Fréttablaðið - 27.07.2012, Blaðsíða 46

27. júlí 2012 FÖSTUDAGUR30
FÖSTUDAGSLAGIÐ
Hjalti P. Finnsson grafískur hönnuður og listamaður
efndi nýverið til leiks á Facebook þar sem notendum
samskiptasíðunnar gefst kostur á að vinna verk
eftir listamanninn. Leikurinn hefur vakið mikla
athygli og komið Hjalta nokkuð á óvart.
Hjalti stundaði nám í grafískri hönnun við Dan-
marks Designskole og starfaði við fagið þar til hann
missti vinnuna í kjölfar hrunsins. Hann ákvað þá að
snúa sér alfarið að myndlist og hefur nú sinnt henni
í tæp þrjú ár.
„Mig langaði alltaf að verða listamaður en lét
skynsemina ráða og fór í grafíska hönnun því ekki
getur maður lifað á listinni,“ segir Hjalti hlæjandi
og bætir við: „Ég byrjaði á þessu eftir að ég missti
vinnuna og gerði þetta fyrst og fremst til að halda
geðheilsunni. Ég hafði upplifað atvinnuleysi áður og
vildi ekki sökkva í vonleysið aftur.“
Verk Hjalta eru klippimyndir og er markmið hans
með listinni að skapa frásögn, en ekki endilega
heildstæða sögu. Verkin minna um margt á verk
listamannsins Errós og kannast Hjalti vel við þá
samlíkingu.
„Ég hef verið hrifinn af verkum hans alveg frá
því ég var barn og stúderað Erró í mörg ár. Það
mætti kannski segja að við notum sama tungu-
málið í verkum okkar en við erum ekki að skrifa
sömu bókina. Þeir sem þekkja aðeins lítillega til
Errós setja gjarnan sama sem merki á milli okkar
en þeir sem þekkja verk hans vel greina strax mun.“
Inntur eftir því hvort samlíkingin við Erró hafi
reynst honum vel segir Hjalti hana vera tvíeggjað
sverð. „Hún hefur hjálpað þannig að fólk þekkir
stílinn og er hrifið af honum en hamlað mér á þann
hátt að fólk heldur stundum að ég sé að herma eftir
honum.“ - sm
Málar til að halda geðheilsu
VINSÆLL Hjalti P. Finnsson hefur sinnt listinni frá því hann
missti vinnuna í hruninu. Hann er vinsæll meðal notenda
Facebook-samskiptasíðunnar.
„Það hefur alltaf verið ódýrara
að koma á sunnudeginum en núna
fengum við Herjólf í samstarf með
okkur og settum í fyrsta skipti upp
næturferðir aftur í land aðfaranótt
mánudagsins,“ segir Tryggvi Már
Sæmundsson meðlimur í skipu-
lagningarnefnd Þjóðhátíðar í Vest-
mannaeyjum.
Sunnudagskvöldið hefur hingað
til verið það fjölmennasta á hátíð-
inni og búast Tryggvi og hans
menn ekki við neinni breytingu
þar á núna. „Þetta verður í fyrsta
skipti sem við erum með erlenda
stórstjörnu á sviði en það er búið
að vera í umræðunni í marga ára-
tugi,“ segir hann og á þar við Boy-
zone-söngvarann Ronan Keating
sem stígur einmitt á svið á sunnu-
dagskvöldinu. Ingó Veðurguð, Páll
Óskar og Botnleðja koma einnig
fram það kvöldið, auk þess sem
brekkusöngurinn verður á sínum
stað, svo búast má við þrusu-
skemmtun. „Fólk hefur oft ákveðið
í skyndi að skella sér yfir á sunnu-
deginum en lendir svo jafnvel í
því að komast ekki til baka fyrr
en á þriðjudeginum. Þessar nýju
næturferðir leysa það vandamál
vonandi,“ segir Tryggvi en tvær
ferðir verða í boði, klukkan tvö og
fjögur.
Aðspurður hvort innflutningur
á stórstjörnunni borgi sig fyrir
hátíðina segir Tryggvi ómögulegt
að svara því fyrr en eftir að henni
ljúki. Salan yfir til Eyja
hefur þó verið mikil í ár
sem endranær, en enn eru
til miðar. „Þetta er að fyll-
ast smám saman. Ronan
er án efa að laða að, enda
stórstjarna sem hefur selt
á þriðju milljón platna.
Við reiknuðum þetta
lauslega saman
og fundum út að
það væru um 70
plötur á hvern
Íslending,“ segir
Tryggvi hlæj-
andi. - trs
Ein kvöldstund með Ronan í boði
ÞRUSUDAGSKRÁ Stór-
stjörnurnar Ronan
Keating og Páll Óskar
eru meðal þeirra
sem fram koma á
sunnudagskvöldinu á
Þjóðhátíð í Eyjum.
Arnar Ingi Viðarsson, nem-
andi í listrænni stjórnun við
IED Escuela Superior skólann
í Barcelona, seldi útskriftar-
verkefni sitt til borgarstjórnar
Barcelona. Arnar Ingi og sam-
nemendur hans hönnuðu ímynd
nýs menningarhúss sem staðsett
er í Garcia-hverfinu í Barcelona.
Arnar Ingi vann verkefnið í
samstarfi við tvo skólafélaga sína
frá Kólumbíu og Perú og segir
hann að það hafi komið heima-
mönnum á óvart að erlendir
námsmenn gætu gert menningu
Katalóníubúa svo góð skil.
Borgin hafði nýverið fest kaup
á gömlu húsi í Garcia- hverfinu
sem átti að gera upp og nota
undir menningarstarfsemi.
Borgar yfirvöld höfðu þegar ráðið
arkitektastofu og auglýsingastofu
til að sinn verkefninu en voru svo
ánægð með vinnu Arnars Inga
og samnemenda hans að hætt
var við þau áform og ákveðið
að nota heldur hönnun þeirra.
Inn blásturinn sóttu þeir meðal
annars til veggspjalda frá 18. öld
og í gamlar myndir frá götuhá-
tíðum.
„Við erum ekki að selja fólki
gosdrykk heldur að reyna að
fá fólk til að taka virkan þátt í
gömlum menningararfi og þess
vegna þurftum við að gera þetta
af mikilli virðingu. Við eyddum
miklum tíma í rannsóknarvinnu
og það borgaði sig svona því-
líkt. Ég sökkti mér alveg í menn-
inguna og drakk hana í mig eins
og svampur og fannst það brjál-
æðislega gaman,“ segir Arnar
Ingi og viðurkennir að kaupin
hafi komið þeim í opna skjöldu.
Inntur eftir því hvort hann hafi
fengið ríkulega greitt fyrir
hönnun sína segir Arnar það
ekki komið á hreint. „Ég held að
þetta verði mánaðarlegar afborg-
anir. Skólinn fær helminginn og
við þrjú skiptum svo rest á milli
okkar. Við erum ekki komin með
lokatölu en ég held þetta sé ágæt
summa.“
Menningarhúsið sjálft verður
opnað í næsta mánuði og verður
Arnar Ingi viðstaddur opnunina.
Hann hyggst dvelja í Barcelona
fram að jólum og halda þá til
Ástralíu þar sem hann ætlar að
vinna í nokkra mánuði. „Eftir
það langar mig til Japan. Aug-
lýsingarnar þar eru allt öðruvísi
en við þekkjum og mig langar að
kynnast því betur,“ segir hann að
lokum.
sara@frettabladid.is
ARNAR INGI VIÐARSSON: ÉG SÖKKTI MÉR ALVEG Í MENNINGUNA
Seldi útskriftarverkefnið til
borgaryfirvalda Barcelona
SELDI ÚTSKRIFTARVERKEFNI SITT Arnar Ingi Viðarsson seldi útskriftarverkefni sitt til
borgaryfirvalda í Barcelona. Hann hannaði ímynd menningarhúss í Garcia-hverfinu.
FRÉTTABLAÐIÐ/ERNIR
„Það er eitt skátalag sem heitir
Hresstu þig við sem kemur mér
alltaf í stuð. Svo er ég mjög
hrifinn af lagi sem krakkarnir
hér á mótinu eru búnir að búa
til og heitir Það geta allir verið
skátar og er sungið við lagið
hans Páls Óskars, Það geta ekki
allir verið gordjöss.“
Hrólfur Jónsson, mótsstjóri Landsmóts
skáta.
Krakkasíðan er í
helgarblaði Fréttablaðsins
krakkar@frettabladid.is
Einar Bragi Aðalsteinsson
hefur haft áhuga á stang-
veiði frá þriggja ára aldri,
elskar að borða fisk og
langar að vinna í fiskbúð
Meiri Vísir.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meira sjónvarp, meira útvarp, meiri fréttir,
meiri upplýsingar, meiri umræða, meira líf,
meiri íþróttir, meiri virkni, meira úrval.
Þú færð meira af öllu á vísi.
Á Veiðivísi, nýjum veiðivef Vísis, getur þú nálgast helstu
fréttir, ítarlega umfjöllun og gagnlegar upplýsingar um
veiði, hvort heldur sem er stangveiði eða skotveiði.
Fylgstu með í sumar og nýttu þér allt sem Vísir hefur
upp á að bjóða.
Skólinn fær helm-
inginn og við þrjú
skiptum svo rest á milli okkar.
Við erum ekki komin með
lokatölu en ég held þetta sé
ágæt summa.
ARNAR INGI VIÐARSSON
NEMI Í LISTRÆNNI STJÓRNUN