Fréttablaðið - 19.09.2012, Blaðsíða 2

19. september 2012 MIÐVIKUDAGUR2
BANDARÍKIN, AP Mitt Romney, forsetaframbjóðandi
Repúblikanaflokksins í Bandaríkjunum, þurfti að
svara í fjölmiðlum fyrir óheppileg ummæli sín í gær.
Myndband sem tekið var leynilega af ræðu
Romneys á kosningafundi með auðugustu stuðnings-
mönnum sínum var gert opinbert í gær og þykir vand-
ræðalegt fyrir forsetaframbjóðandann.
Þar segir Romney nærri helming kjósenda í Banda-
ríkjunum lifa á ríkinu og að flestir þeirra borgi ekki
skatta. Hann sagði jafnframt að „það væri ekki hans
að hafa áhyggjur af þessu fólki“ og að boðskapur hans
um lægri skatta kæmist ekki til skila til þess.
Þá sagði Romney Palestínumenn ekki hafa áhuga á
því að eiga friðsælt samband við Ísrael. Hann sagði
Palestínumenn einnig hafa það markmið að útrýma
Ísrael.
Framboð Baracks Obama, Bandaríkjaforseta,
dreifði myndbandinu víða á vefnum í gær. Mitt
Romney reyndi að útskýra ummælin og sagði þau
„ekki mjög fallega orðuð“. Hann stendur þó við mein-
ingu orða sinna.
Palestínumenn mótmæltu orðum frambjóðandans.
Saeb Erekat, aðalsamningamaður Palestínumanna,
sagði ummæli Romneys ólíðandi.
Enn er mjótt á munum með þeim Obama og Romney
í skoðanakönnunum. Obama forseti hefur nokkurra
prósentustiga forskot sem hefur að öllum líkindum
aukist eftir atburði gærdagsins.
- bþh
Mitt Romney forsetaframbjóðandi lét óheppileg orð falla á fjáröflunarfundi:
Þykir hafa stórskaðað framboðið
MITT ROMNEY Forsetaframbjóðendurnir þurfa að tala víða og
sannfæra bæði kjósendur og styrktaraðila um að styðja sig.
NORDICPHOTOS/AFP
REYKJAVÍK Meirihluti Besta flokks-
ins og Samfylkingarinnar felldi á
fundi borgarstjórnar í gær tillögu
Sjálfstæðisflokksins um að draga
til baka allar útsvarshækkanir í
tíð meirihlutans.
Í yfirlýsingu frá borgarstjórn-
arflokki sjálfstæðismanna segir
að fram hafi komið í ársreikningi
borgarinnar 2011 og hálfsárs-
uppgjöri þessa árs að skatttekjur
séu umfram fjárþörf, sem nemur
nærri þremur milljörðum síðan í
ársbyrjun 2011.
Í yfirlýsingu frá Besta flokkn-
um segir að málflutningur Sjálf-
stæðisflokksins sé óásættanlegur
og meirihlutinn ætli ekki að „taka
þátt í innistæðulausum skýja-
borgum á kosningavetri“. Útsvar
verði ekki lækkað án þess að
skerða þjónustu. - sh
Tillaga sjálfstæðismanna felld:
Höfnuðu því að
lækka útsvarið
SPURNING DAGSINS
Sunnudaginn
23. september kl. 16:00
Bresku píanósnillingarnir
Allan Schiller og John
Humphreys leika
fjórhent fjölbreytta og
glæsilega dagskrá.
HUMPHREYS OG
SCHILLER
Píanótónleikar
TÍBRÁ
TÖFRATÓNAR Í
www.salurinn.is
Einar, ertu aflamarkmaður?
„Já, ég hlýt að teljast það og er
sérfræðingur þegar kemur að
boltaþorski.“
Einar Hjörleifsson, markvörður Víkings
frá Ólafsvík, starfar sem sjómaður á Guð-
mundi Jenssyni SH.
LÖGREGLUMÁL Akureyringur um
miðjan aldur var látinn laus úr
gæsluvarðhaldi í gær, en hann
hafði setið inni síðan fyrir helgi
grunaður um kynferðisbrot gegn
fjórtán ára gömlum dreng.
Akureyri vikublað greindi fyrst
frá málinu og sagði að brotið hefði
átt sér stað á fimmtudaginn í síð-
ustu viku. Þar kom einnig fram
að skólayfirvöld á Akureyri hefðu
brugðist við með fræðslu til skóla-
barna. Maðurinn mun hafa játað
sök að hluta. Hann og drengurinn
þekktust. - sh
Laus úr gæsluvarðhaldi:
Grunaður um
brot gegn pilti
BRUSSEL, AP Anders Fogh Rasmus-
sen, framkvæmdastjóri NATO,
varði ákvörðun æðstu yfirmanna
bandalagsins um að dregið yrði
úr samstarfi þess við afganska
herinn í gær. Í ár hefur 51 her-
maður NATO fallið fyrir hendi
afganskra skæruliða.
Sveitir NATO munu ekki taka
þátt í reglubundnum aðgerðum
eins og að manna varðstöðvar og
taka þátt í eftirlitsferðum með
afgönskum bandamönnum sínum.
„Þetta hefur verið ákveðið til
að takmarka hættuna sem steðjar
að sveitum okkar,“ sagði Rasmus-
sen í Brussel í gær. Hann lagði
áherslu á að ákvörðunin hefði
ekki áhrif á áætlanir NATO í
Afganistan, að Afganar sjái að
fullu um öryggismál árið 2014.
- bþh
Breytingar í Afganistan:
NATO-liðar
minna á ferð
ÁHÆTTA Dregið verður úr samstarfi
NATO og afganska hersins til að draga úr
áhættu sveita NATO. NORDICPHOTOS/AFP
ALÞINGI Fjölmenningarsetur, sem
starfrækt hefur verið á Ísafirði,
verður eflt samkvæmt frumvarpi
til laga um mál-
efni innflytj-
enda. Ráðherra
mun skipa for-
stöðumann set-
ursins til fimm
ára í senn.
Guðbjartur
Hannesson vel-
ferðarráðherra
mælti fyrir
frumvarpinu
í gær. Verkefni Fjölmenningar-
seturs eru meðal annars að veita
stjórnvöldum og fyrirtækjum
ráðgjöf í tengslum við málefni
innflytjenda. Samkvæmt fjárlög-
um fær setrið hátt í 30 milljónir á
næsta ári. Þá verður komið á fót
sex manna innflytjendaráði sem
á að vera ráðherra til ráðgjafar
um stefnumótun. - kóp
Frumvarp um innflytjendur:
Fjölmenningar-
setur fær meira
GUÐBJARTUR
HANNESSON
Maðurinn sem lést á sjúkra-
húsi eftir sprengingu í blokk-
aríbúð við Ofanleiti í Reykja-
vík á sunnudag hét Jón Hilmar
Hálfdánarson. Hann var
fæddur árið 1973 og bjó í íbúð-
inni þar sem sprengingin varð.
Hann var ókvæntur og barn-
laus. Hann lést eftir hádegi á
mánudag.
Talið er að sprengingin hafi
orðið vegna gasleka í íbúðinni.
Lést eftir gas-
sprengingu
LÖGREGLUMÁL Maður um tvítugt var
síðdegis í gær úrskurðaður í fjög-
urra vikna gæsluvarðhald að kröfu
lögreglunnar á höfuðborgarsvæð-
inu vegna brota sem talin eru tengj-
ast vélhjólasamtökunum Outlaws.
Lögreglan réðst inn í tvö hús í
fyrrakvöld, fyrst í Mosfellsbæ og
síðan í Hafnarfirði, og handtók sjö
manns, fimm karla og tvær konur.
Fimm voru handteknir í heimahús-
inu í Mosfellsbæ en tveir í félags-
heimili Outlaws í iðnaðarhúsnæði
við Hvaleyrarbraut í Hafnarfirði.
Fólkið er flest um og yfir tvítugt en
einn maðurinn er rúmlega þrítugur.
Hluta hinna handteknu var sleppt
lausum strax í fyrrinótt en hinir
voru yfirheyrðir í gær og síðan
leystir úr haldi, það er allir nema
einn, sem ákveðið var að færa fyrir
dómara. Hann er talinn hafa verið
iðinn við afbrot undanfarnar vikur
og mánuði, og á grundvelli þess mat
lögreglan það svo að ástæða væri
til að óska eftir gæsluvarðhaldi yfir
honum. Á það féllst dómari við Hér-
aðsdóm Reykjavíkur.
Í tilkynningu frá lögreglunni
segir að við húsleitirnar hafi fund-
ist fíkniefni, þýfi, vopn og auk þess
sprengiefni í húsinu í Hafnarfirði.
Samkvæmt heimildum Frétta-
blaðsins var ekki um mikið magn
fíkniefna að ræða – fyrst og fremst
amfetamín og kannabisefni í
neysluskömmtum.
Mjög mikið fannst hins vegar af
ætluðu þýfi, aðallega í heimahúsinu
í Mosfellsbæ þar sem sá var hand-
tekinn sem nú situr í varðhaldi. Það
var mikið til raftæki; símar, iPod-
tónhlöður og tölvur sem talið er að
hafi verið stolið í innbrotum á heim-
ili og fyrirtæki að undanförnu.
Þá fannst einn riffill, auk þess
sem teknir voru hnífar af sumum
hinna handteknu. Loks fannst,
í félagsheimilinu í Hafnarfirði,
dínamíttúba, sem þó hefði þurft
hvellhettu til að sprengja.
Eftir að Ríkharð Júlíus Ríkharðs-
son, forsprakki Outlaws, var dæmd-
ur í þriggja og hálfs árs fangelsi í
fyrra fyrir aðild sína að skotárás
í Bryggjuhverfinu hefur annar
maður, Ragnar Davíð Bjarnason,
stýrt samtökunum.
Ragnar, kallaður Raggi sænski, á
langan brotaferil að baki. Heimildir
Fréttablaðsins herma að hann hafi
hins vegar ekki verið meðal hinna
handteknu í gær. stigur@frettabladid.is
Mikið þýfi, riffill og
dínamít hjá Outlaws
Ungur maður tengdur vélhjólasamtökunum Outlaws úrskurðaður í varðhald í
kjölfar húsleita í Mosfellsbæ og Hafnarfirði. Þar fannst mikið af raftækjum sem
talin eru stolin, riffill og dínamíttúba. Nýr leiðtogi Outlaws ekki handtekinn.
MIKILL VIÐBÚNAÐUR Þegar einn mannanna var leiddur fyrir dómara síðdegis í gær biðu sumir félaga hans fyrir utan. Þegar hann
var leiddur út í lögreglubíl á eftir sögðust þeir myndu heimsækja hann í fangelsið.
DÓMSMÁL Icesave-mál Eftirlitsstofn-
unar EFTA (ESA) gegn íslenska rík-
inu var tekið til dóms eftir fjögurra
klukkustunda málflutning í hádeg-
inu í gær, að íslenskum tíma. Nú
tekur við bið eftir dómsuppkvaðn-
ingu, sem er talin verða skömmu
fyrir áramót.
Breski lögfræðingurinn Tim
Ward fór fyrir átta manna málflutn-
ingsteymi Íslands og sagði í ræðu
sinni að ekkert í tilskipun Evrópu-
sambandsins um innstæðutrygg-
ingar kvæði á um að ríkisábyrgðar
eða ríkisfjármögnunar væri krafist
á innstæðutryggingarsjóðum.
Ward andmælti öllum málatil-
búnaði ESA og Evrópusambands-
ins, sem hafði stefnt sér til meðal-
göngu í málinu til að fá tækifæri
til að koma sjónarmiðum sínum á
framfæri.
Að því er segir í tilkynningu frá
utanríkisráðuneytinu fór Ward
ítarlega yfir tilurð innstæðutil-
skipunarinnar og lýsti því mati að
slíkt kerfi gæti hvergi í heiminum
risið undir stórfelldu bankaáfalli.
Íslensk stjórnvöld hafi í banka-
hruninu gripið til nauðsynlegra
aðgerða til að koma í veg fyrir
heildarhrun efnahagskerfisins.
Einnig kvöddu sér hljóðs
fulltrúar Hollands, Bretlands,
Noregs og Liechtensteins. - sh
Tim Ward mótmælti málatilbúnaði ESA í Icesave-málinu í Lúxemborg:
Sagði ríkisábyrgðar hvergi krafist
Í DÓMSALNUM Tim Ward, með hárkollu
á höfði, hlýðir á ræður annarra lög-
manna. MYND/UTANRÍKISRÁÐUNEYTIÐ