Fréttablaðið - 27.07.2012, Qupperneq 24

KYNNING − AUGLÝSINGMaraþon FÖSTUDAGUR 27. JÚLÍ 20124
HREINSA HUGANN EÐA
HLUSTA Á TÓNLIST
Flestir geta gert tvennt í einu og
þess vegna er tilvalið að finna sér
eitthvað til að gera
á meðan hlaupið
er. Flestir nýta
tímann til þess að
tæma hugann eða
hugleiða allt milli
himins og jarðar.
Margir hlusta á
tónlist eða á góða
hljóðbók. Einnig
er gott að fara með vini út að
hlaupa og spjalla saman. Það
felst líka ákveðinn stuðningur í
að hlaupa með öðrum og sam-
keppnin getur verið góð. Allar
helstu líkamsræktarstöðvar eru
með hlaupahópa sem hlaupa
saman nokkrum sinnum í viku.
Þar er maður í góðum félagsskap
og kynnist nýju fólki.
Þjálfarar Laugaskokks eru Björn Margeirsson og Rakel Ingólfsdóttir en þau búa
bæði yfir mikilli reynslu og þekk-
ingu á brautar-, götu- og utanvega-
hlaupum. Bæði hafa þau keppt
fyrir hönd Íslands í 800 – 5000 m
hlaupum á braut og hafa hlaupið
Laugavegshlaupið frá Land-
mannalaugum í Þórsmörk sam-
tals fjórum sinnum.
Æfingar fjölmennar
Björn segir allt að 70 manns
hafa verið að mæta á æfingar
Lauga skokks í sumar. „Flestir
finna sér hlaupafélaga við hæfi
því hópurinn er mjög breiður,
spannar allt frá tiltölulega hægum
skokkurum og 10 km hlaupurum
til spretthlaupara, maraþon-
hlaupara og jafnvel 100 kílómetra
hlaupara.“
Fjölbreytni í hávegum höfð
Þjálfarar Laugaskokks leggja mikið
upp úr fjölbreyttum æfingum í
viku hverri til að forðast það sem
gjarna vill gerast þegar óvanir
hlauparar reima á sig skóna og fara
út að hlaupa: sami hringurinn er
hlaupinn og allt of oft einfaldlega
rembst við að bæta besta tímann
á hringnum. „Það er marg sannað
mál að æfingar á mismunandi
hraða, bæði yfir keppnishraða, á
keppnishraðanum sjálfum og loks
undir keppnishraða, gefa besta
raun með tilliti til skammtíma-
og langtímabætinga auk þess sem
meiðslahættu vegna einhæfs álags
er haldið í skefjum,“ bendir Björn
á. Þrjár Laugaskokks æfingar í
viku, þ.e. hraðaæfing, tempó-
æfing og langi túrinn taka mið af
þessu en auk þessara þriggja æf-
inga með þjálfara æfa með limir
hópsins gjarna saman á öðrum
dögum, taka t.d. stuttar, rólegar
hlaupaæfingar, lyfta saman eða
mæta í spinning.
Teygjur mikilvægar
Björn minnir á mikilvægi þess að
teygja vel á í lok hlaups til að fyrir-
byggja meiðsli. „Í lok hverrar æf-
ingar teygjum við vel á.“ Skokkarar
nýta sér vel aðstöðuna í Laugum
til styrktar- og teygjuæfinga en
einnig er mikið úrval jógatíma
sem eru frábærir á móti hlaupum.
„Í Laugum hefur verið boðið upp
á jóga fyrir hlaupara en sá tími
hentar okkur frábærlega,“ segir
Björn.
Góður félagsskapur
Frábær andi er í hlaupa hópnum
og virkt félagsstarf. Skokkarar
hittast talsvert fyrir utan æfingar,
fara í útilegur og ferðalög, halda
saumaklúbba (jafnvel til að ræða
eitthvað annað en hlaup!) og iðu-
lega fer hópurinn saman í Bað-
stofu Lauga til að endurnæra
líkama og sál.
Aðstaða á heimsklassa
Allir korthafar World Class geta
hlaupið með Laugaskokki eða
öðrum hlaupahópum World Class
án endurgjalds.
Korthafar hafa einnig aðgang að
10 heilsuræktarstöðvum og sí-
fellt er verið að bæta aðstöðuna.
Þar má meðal annars nefna nýjan
500 m2 fjölnota sal í Kringlunni
og stækkun stöðvarinnar í Ögur-
hvarfi en í nágrenni stöðvarinnar
eru frábærar hlaupaleiðir við
Elliða vatn og nánasta umhverfi.
Tekið er vel á móti nýliðum á æf-
ingum hlaupahópa og nánari upp-
lýsingar um hlaupahópana er að
finna á heimasíðu World Class,
www.worldclass.is.
Góður undirbúningur
lykilatriði hlaupara
Laugaskokk er einn stærsti og virkasti hlaupahópurinn á höfuðborgarsvæðinu.
Hann hefur verið starfandi síðan 2004 eða síðan World Class opnaði í Laugum.
Björn Margeirsson og Rakel Ingólfsdóttir eru þjálfarar Laugaskokks.
Frábær andi er í hlaupahópnum og virkt
félagsstarf.
Hot yoga.
Hreyfing er öllum holl. Því eru flestir sammála. Hún verður þó að vera í sam-
ræmi við getu því annars getur
fólk lent í vandræðum. Leitað
var til Harðar Ólafssonar læknis
en hann hefur verið á vaktinni í
Laugavegshlaupinu og Reykja-
víkurmaraþoninu undan farin
ár. Svava Oddný Ásgeirsdóttir,
hlaupstjóri Reykjavíkurmara-
þonsins, var sömuleiðis tekin
tali.
„Laugavegshlaupið er 55 kíló-
metrar og því umtalsvert lengra
en maraþon. Þar hefur hins vegar
verið minna um vandamál en í
Reykjavíkurmaraþoninu enda er
fólk sem tekur þátt í því yfirleitt í
mjög góðri þjálfun. Það veit hvað
þetta er langt og er búið að æfa
sig vel og lengi. Ef undirbúning-
urinn er góður koma sjaldan upp
vandamál. Það er helst að fólk
hafi þornað ef það er mjög heitt
í veðri. Þá gefum við vökva í æð
og er það yfirleitt fljótt að jafna sig
eftir það,“ segir Hörður.
Þátttakendur í Reykjavíkur-
maraþoninu eru miklu f leiri
og getan mismunandi. Þar er
meira um að upp komi vanda-
mál. „Yfirleitt hefur fólk þá látið
hugann bera sig lengra en getan
leyfir. Við það klárast orkan og
vökvaskortur gerir vart við sig.
Þá er fólk tekið inn í tjald og því
gefinn vökvi.” Hörður segir slík
tilfelli koma upp á hverju ári en
yfirleitt jafni fólk sig að fullu.
„Þetta þykir ekki óeðlilegt og
þess vegna er þessi við búnaður
til staðar. Ef við teljum að fólk
þurfi frekari meðferð eða eftirlit
hringjum við á sjúkrabíl, en þess
gerist sjaldan þörf.“
Hörður segir þetta frekar gerast
í langhlaupum en á styttri vega-
lengdum. „Það góða við Reykja-
víkurmaraþonið er að það er
boðið upp á margar vega lengdir.
Ég mæli eindregið með því að
fólk taki þátt og hreyfi sig en velji
leiðir sem henta og ætli sér ekki
um of.“ Alvarleg atvik sem hafa
komið upp í lang hlaupum er-
lendis tengjast að sögn Harðar
oft miklum hita og undirliggjandi
sjúkdómum. „Þeir geta vissulega
verið til staðar og fólk verður að
hlusta á eigin líkama. Ef það er
nýstigið upp úr lungnabólgu til
dæmis ætti það að láta háleit
markmið bíða betri tíma.“
Góður viðbúnaður
Svava Oddný Ásgeirsdóttir er
öllum hnútum kunnug þegar
kemur að Reykjavíkurmara-
þoninu en hún hefur verið hlaup-
stjóri frá árinu 2006. Hún er
sömuleiðis þrælvanur hlaupari
og hlaupaþjálfari. Hún segir að
þeir sem séu vel undirbúnir klári
hlaupin yfirleitt með glans og
uppskeri bara ánægjuna á eftir.
„Það eru langflestir búnir að
undirbúa sig vel en vissulega
getur fólk misreiknað sig. Lík-
aminn getur líka verið óútreikn-
anlegur og dagsformið er mis-
jafnt. Sumir ungir einstaklingar
eru líka kappsamir og geta meira
en þeir hafa gott af. Ef dags formið
er ekki sem skyldi getur fólk lent
í smá árekstri við sjálft sig. Við
erum hins vegar með brautar-
verði og starfsmenn um alla
braut auk þess sem bæði læknir
og hjúkrunarfólk eru á staðnum
svo því er hægt að kippa öllu fljótt
í liðinn. Svava segir þá hlaupa-
bylgju sem hefur átt sér stað á
undanförnum árum bara hafa
verið til góðs og er það hennar til-
finning að þeim sem ofreyna sig
fari fækkandi. „Það er svo mikið
af upplýsingum til bæði á netinu
og sem ganga manna á milli. Fólk
er því vel upplýst um hvernig best
sé að undirbúa sig.”
Vökvaskortur
kemur fyrir
Flestir leggja vel undirbúnir í langhlaup og klára
það með glans. Sumir lenda þó í vandræðum og
því er viðbúnaður í skipulögðum langhlaupum.
Svava Oddný segir góðan undirbúning
fyrir öllu. Hún segir flesta vera búna að
æfa sig vel fyrir langhlaup.
Hörður hefur verið á vaktinni í Reykjavíkurmaraþoninu undanfarin ár.
MYND/VILHELM
- getur m.a. hjálpað ef þú finnur fyrir:
Sjúkraþjálfari framkvæmir göngugreiningu hjá Heilsulandi
Aumum hælum
Beinhimnubólgu
Verkjum í iljum
Þreytuverkjum og
pirring í fótum
Verkjum í hnjám
Verkjum í baki eða
mjöðmum
Hásinavandamálum
Sérfræðingar Heilsulands eru Ásmundur Arnarsson
og Jónas Grani Garðarsson sjúkraþjálfarar
GÖNGUGREINING