Fréttablaðið - 19.09.2012, Blaðsíða 6

19. september 2012 MIÐVIKUDAGUR6
NOREGUR Norska lögreglan kvaðst
í gær ætla að óska eftir því að
tveir menn sem grunaðir eru um
að hafa myrt 16 ára stúlku, Sigrid
Giskegjerde Schjetne, yrðu
áfram í gæsluvarðhaldi.
Á vef norska ríkisútvarpsins
segir að það sé mat lögreglunnar
að fleiri en hinir handteknu viti
hvað gerðist. Vegna rannsóknar-
hagsmuna þurfi þeir að vera
áfram í einangrun.
Hinn 4. september staðfesti
lögreglan að lík sem fannst í
skógarlundi við iðnaðarsvæði
væri af stúlkunni. - ibs
Morðið á Sigrid Schjetne:
Fleiri en hinir
handteknu búa
yfir vitneskju
KJARAMÁL Nokkur hundruð hjúkr-
unarfræðingar söfnuðust saman
í gærmorgun við skrifstofu Land-
spítalans á Egilsgötu til að hvetja
samninganefnd félagsins sem þá
átti fund með fulltrúum sjúkra-
hússins vegna svokallaðs stofn-
anasamnings sem gera á í kjölfar
miðlægs kjarasamnings allra heil-
brigðisstofnana á landinu.
Elsa B. Friðfinnsdóttir, for-
maður Félags hjúkrunarfræð-
inga, segir samkomuna hafa verið
stuðnings- og hvatningarfund en
ekki mótmæli. „En auðvitað er
horft til þess að velferðarráðherra
greip inn í kjör eins manns á Land-
spítalanum; kjör sem kjararáð á að
ákvarða, og hækkaði laun forstjóra
um nærri 25 prósent,“ segir Elsa
og bendir á að hjúkrunarfræðing-
ar og aðrar stéttir á spítalanum
hafi sætt skerðingum og bætt á
sig auknum verkefnum.
Að sögn Elsu lögðu almennir
félagsmenn í hendur trúnaðar-
manns hugmyndir um hvernig
bæta mætti kjör hjúkrunarfræð-
inga. „Það er ekkert launungar-
mál að það horfa allir til þeirrar
prósentutölu sem forstjórinn fékk
í hækkun,“ segir Elsa. - gar
Hjúkrunarfræðingar á Landspítalanum vilja sömu launahækkun og forstjórinn:
Krefjast yfir fjórðungs launahækkunar
AÐ LOKNUM FUNDI Hluti tólf hundruð
hjúkrunarfræðinga á Landspítalanum
brá sér í gærmorgun á fund utan við
skrifstofur spítalans þar sem forstjórinn
er með aðsetur. FRÉTTABLAÐIÐ/GARÐAR
FÓLK Annað árið í röð er Aron
vinsælasta eiginnafn drengja og
Emilía vinsælasta stúlkunafnið.
Þetta kemur fram í tölum Hag-
stofu Íslands. Þá er færri
nýfæddum börnum gefið aðeins
eitt nafn.
Tíu vinsælustu einnefnin árið
2012 eru þau sömu og árið 2007.
Þrjú vinsælustu karlanöfnin,
þegar litið er til einnefna eru Jón,
Sigurður og Guðmundur, en hjá
konum Guðrún, Anna og Sigríður.
Þór er vinsælasta annað nafnið
hjá drengjum, þá Ingi og síðan
Freyr. Eins og undanfarin ár eru
nöfnin María og Ósk vinsælust
sem annað nafn hjá stúlkum. - kóp
Vinsælust annað árið í röð:
Aron og Emilía
vinsælust nafna
LANDBÚNAÐUR Bændur á Norð-
austurlandi hafa urðað hundruð
dauðra kinda og lamba í giljum og
hólum á fjöllum eftir fárviðrið fyrr
í mánuðinum. Slíkt er óheimilt,
en Matvælastofnun hefur að sögn
bónda gefið munnlegt leyfi fyrir
slíkri förgun. Samkvæmt lögum á
að fara með dýrahræ á viðurkennda
urðunarstaði og sorpbrennslu-
stöðvar til förgunar.
Sæþór Gunnsteinsson, bóndi í
Presthvammi í Aðaldal, segir að
dautt fé hafi verið sett í
gjár eða urðað á staðnum
þar sem hægt er.
„Sumt er bara enn í
sköflunum,“ segir hann.
„Við komumst ekki einu
sinni burt með lifandi fé,
menn finna bara hrúgu og
grafa það sem er dautt.
Við erum búnir að fá
munnlegt leyfi fyrir því
frá Matvælastofnun, því
það er ekki fræðilegur
möguleiki að komast með
féð burt. Við megum bara
grafa þetta þar sem það er.“
Tveir löggiltir urðunarstaðir eru
á svæðinu; Sorpbrennslustöð Suður-
Þingeyinga á Húsavík og Urðunar-
stöðin á Kópaskeri. Hvorugur stað-
urinn hafði tekið á móti hræjum til
urðunar í gær.
Magnús Stefánsson, hjá Sorp-
brennslustöðinni á Húsavík, segir
allt hafa verið frágengið í marga
daga til að taka á móti hræjunum
til brennslu.
„Við erum reyndar orðnir vanir
því að undanþágur séu veittar fyrir
urðun á dauðu fé í sveitum, svo þetta
er ekkert nýtt. En þegar við óskum
eftir svörum bendir Umhverfis-
stofnun á Matvælastofnun, sem
bendir á dýralækni sem bendir svo
á Umhverfisstofnun. Við fáum engin
svör.“
Þorsteinn Ólafsson, sérgreina-
dýralæknir hjá Matvælastofnun,
segir stofnunina ekki líta svo á að
um sé að ræða hættulegan úrgang.
„Menn hafa í sjálfu sér engin tök
á því að fjarlægja féð, en það þarf
þó að koma því undan varginum,“
segir hann. „Matvælastofnun lítur
svo á að þetta sé ekki hættulegur
eða sóttmengaður úrgangur. Það er
málefni Umhverfisstofnunar hvern-
ig frá þessu er gengið. Við
[Matvælastofnun] höfum
hvorki amast við þessu
né veitt sérstaka heimild.
En það er óskaplega erfitt
að gera þetta eins og allar
ströngustu reglur segja
til um.“
Ólafur Jónsson, hér-
aðsdýralæknir á Norð-
austurlandi, segir einn-
ig að málið sé á hendi
Umhverfisstofnunar og
Heilbrigðiseftirlitsins.
Menn hafi safnað saman
dauðu fé í sveitunum en hann hafi
ekki frekari upplýsingar um stöðu
mála. Kalt sé í veðri, og allur gang-
ur á því hvað menn geri við hræin.
Samkvæmt upplýsingum frá
Umhverfisstofnun átti að fara með
öll hræin sem fundust í brennsluna
á Húsavík. Sigríður Kristjáns dóttir,
deildarstjóri Hollustuverndar, segir
engar undanþágur hafa verið veitt-
ar er varða urðun á hræjum, enda
engar beiðnir um slíkt borist.„Það
á að fara með þetta allt á viður-
kennda móttökustöð,“ segir hún.
Spurð hvort eftirmál verði ef fólk
urði hræin á víðavangi, svarar Sig-
ríður: „Það er hægt að kæra til lög-
reglu ef menn brjóta lögin.“
sunna@frettabladid.is
„Menn finna bara hrúgu
og grafa það sem er dautt“
Hundruð hræja hafa verið grafin á víð og dreif í fjöllum Norðurlands eftir vetrarhörkurnar. Umhverfis-
stofnun segir skýrt að einungis eigi að farga slíku hjá viðurkenndum aðilum. Þúsundir fjár enn týndar.
MIKIÐ TJÓN Ljóst er að hundruð ef ekki þúsundir fjár hafa drepist á Norðurlandi eftir
fárviðrið og segja bændur illmögulegt að koma hræjunum til byggða til förgunar.
MYND/EGILL AÐALSTEINSSON
VITA er lífið
Madrid
VITA | Suðurlandsbraut 2 | Sími 570 4444 | VITA.is
Kynntu þér ferðamöguleikana og
skráðu þig í netklúbbinn á VITA.is
11. - 14. okt. 3 nætur
Verð frá 102.800 kr.*
og 15.000 Vildarpunktar
á mann m.v. 2 í tvíbýli.
Innifalið: Flug, flugvallarskattar, gisting með morgunverði
og íslensk fararstjórn.
* Verð án Vildarpunkta 112.800 kr.
ÍS
LE
N
SK
A/
SI
A.
IS
V
IT
6
08
69
0
8/
12
Svæðin sem verst urðu úti í fárviðrinu fyrr í mánuðinum eru Mývatnssveit,
Reykjahverfi, Aðaldalur, Fnjóskadalur og hluti Bárðardals. Á milli 80 og 100 sauð-
fjárbændur eru á svæðunum, segir Vignir Sigurðsson, framkvæmdastjóri Búgarðs
á Akureyri. Ætla má að hver bóndi sé að meðaltali með á milli 600 og 700 fjár.
Bændur í Mývatnssveit og Aðaldal funduðu á mánudagskvöld, þar sem fram
kom að flesta vantaði enn tuttugu til þrjátíu prósent af fé sínu. Þó er enn ekki
ljóst hversu margt af því hefur drepist og enn finnst fé á lífi. Til stendur að halda
fleiri fundi á næstu dögum, meðal annars með forsvarsmönnum Bjargráðasjóðs.
Mörg þúsund kindur enn týndar
Kristján L. Möller, þingmaður Samfylkingarinnar, ræddi fjárskaðann á Alþingi
í gær og benti á að fé úr Bjargráðasjóði hefði verið ráðstafað til bænda vegna
eldgosanna árin 2010 og 2011. Steingrímur J. Sigfússon atvinnumálaráðherra
sagði Bjargráðasjóð verða nýttan til að bæta bændum tjónið.
„Ráðuneytið hefur átt fundi með bændasamtökunum og Bjargráðasjóði.
Það er ljóst að það mun koma til kasta sjóðsins,“ sagði Steingrímur á Alþingi.
Enn eru eftirstöðvar í Bjargráðasjóði. „Þeim verður ráðstafað til að mæta þessu
tjóni og meiru ef til þarf. Ríkisstjórnin hefur þegar samþykkt fyrir sitt leyti að
nýta þessar eftirstöðvar til að bæta tjón vegna óveðursins,“ sagði Steingrímur
enn fremur.
Bjargráðasjóður bæti bændum tjónið
STJÓRNMÁL Stofnuð hafa verið
Samtök um nýja stjórnarskrá
skammstafað SANS. Félags-
skapurinn mun kynna frumvarp
stjórnlagaráðs um nýja stjórnar-
skrá í aðdraganda þjóðaratkvæða-
greiðslu þann 20. október næst-
komandi.
Þorvaldur Gylfason, formað-
ur samtakanna, kynnti SANS á
blaðamannafundi í gær. Við sama
tækifæri var opnuð vefsíðan Sans.
is þar sem kjósendur munu geta
nálgast upplýsingar um stjórnar-
skrártillögur stjórnlagaráðs. - bþh
Samtök um nýja stjórnarskrá:
SANS opnar
kynningarvef
KJÖRKASSINN
Hefur þú séð íslenska kvikmynd
í bíó á þessu ári?
Já 19%
Nei 81%
SPURNING DAGSINS Í DAG:
Átt þú iPhone?
Segðu skoðun þína á Visir.is.
Við komumst
ekki einu sinni
burt með
lifandi fé.
SÆÞÓR
GUNNSTEINSSON
BÓNDI Í PREST-
HVAMMI Í AÐALDAL
Íslenskt hugvit í útrás
Fyrirtækið DataMarket mun kynna
nýjan hugbúnað í Hvíta húsinu í
byrjun næsta mánaðar. Hugbúnaður-
inn er gerður til þess að safna saman
öllum upplýsingum um orkumál í
Bandaríkjunum í eina vefgátt. Hug-
búnaðurinn var forritaður að beiðni
Hvíta hússins.
TÆKNI