Fréttablaðið - 27.07.2012, Blaðsíða 38

27. júlí 2012 FÖSTUDAGUR
menning@frettabladid.is
Á vesturbakka Blöndu
standa elstu hús Blöndu-
óss. Þar er kirkja, hótel,
verslun, bakarí, spítali,
læknishús og líkhús, allt
aflagt. Nú býr þar menn-
ingarsinnað fólk sem kann
að meta þessi gömlu hús og
umhverfi þeirra.
ÞAR SEM STÓRFLJÓTIÐ
KYSSIR ÚTHAFSÖLDUNA
„Við búum í litlu húsi í grónu hverfi í
Reykjavík en hér látum við lofta um
okkur. Það er svo yndislegt að breyta
til,“ segja hjónin Inga Elsa Bergþórs-
dóttir, grafískur hönnuður, og Gísli
Egill Hrafnsson ljósmyndari, sem
eiga stórt hús á sjávarkambi vestur-
bakkans. Þau tóku við því sem gömlu
bílaverkstæði en áður var það slátur-
hús. Nú er listin búin að taka yfir því
þau hjón sinna þar hugðarefnum
sínum á öllum árstímum, unnu þar
meðal annars að bók sinni Góður
matur, gott líf sem kom út á síðasta
ári. „Við erum búin að vera í ein átta
ár að dunda við að gera húsið upp,“
segja þau ánægð yfir að hafa ákveðið
að gefa verkefninu tíma í stað þess
að taka stórt lán í byrjun og rumpa
framkvæmdunum af.
„Þó við séum í byggð þá erum við
í tengslum við náttúruna, fuglalífið,
sjóinn og selina,“ segir Inga Elsa.
„Útsýnið er aldrei eins frá degi til dags
HÉR LÁTUM VIÐ
LOFTA UM OKKUR
HORFT AF BREKKUNNI Kirkjan var byggð árið 1895. Nú er hún menningarhús enda var vesturbakkinn miðstöð mannlífs á
Blönduósi um árabil. Húsið við hliðina heitir Helgafell því þau sem byggðu það 1948 hétu Helgi og Helga. Síðan tóku við því
hjón sem hétu sömu nöfnum og ráku lyfjaafgreiðslu héraðslæknisins á neðstu hæðinni. Krútt kaffihús var í húsinu á tímabili
og síðustu árin Vínbúðin. FRÉTTABLAÐIÐ/GVA
GAMLA LÆKNISHÚSIÐ Byggt upp úr
1900. Garðurinn á bak við var mikill
lystigarður en fór í órækt og er nú í
endurhönnun. Lágreistur skúr sem
áður var líkhús er við eina hlið hans.
Þar lá eitt sinn drengur, úrskurðaður
andvana, sem vinnukonu fannst hún
sjá hreyfingu hjá. Þetta var kántrý-
kóngurinn Hallbjörn Hjartarson.
ÍBÚÐ OG ATHVARF LISTARINNAR „Það fer ekki hjá því að maður beri virðingu fyrir
öflunum í umhverfinu,“ segja þau Inga Elsa og Gísli Egill sem búa á fjörukambinum í
húsi sem var áður bílaverkstæði og þar áður sláturhús. Stundum gefur á stofugluggann
en aldrei hefur flætt upp á lóðina. Þó hafa þau þröskuldinn háan til vonar og vara.
Stranda fjöllin blasa við í fjarska. FRÉTTABLAÐIÐ/GVA
allt sumar
er möguleiki
á vinningum
sinalco-
Töppunum
yfir 5.000
vinningar!
Í öllum Sinalco-töppum er númer. Settu það
inn í sumarleik Góu á Facebook-síðu Góu
(www.facebook.com/goa.is) og þú veist strax
hvort þú hefur unnið.
Allir sem skrá sig gætu svo átt von á
risavinningum til viðbótar á FM957 í allt sumar.
GRÓÐUR ÓSKAST Sjálfboðaliðar fara nú um Goðahverfið í
Reykjavík og víðar og leita uppi afleggjara og fleira sem borgarbúar
vilja gefa í samfélagsbeð á Óðinstorgi. Þeir sem vilja leggja gróður
af mörkum hafi samband í netfangið odinstorg@gmail.com.