Fréttablaðið - 21.07.2012, Síða 57

LAUGARDAGUR 21. júlí 2012 33
SVALANDI EINS OG
EKTA ÍSLENSK RIGNING
F
ÍT
O
N
/
S
ÍA
GOLF Bandaríkjamaðurinn Brandt
Snedeker stendur best að vígi að
loknum tveimur hringjum á Opna
breska meistaramótinu í golfi
en leikið er á Royal Lythan & St
Annes strandvellinum á Englandi.
Snedeker spilaði hringinn í gær á
sex höggum undir pari og er á tíu
höggum undir pari samanlagt.
„Til þess að spila hér án þess
að fá skolla þarf maður að hafa
heppnina með sér og spila frekar
gott golf. Ég kalla það leiðingjarnt
golf,” sagði Snedeker hógvær að
loknum hringnum í gær.
Snedeker hefur aldrei sigrað á
risamóti í golfi en besti árangur
hans er þriðja sætið á Masters-
mótinu árið 2008. Fróðlegt verður
að fylgjast með því hvernig hann
höndlar kastljósið um helgina.
Ástralinn Adam Scott, sem
leiddi að loknum fyrsta degi,
andar ofan í hálsmál Snedeker á
níu undir pari samanlagt.
Tiger Woods hefur sýnt mikinn
stöðugleika fyrstu tvo hringina.
Bandaríkjamaðurinn hefur spilað
þá báða á þremur undir og er í
þriðja sæti á sex höggum undir
pari samanlagt.
Ljóst er að Norður-Írinn Darren
Clarke ver ekki titil sinn frá því
í fyrra. Eftir hörmulega spila-
mennsku á fimmtudag rétti Clarke
úr kútnum í gær á einu höggi yfir
pari. Það dugði þó ekki til að
komast í gegnum niðurskurðinn.
Bandaríkjamaðurinn Phil Mic-
kelson vill væntanlega gleyma
mótinu sem fyrst. Mickelson, sem
hafnaði í öðru sæti mótsins í fyrra,
var á ellefu höggum yfir pari að
loknum tveimur dögum og langt
frá því að komast í gegnum niður-
skurðinn. -ktd
Snedeker óvæntur forystusauður á opna breska:
Laus við glompurnar
GLOMPULAUSAR 36 HOLUR Snedeker hefur spilað fyrstu tvo hringina án þess að slá
í sandglompu. 206 glompur er að finna á holunum átján. NORDICPHOTOS/GETTY
FÓTBOLTI Arsenal hefur hafnað til-
boðum Juventus, Manchester City
og Manchester United í hollenska
framherjann Robin van Persie.
Hollendingurinn 28 ára lýsti því
yfir á dögunum að hann myndi
ekki endurnýja samning sinn við
Lundúnarfélagið sem rennur út
sumarið 2013.
„Við reynum að segja sem
minnst um viðskipti sem þessi
þar til þau eru frágengin. Það er
enginn tilgangur að ræða eitthvað
sem mögulega verður ekkert af,“
sagði Sir Alex Ferguson knatt-
spyrnustjóri United pirraður yfir
því að Arsenal upplýsti um tilboð
United í gær. Talið er að Arsenal
vilji fá í það minnsta 20 milljónir
punda eða sem nemur um fjórum
milljörðum íslenskra króna fyrir
Hollendinginn sem kjörinn var
besti leikmaður ensku úrvals-
deildarinnar á síðustu leiktíð.
Frágengið er að Van Persie
ferðast ekki með Arsenal til Asíu
en fram undan er tveggja vikna
æfingaferð liðsins til Malasíu,
Kína og Hong Kong. Þess í stað
mun Van Persie halda sér í formi
á æfingasvæði Arsenal.
Van Persie hefur verið á mála
hjá Arsenal frá árinu 2004 þegar
hann kom frá Feyenoord. -ktd
Arsenal hafnar tilboðum:
Barist um þjón-
ustu Van Persie
MARKAKÓNGUR Van Persie skoraði 30
mörk í 38 leikjum í ensku úrvalsdeild-
inni í fyrra. NORDICPHOTOS/GETTY