okkur í gegnum allt ferlið
EUROVISION-HÓPUR GRETU Alma
Krist
Söng
Guðrún Árný
Karlsdóttir
Söngkona
Pétur Örn
Guðmundsson
Söngvari
Jón Jósep
Snæbjörnsson
SöngvariRannsóknir sýna að notkun sykurlauss Extra eykur munnvatnsframleiðslu,
jafnar sýrustig, heldur tönnunum hreinum og stöðvar sýklaárásir á þær.
Extra minnkar upptöku hitaeininga og dregur það úr streitu í amstri
hversdagsins.