Fréttablaðið - 19.09.2012, Blaðsíða 42

19. september 2012 MIÐVIKUDAGUR26
sport@frettabladid.is
KATRÍN JÓNSDÓTTIR leiðir íslenska landsliðið út á völlinn í 60. sinn þegar stelpurnar okkar mæta þeim
norsku á Ullevaal Stadion í dag en þetta er lokaleikur liðanna í undankeppni EM og hreinn úrslitaleikur um sæti í
úrslitakeppni EM í Svíþjóð. Katrín tók fyrst við fyrirliðabandinu þegar Sigurður Ragnar Eyjólfsson stýrði landsliðinu í
fyrsta sinn í ársbyrjun 2007. Íslensku stelpurnar hafa unnið 32 af 59 leikjum með Katrínu sem fyrirliða.
Óskar Ófeigur
Jónsson
ooj@frettabladid.is
NOREGUR – ÍSLAND
BORGARTÚNI 12-14 - 105 REYKJAVÍK - SÍMI 411 1111 - MYNDSENDIR 411 3071
Auglýsing um breytingu á
deiliskipulagi í Reykjavík
Í samræmi við 43. gr. skipulagslaga nr. 123/2010,
eru hér með auglýst tillaga að breytingu á
deiliskipulagi í Reykjavík.
Sætún 1
Tillaga að breytingu á deiliskipulagi Borgartúnsreits
vestur. Í breytingunni felst að hluti byggingarinnar sem
liggur samsíða Borgartúni verði framlengdur til vesturs,
byggt verði ofan á núverandi norðurhús og bílakjallari
verði lengdur til vesturs.
Nánar um tillöguna vísast til kynningargagna.
Tillaga liggur frammi í þjónustuveri Reykjavíkurborgar
að Borgartúni 12-14, 1. hæð, virka daga kl. 8:20 –
16:15, 19. september til 31. okóber 2012. Einnig
má sjá tillöguna á heimasíðu sviðsins, www.skipbygg.is.
Eru þeir sem telja sig eiga hagsmuna að gæta
hvattir til að kynna sér tillöguna. Ábendingum og
athugasemdum við tillöguna skal skila skriflega
eða á netfangið skipulag@reykjavik.is, til
skipulags- og byggingarsviðs eigi síðar en 31.
okóber 2012. Vinsamlegast notið uppgefið netfang
fyrir innsendar athugasemdir með tölvupósti.
Reykjavík, 19. september 2012
Skipulagsstjóri Reykjavíkur
Reykjavíkurborg
Skipulags- og byggingarsvið
FÓTBOLTI Það er mikið undir hjá
íslenska kvennalandsliðinu í dag
þegar liðið leikur lokaleik sinn í
undankeppni EM 2013. Níu leikir
eru að baki og ljóst að eitt stig til
viðbótar nægir til að koma stelpun-
um inn á annað Evrópumótið í röð.
Verkefnið í kvöld er vissulega krefj-
andi. Norska liðið er á heimavelli,
þremur sætum ofar á FIFA-listan-
um og er búið að vinna átján síðustu
heimaleiki sína í undankeppni HM
eða EM. Íslensku stelpurnar sýndu
það hins vegar með 3-1 sigri í fyrri
leiknum að þær eru til alls líklegar
þegar liðið er í rétta gírnum.
Hólmfríður Magnúsdóttir skoraði
tvö mörk í sigrinum á Norðmönn-
um fyrir rúmu ári og hefur skorað
mörg mikilvæg mörk fyrir íslenska
liðið í þessari undankeppni.
Vön norska grasinu
„Það var gaman að skora á móti
þeim á heimavelli. Ég er búin að
spila hérna í Noregi í sumar og
er því orðin vön norsku grasi,“
sagði Hólmfríður í léttum tón en
hún hefur raðað inn mörkum með
Avaldsnes í norsku b-deildinni.
„Það er búið að tala mikið við
mig um þennan leik. Þetta verður
sérstakt fyrir mig því ég á marga
vini hérna og liðsfélagarnir mínir
halda allir með Noregi. Það pepp-
ar mig enn þá meira upp fyrir það
að koma til baka til Haugesund á
afmælisdaginn minn, nýbúin að
vinna Noreg,“ segir Hólmfríður sem
verður 28 ára gömul á morgun.
„Þetta er allt undir okkur komið
og ég held að það sé mjög mikil
spenna í hópnum og við allar klárar
í leikinn,“ segir Hólmfríður. Liðið
var í sömu stöðu fyrir fjórum árum
þegar stelpunum nægði jafntefli í
lokaleiknum í Frakklandi. Sá leikur
tapaðist en stelpur fóru í umspilið
og komust á EM.
„Ég ætla ekki að hugsa um ein-
hvern leik fyrir fjórum árum því
það er bara leikurinn á morgun
sem skiptir máli. Við þurfum bara
að vera með það í huga að vinna
þennan leik og markmiðið okkar
var alltaf frá byrjun að vinna rið-
ilinn. Það stendur enn og góður
möguleiki að ná því á morgun.
Við nennum ekkert í neitt umspil
og ætlum bara að klára þetta hér
í Noregi.“
Þær eru skíthræddar við okkur
Þóra B. Helgadóttir markvörður
hafði ekki mikið að gera í sigrinum
á Norður-Írum á laugardaginn en
það verður örugglega annað uppi á
teningnum í dag.
„Við erum búnar að bíða rosa-
lega lengi eftir þessum leik,“ segir
Þóra, sem þekkir vel til norska
liðsins. „Þetta er sært lið því þetta
er gamalt stórveldi í kvennabolt-
anum og þær hafa ekki náð sér á
strik. Þær eru enn þá fyrir ofan
okkur á styrkleikalistanum og eiga
að vera betri. Ég held samt að þær
séu skíthræddar við okkur,“ segir
Þóra.
Stend við mín orð
Leikur Noregs og Íslands hefst
klukkan 17.30 að íslenskum tíma
og verður í beinni útsendingu á
RÚV.
„Ef þjóðin getur ekki stillt á RÚV
á morgun þá veit ég ekki hvenær
hún getur gert það,“ segir Mar-
grét Lára Viðarsdóttir. „Við ætlum
okkur áfram og beint á EM. Ég
sagði það fyrir fjórum árum að
það væri frábært að komast á EM
en það væri stórkostlegt að vinna
riðilinn og komast beint á EM. Ég
stend fast við þau orð. Ég vona það
innilega að fólk geri sér grein fyrir
því hvað við erum að fara út í mikil-
vægan leik á morgun.“
Fær Fríða EM-sæti í gjöf?
Stelpurnar okkar geta tryggt sér farseðilinn inn á úrslitakeppni EM 2013 í Sví-
þjóð með hagstæðum úrslitum á Ullevaal-leikvanginum í Ósló í kvöld. Jafntefli
gegn Noregi nægir íslenska liðinu til að vinna riðilinn og sleppa við umspilið.
UNDIRBÚIN Hólmfríður Magnúsdóttir teygir á Ullevaal-leikvanginum í Ósló í gær.
FRÉTTABLAÐIÐ/ÓSKARÓ