Fréttablaðið - 21.07.2012, Qupperneq 41

KYNNING − AUGLÝSING Bílar21. JÚLÍ 2012 LAUGARDAGUR 5
Sigurður Helgason hjá Um-ferðarstofu segir að menn séu meðvitaðri um það nú en
áður að ekki megi draga mjög stór
tæki nema hafa til þess sérstök öku-
réttindi og að bíllinn hafi til þess
burði. „Það er mjög einfalt að verða
sér úti um þá vitneskju. Í öllum
skráningar skírteinum bifreiða
kemur fram hversu þunga eftir-
vagna þeir mega draga. Lögreglan
fylgist með þessum farar tækjum og
mér er sagt að yfirleitt hafi ökumenn
tilskilin réttindi til að aka bílum
með stórum eftirvögnum. Reyndar
kemur fyrir að menn aki stórum
bílum og hafi ekki þau réttindi sem
reglur kveða á um. Þeir sem eru með
venjulegt ökupróf mega ekki aka
öllum bílum sem eru þó skil greindir
sem fólksbílar. Stærstu jeppar geta
farið yfir þá þyngd sem miðað er við
eða 3,5 tonn.“
Sigurður segir að menn verði
einnig að gæta að því að tengi-
búnaðurinn sé í góðu lagi en það
hafi lagast mikið á undanförum
árum. „Eftirlit hefur verið hert með
þessum hlutum.“
Próflausir á ferðinni
Í Noregi hafa menn haft áhyggjur af
því að ökumenn dragi of stór hjól-
hýsi án þess að hafa til þess réttindi
en einnig er víðtækt vandamál að
menn aki próflausir. Á síðasta ári
voru 13.500 manns, sem ekki gátu
sýnt ökuskírteini, stöðvaðir og
sektaðir. Þarlendir bílstjórar sem
ekki hafa ökuréttindi eru sektaðir
um 10 þúsund norskar krónur (210
þús. íslenskar) í fyrsta skipti sem
þeir eru teknir. Ef sömu ökumenn
eru teknir aftur hækkar sektin og í
þriðja skiptið er refsingin fangelsis-
dómur.
Sigurður segir að þetta sé sömu-
leiðis mikið vandamál hér á landi og
allt of algengt. „Viðurlögin við því
að aka réttindalaus eru 60 þúsund
krónur við fyrsta brot, 100 þúsund
við annað og síðan fangelsisvist.
Oft eru þetta menn sem hafa verið
sviptir ökuréttindum en lögreglan
fylgist sérstaklega með þeim þannig
að þeir taka mikla áhættu.
Annað vandamál eru þeir sem
gleyma að endurnýja öku skírteinið
eða hreinlega gleyma að bera það á
sér. Þeir sem skilja öku skírteinið
eftir heima þurfa að borga 5.000
krónur í sekt.“
Meirapróf þarf til að
draga stærstu hjólhýsin
Á undanförnum árum hafa hjól- og tjaldhýsi verið að stækka mikið,
sérstaklega í góðærinu þegar talað var um skuldahalana á vegum landsins.
Flestir ökumenn átta sig á því að stundum þarf meirapróf til að aka með stóra
tengivagna.
Bensíneyðsla er eitthvað sem margir eru farnir að hugsa út í nú þegar
verð á bensíni hefur hækkað. Það er margt sem að stjórnar bensín-
eyðslunni fyrir utan stærð vélarinnar á bílnum.
Aksturslag getur haft mikil áhrif á hversu miklu bíllinn eyðir. Ef við-
komandi er að gefa mikið í á stuttum
vegalengdum þá eyðist bensínið
hraðar en þegar um langtíma utan-
bæjarakstur er að ræða, þá eyðir
bíllinn minna. Veðrið skiptir einnig
máli. Á veturna eyða bílarnir oftast
meira vegna hálku og snjókomu.
Það er ekki alltaf hægt að treysta á
bílaauglýsingar og hvað þær gefa upp
sem eyðslu bílanna. Dekkin og regluleg skipting á olíu geta líka skipt
máli, þess vegna er mikilvægt að halda bílnum við. Forðastu lausagang
bílsins, ef bíllinn er stopp í meira en 30 sekúndur borgar sig að drepa á
honum. Ef ekið er um á beinskiptum bíl þá getur breytt miklu að aka í
hæsta mögulega gírnum og vera fljótur að skipta upp.
Gott er að hugsa áður en farið er af stað: Hvert er ég að fara? Get ég
fengið far með öðrum? Get ég sinnt öðru erindi í sömu ferðinni? Get ég
hjólað þangað? Með þessum ágætis ráðum er hægt að minnka bensín-
eyðsluna.
Minnka má bensíneyðsluna
bfo.is
Bifreiðaverkstæði Friðriks Ólafssonar ehf
SMIÐJUVEGI 22 (GRÆN GATA) · 200 KÓPAVOGI · SÍMI: 567 7360
bfo@bfo.is
BGS VOTTUÐ ÞJÓNU
STA
BGS
VOTTUÐ ÞJÓNUSTA
Þjónustuverkstæði fyrir
eftirtaldar bifreiðar
reynsla – þekking – góð þjónusta
Steinbauer gefur auka-
kraft og sparar eldsneyti
BÍLAVEISLA OG BÍLAKAKA
Leiftur McQueen ætti að vera flestum vel kunnur úr teiknimyndinni Bílar
eða Cars. Fyrir þá sem eiga börn sem heillast af þessum hraðskreiða fáki
er hægt að fá ýmiss konar varning með kappanum. Blöðrur, bílar, dúkar,
diskar og alls kyns veisluvarningur er tilvalinn í afmælisveisluna. Fyrir þá
sem lagnir eru við bakstur er tilvalið að skella í eina Leiftur McQueen-köku
fyrir afmælið.
Á vefslóðinni www.mommur.is er að finna ítarlegar upplýsingar og upp-
skrift að því hvernig baka skal eina slíka. Víst er að fyrir litla aðdáendur
myndi þannig kaka slá rækilega í gegn.
3
FLEIRI TAKA AUKIN
ÖKURÉTTINDI
Nokkur aukning varð í fyrra
á þeim sem tóku ökupróf fyrir
stórar vörubifreiðar eða 9%
miðað við árið þar á undan.
Á stórar hópbifreiðar varð
aukningin rúmlega 21% og á
fólksbifreiðar til farþegaflutninga
í atvinnuskyni rúmlega 17%. Þá
var mikil aukning á þeim sem
tóku ökuréttindi fyrir litlar vöru-
bifreiðar og hópbifreiðar eða
rúmlega 57%.