Fréttablaðið - 27.07.2012, Blaðsíða 14

14 27. júlí 2012 FÖSTUDAGUR
Því miður heyrðu íslenskir fjölmiðlar illa á dögunum þegar ungliðahreyf-
ingar íslenskra stjórnmálaflokka gáfu út
sameiginlega yfirlýsingu um mikilvægi
stjórnmálastarfs þrátt fyrir „ástandið”.
Var þetta þó stórfrétt vegna stíl-
brotsins gegn fordæmi elstu for-
ystumanna sem magna alla finn-
anlega ófriðarelda. Yfirlýsingin
var gefin í anda nýju 22. júlí kyn-
slóðarinnar sem Jens Stoltenberg
talaði sérstaklega til í Útey sl.
sunnudag og sagði ungliða allra
stjórnmálaflokka í Noregi til-
heyra því allar hefðu hreyfing-
arnar stækkað á liðnu ári vegna
ungmenna sem byðu Breivik
byrginn. Á ungliðana væri betur
hlustað en fyrr.
Ungir jafnaðarmenn og íslensk nasjon-
sbygging
Í Útey 22. júlí 2011 voru „uppbyggjarar“
framtíðarinnar að móta nýjar áherslur
innan hefðarinnar sem norski Verkamanna-
flokkurinn hefur skapað, um félagslegt rétt-
læti, lýðræði og samábyrgð. Þau höfðu sett
kærleiksríka samlögun kynþátta og trúar-
bragða innan norsks samfélags á oddinn.
Ungir jafnaðarmenn á Íslandi hafa á
eftir tektarverðan hátt borið þennan anda
til Íslands. Þau gátu öll eins sjálf verið í
Útey. Undanfarin ár hafa þau lagt sig enn
meira eftir að vinna með alþjóðahreyfingu
jafnaðarmanna og meðal hinna
67 föllnu voru félagar. Minn-
ingarstund í Vatnsmýri á sunnu-
daginn skipulagði UJ og hana
sóttu einnig ungliðar íslenskra
flokka sem flokksforysta jafn-
aðarmanna á vart talsamband við
í „ástandinu”. Í íslenskum stjórn-
málum var gefið út opið ofbeldis-
leyfi sem hefur á fjórum árum
á endanum hitt alla flokka og
almenning fyrir. Enginn af eldri
kynslóð axlar ábyrgð á því að
nema úr gildi þetta ofbeldis leyfi
af ótta við óvinsældir. Þannig bera allir
ábyrgð á hringrás sem veikir samfélagið í
heild. Vilji íslenskir jafnaðarmenn standa
undir norrænu nafni verða þeir að vakna
og sjá sína sérstöku ábyrgð á að rjúfa víta-
hring. Vökumenn norrænnar jafnaðar-
stefnu á Íslandi eru 22. júlí kynslóðin sem
Jens talar til.
Grein Kristrúnar Lexían frá Útey birtist í
blaðinu í gær.
Þannig bera
allir ábyrgð á
hringrás sem
veikir samfé-
lagið í heild.
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
FRÁ DEGI TIL DAGS
HALLDÓR
22. júlí kynslóðin í stjórnmálum
Stjórnmál
Kristrún
Heimisdóttir
lektor í lögfræði
Lítilla sanda og sæva
Icelandair skilaði 4,5 milljarða
króna hagnaði árið 2011. Dágóður
skildingur það. Nú hefur fyrirtækið
hins vegar lagt fram skaðabótakröfu
á tvo flóttamenn sem reyndu að
komast úr landi með því að fela sig í
einni flugvél félagsins, þar sem tafir
urðu á flugi og því fylgir víst einhver
kostnaður. Heldur
lítilmannlegt verður
það að teljast að
stórfyrirtæki ákveði að
sækja fé til manna sem
eru svo allslausir að þeir
eiga sér ekki einu sinni
föðurland.
Nær að rukka Isavia
Hafi Icelandair orðið fyrir jafn miklu
tjóni og lögsókn þeirra á hendur alls-
leysingjunum tveimur gefur til kynna,
ættu stjórnendur kannski að velta
því fyrir sér hvort þeir þurfi ekki að
endurskoða samninga við Isavia. Það
fyrirtæki tekur að sér að tryggja að
einmitt það sem gerðist gerist ekki.
Er ekki nær að rukka það?
Hvað með þjóðina?
Björn Bjarnason, fyrrum
ráðherra, ritar pistil á
heimasíðu sína þar
sem hann finnur
væntanlegri
þjóðar-
atkvæðagreiðslu um stjórnarskrár-
tillögu allt til foráttu. Hann minnir á
dræma þátttöku í stjórnlagaþings-
kosningum, aðeins tæp 37% hafi
kosið og það þrátt fyrir að frambjóð-
endurnir 523 hljóti að hafa hvatt sína
nánustu til þátttöku. „Hverjir munu
nú hafa hag af því að hvetja til þátt-
töku í þjóðarskoðanakönnuninni?“
spyr hann síðan og svarar sjálfum
sér að það séu líklegast þeir 25 sem
sátu í stjórnlagaráði. Vonandi munu
flestir hins vegar líta á þjóðar-
atkvæðagreiðsluna sem tækifæri
til að segja álit sitt á því við
hvernig stjórnarskrá þeir
vilja búa.
kolbeinn@frettabladid.is
FULLKOMINN FERÐAFÉLAGI!
K
nattspyrnumaður var nýlega dæmdur fyrir sérstaklega
hættulega líkamsárás, eftir að hafa kastað bjórglasi í
annan mann. Skömmu eftir að hann var dæmdur kom í ljós
að hann hefur jafnframt verið ákærður fyrir tvær aðrar
líkamsárásir, í þau skiptin gegn þáverandi kærustu sinni.
Lýsingarnar eru óhuggulegar. Í ákærunni er manninum gefið að sök
að hafa slegið kærustuna hnefahöggi, rifið í hár hennar og hrint henni
í götuna ítrekað. Þetta er sagt hafa gerst sama kvöldið en í tveimur
atlögum. Nokkrum mánuðum síðar er hann sagður hafa rifið í hár
hennar, hent henni í rúm, sest ofan
á hana, slegið hana utan undir,
tekið um vit hennar svo hún átti
erfitt með andardrátt og skallað
hana.
Þetta eru ekki léttvæg brot sem
ákært er fyrir, og ekki einstakt til-
vik. Samt sem áður voru forráða-
menn liðsins sem maðurinn lék
fyrir, ÍA, þöglir sem gröfin þegar spurst var fyrir um það hvort málið
myndi hafa einhverjar afleiðingar fyrir knattspyrnuferil mannsins,
sem var fenginn hingað til lands til þess að spila knattspyrnu. Ein-
göngu var sagt að um „einkamál“ væri að ræða.
Þessi mál voru rædd og komust svo örlítið meira í sviðsljósið eftir
að út spurðist að önnur knattspyrnufélög hefðu áhuga á að fá manninn
í sínar raðir. Og fyrir skemmstu skipti hann um lið og fór í Stjörnuna.
Forsvarsmenn nýja liðsins hafa einnig verið spurðir um afstöðu sína
en ekkert viljað segja heldur.
Hvort sem íþróttamönnum líkar það betur eða verr þá eru þeir á
vissan hátt fyrirmyndir margra, ekki síst barna. Þeir geta svo tekið
það hlutverk misalvarlega og hægt er að takast á um hversu langt
það á að ná. Íþróttafélög gegna hins vegar meiri skyldum og eiga ekki
að komast upp með að taka sínu hlutverki létt. Þau gegna nefnilega
uppeldishlutverki, þeim er treyst fyrir börnum og þeirra framkoma
skiptir miklu máli. Íþróttafélögin setja sér siðareglur, þar sem æskileg
hegðun iðkenda er útlistuð. Til hvers eru slíkar reglur settar ef þeim
er ekki fylgt?
Þrátt fyrir að um þetta mál hafi aðeins verið rætt hefur annað mál
verið mun fyrirferðarmeira í knattspyrnuumræðunni síðustu daga.
Leikmaður ÍA kallaði íþróttafréttamann Stöðvar 2 illum nöfnum á
Facebook og þá varð allt vitlaust. Í því máli vantaði ekki að menn tjáðu
sig, þess var krafist að á málinu yrði tekið af knattspyrnusambandinu
og leikmaðurinn baðst afsökunar á framferði sínu.
Því hefur ekki verið fyrir að fara í ofbeldismálinu. Þvert á móti. Í
gær rauf formaður afrekssviðs ÍA þögnina með pistli þar sem hann
bað fólk í fyrirsögn að gera ekki meiri kröfur til annarra en til sjálfs
sín. Það er hins vegar svo í siðaðra manna samfélagi að við gerum
einmitt þær kröfur, bæði til okkar sjálfra og allra annarra, að beita
ekki ofbeldi. Þess vegna varðar ofbeldi við lög.
Þá líkti formaðurinn dómsmálum vegna ofbeldisbrota við vandamál
þeirra sem lent hafa í vandræðum vegna áfengis- og fíkniefna. Færa
má rök fyrir því að vandræði með áfengi eða fíkniefni séu vissulega
vandræði og einkamál fólks. Það gildir hins vegar ekki um ofbeldis-
brot. Ofbeldi er aldrei einkamál.
Knattspyrnufélögin eiga að taka á málum:
Ofbeldi er aldrei
einkamál
Þórunn Elísabet
Bogadóttir
thorunn@frettabladid.is
SKOÐUN