Fréttablaðið - 27.07.2012, Blaðsíða 28

KYNNING − AUGLÝSINGMaraþon FÖSTUDAGUR 27. JÚLÍ 20128
ELSTA BORGARMARAÞONIÐ
Boston-maraþonið er elsta borgarmaraþonið sem fram fer árlega. Það var haldið í
fyrsta skipti árið 1897. Í fyrsta hlaupinu tóku aðeins átján hlauparar þátt en fjöldi þeirra
hefur aukist jafnt og þétt síðan þá. Mestur var fjöldinn árið 1996 þegar hlaupið fór fram
í hundraðasta skiptið en þá kláruðu rúmlega 35 þúsund þátttakendur hlaupið.
Boston-maraþonið er eitt af fimm stærstu árlegu maraþonhlaupum heims. Hin eru
maraþonin í Berlín, Chicago, London og New York. Hlaupið í Boston er einn virðulegasti
viðburðurinn í hlaupaheiminum vegna langrar sögu þess, erfiðrar leiðar og þeirrar
staðreyndar að það þarf að vinna sér inn þátttökurétt í því. Leiðin sem hlaupin er í
Boston hefur verið að mestu leyti sú sama frá upphafi og er þekkt fyrir að vera nokkuð
erfið. Um mitt hlaup liggur leiðin upp nokkrar brekkur sem kallast Newton Hills. Þessar
hæðir eru ekki mjög háar en staðsetning þeirra er erfið því hlaupararnir hafa hlaupið að
mestu niður á við síðustu 25 kílómetrana áður en þeir leggja í brekkurnar.
Ef lesendur hafa hug á að taka þátt í Boston-maraþoni þá er nógur tími til undirbún-
ings en næsta hlaup fer fram þann 15. apríl á næsta ári.
HLEYPUR TIL GÓÐS
Sjónvarpsmaðurinn Björn
Bragi Arnarsson stefnir á að
hlaupa heilt maraþon til styrktar
Krabbameinsfélagi Íslands. Björn
Bragi hefur sett sér það markmið
að safna 500 þúsund krónum en
sjálfur ætlar hann að gefa 100
þúsund krónur ef það tekst.
Margir fleiri einstaklingar sem
skráð hafa sig í Reykjavíkurmara-
þonið hyggjast styrkja Krabba-
meinsfélagið. Hægt er að skoða
hlaupara og hversu miklu þeir
hafa safnað á vefsíðunni Hlaupa-
styrkur.is og fara síðan inn á
góðgerðarfélög.
Á vefsíðunni er hægt að skrá
sig í Reykjavíkurmaraþonið og
velja sér góðgerðarfélag ef fólk
vill hlaupa í þágu góðs mál-
staðar. Árið 2011 var slegið met
í áheitasöfnun þegar söfnuðust
43.654.858 kr.
Maraþonið fer fram 18. ágúst,
sama dag og Menningarnótt
verður í Reykjavík, og má sjá allar
upplýsingar á vefnum Marathon.
is.
ÞUNGIR BRENNA MEIRU
Líkamsþyngd hefur mikið um
það að segja hversu mörgum
hitaeiningum manneskja brennir.
Þungir einstaklingar brenna fleiri
hitaeiningum en léttir. Undir-
lagið sem farið er yfir skiptir líka
máli og krefst það óneitanlega
meiri orku að hlaupa upp langar
brekkur en á flatlendi. Veðurfar
hefur líka sitt að segja og tekur
meira á að hlaupa í mótvindi.
Víða á netinu má finna reikni-
vélar þar sem hægt er að áætla
hversu mörgum hitaeiningum
er hægt að brenna við ákveðnar
athafnir. Þær taka yfirleitt aðeins
tillit til líkamsþyngdar en ekki
annarra áhrifaþátta. Reiknivél
á heimasíðunni Run the Planet
áætlar brennsluna miðað við
ákveðna vegalengd, hraða og
tíma. Samkvæmt henni brennir
50 kílóa manneskja sem hleypur
heilt maraþon 1900 hitaeiningum
en 70 kílóa manneskja 2660
hitaeiningum.
Njóttu
stundarinnar
án verkja
– Bólgueyðandi og verkjastillandi
Íbúfen®
Notkunarsvið: Íbúfen inniheldur íbúprófen sem er bólgueyðandi, verkjastillandi og hitalækkandi lyf. Íbúfen tilheyrir flokki lyfja sem kölluð eru NSAID
lyf (bólgueyðandi lyf sem ekki eru sterar). Íbúfen er notað við vægum til meðal miklum verkjum eins og höfuðverk, mígreni, tannpínu, tíðaverkjum og
hita. Ekki má taka Íbúfen: Þeir sem hafa ofnæmi fyrir íbúprófeni, öðrum skyldum lyfjum eða einhverju hjálparefnanna. Þeir sem fengið hafa
ofnæmisviðbrögð eins og astma, nefrennsli, útbrot með kláða eða ef varir, andlit, tunga eða háls hafa bólgnað upp eftir að hafa tekið íbúprófen eða
skyld lyf. Þeir sem þjáðst hafa af sárum eða blæðingum í maga eða smáþörmum (skeifugörn) í tengslum við fyrri notkun bólgueyðandi verkjalyfja,
þjást núna af sárum eða blæðingum í maga eða smáþörmum (skeifugörn) eða hafa áður þjáðst af slíku, tvisvar eða oftar, með alvarleg lifrar-, nýrna-,
eða hjartavandamál (kransæðasjúkdómar meðtaldir), þeir sem þjást af umtalsverðum vökvaskorti (vegna uppkasta, niðurgangs eða of lítillar
vökvaneyslu), eru með einhverjar blæðingar (blæðingar í heila meðtaldar), eru með sjúkdóm af óþekktum uppruna sem leiðir til óeðlilegrar
myndunar blóðfrumna. Sérstök varnaðarorð: Þeir sem eru með rauða úlfa (SLE) eða aðra sjálfsnæmissjúkdóma, arfgengan sjúkdóm sem hefur áhrif á blóðrauða, hemoglóbín (purpuraveiki), langvarandi
bólgusjúkdóma í þörmum eins og bólgur í ristli með sárum (sáraristilbólgu), bólgur í meltingarvegi (Crohn´s) eða aðra maga- eða þarmasjúkdóma, truflanir á blóðfrumnamyndun, vandamál tengd
blóðstorknun, ofnæmi, ofnæmiskvef, astma, langvarandi bólgur í nefslímhúð, kinnbeinaholum, kokeitlum eða langvarandi teppusjúkdóma í öndunarvegi, blóðrásarkvilla í slagæðum handleggja og fóta,
lifrar-, nýrna- eða hjartavandamál eða háan blóðþrýsting, nýkomnir úr meiriháttar skurðaðgerð ættu ekki að nota lyfið. Meðganga/brjóstagjöf: Íbúprófen má ekki taka á síðustu 3 mánuðum meðgöngu.
Aðeins ætti að nota Íbúfen á fyrstu 6 mánuðum meðgöngu í samráði við lækni og ef það er algerlega nauðsynlegt. Íbúprófen getur gert konum erfiðara með að verða þungaðar. Þessi áhrif ganga til baka
þegar hætt er að taka lyfið. Íbúprófen berst í brjóstamjólk í litlum mæli og brjóstagjöf þarf yfirleitt ekki að hætta meðan á skammtíma meðferð stendur. Ef lengri tíma meðferð er áætluð, ætti að meta hvort
hætta eigi brjóstagjöf. Aukaverkanir: Svartar, tjörukenndar hægðir eða blóðlituð uppköst (sár í meltingarvegi með blæðingum), brjóstsviði, kviðverkir, meltingartruflanir, truflanir í meltingarfærum s.s.
niðurgangur, ógleði, uppköst, vindgangur og harðlífi, sáramyndun í meltingarvegi með eða án rofs, þarmabólga og versnandi bólga í ristli og meltingarvegi (Crohn´s) og pokamyndun í digurgirni (rof eða
fistlar), smásæjar blæðingar frá þörmum sem geta leitt til blóðleysis, sára og bólgu í munni, höfuðverkur, syfja, svimi, sundl, þreyta, æsingur, svefnleysi og viðkvæmni. Skammtastærðir: Fullorðnir og
unglingar eldri en 12 ára (≥ 40 kg): 200-400 mg sem einn skammtur eða 3-4 sinnum á dag með 4-6 klst. millibili. Hámarks dagsskammtur er 1200 mg. Börn 6-9 ára (20-29 kg): 200 mg, 1-3 sinnum á dag á 4-6
klst. fresti eftir þörfum. Hámarks skammtur er 600 mg á dag. Börn 10-12 ára (30-40 kg): 200 mg, 1-4 sinnum á dag á 4-6 klst. fresti eftir þörfum. Hámarks skammtur er 800 mg á dag. Sjá nánar í fylgiseðli. Börn
12 ára og yngri eiga ekki að nota Íbúfen nema í samráði við lækni. Lyfið er ekki ætlað börnum yngri en 6 ára. Lesið vandlega leiðbeiningar sem fylgja lyfinu. Nóvember 2011.