Fréttablaðið - 19.09.2012, Blaðsíða 30
KYNNING − AUGLÝSINGSparneytnir bílar MIÐVIKUDAGUR 19. SEPTEMBER 201212
MENGIÐ MINNA
Með árunum verða fleiri og fleiri meðvitaðir um að hugsa vel um umhverfi sitt og reyna að
leggja sitt af mörkum við verndun náttúrunnar. Einn liður í því er að minnka mengun sem verður
vegna útblásturs bíla. Sala á umhverfisvænum bílum hefur aukist jafnt og þétt og vert er að
hafa eftirfarandi þætti í huga næst þegar fest eru kaup á nýjum bíl.
Ekki kaupa stærri bíl en þörf er á, stærri bílar eyða meiru. Veljið sparneytinn bíl.
Reynið að draga úr bensíneyðslu, það sparar líka peninga. Fáið hjólbarða sem draga
úr núningsmótstöðu vegar, minni núningsmótstaða þýðir minni bensíneyðsla.
Aksturslag hefur einnig áhrif og hægt er að draga úr mengun með ýmsum ráðum.
Takið rólega af stað, dragið úr hraða og haldið snúningshraðanum niðri. Jafn og
stöðugur hraði bætir eldsneytisnýtinguna, sparar eldsneyti og minnkar slit á vél,
hjólbörðum, skiptingu og bremsum. Með auknum hraða eykst viðnámið og því versnar
eldsneytisnýtingin eftir því hraðar sem er ekið. Heimild: fib.is
GRÆN LÁN
Flest fjármögnunar-
fyrirtæki landsins
bjóða upp á sérkjör
til þeirra lántakenda
sem fjárfesta
í grænum
bílum. Grænir
bílar eru
skilgreindir
sem bílar
með minnsta
mögulega
útblástur,
sem eru
flokkar
A/B/C, og
losa 0-120 g af koltví-
sýringi á hvern ekinn
kílómetra. Markmið
slíkra fjármögnunar-
kosta er meðal annars að
stuðla að skynsamari nýtingu
eldsneytis og um leið hagkvæm-
ari rekstri bifreiðar fyrir heimili
og fyrirtæki. Um leið stuðla slíkar
lánveitingar að lægri eldsneytis-
kostnaði hjá heimilum og fyrir-
tækjum landsins. Að öllu jöfnu
er slík fjármögnun í boði fyrir
bæði bílalán og bílasamninga.
Hagstæð kjör fjármögnunarfyrir-
tækja felast að öllu jöfnu í því að
engin lántökugjöld eru innheimt
af slíkum lánum. Að öðru leyti
gilda sömu skilmálar á þessum
lánum og á öðrum lánum. Hægt
er að fá lán til kaupa á nýjum eða
notuðum bílum og veitt eru lán
fyrir allt að 75% af kaupverði bíls.
Hámarkslánstími er að öllu jöfnu
sjö ár að frádregnum aldri bílsins.
Um vaxtakjör og aðra skilmála
slíkra lána má lesa á vefjum fjár-
mögnunarfyrirtækjanna.
GRÆNUSTU BÍLARNIR
Umhverfisvænstu bílarnir eru
þeir sem ganga fyrir rafmagni.
Þeir eru hins vegar flestir
takmarkaðir við akstur í borgum
þar sem hámarkshraði þeirra er
lágur og hlaða þarf þá reglulega.
Hvaða bílar eru það þá sem hafa
minni áhrif á umhverfið en hamla
ekki eigendum sínum í að komast
allra sinna ferða?
Bresk vefsíða sem er tileinkuð
grænum bílum, The Green Car
Website, tók saman lista yfir þá
bíla sem gera fólki kleift að aka
frjálst um en hafa minni útblástur
en aðrir bílar. Umhverfisvænsti
bíllinn er talinn vera Chevrolet
Volt. Hann er rafbíll og er út-
blástur hans aðeins 27 grömm. Í
öðru sætinu eru Vauxhall Ampera
sem er líka rafbíll með 27 grömm
í útblástur. Hybrid-bíllinn Toyota
Prius kemur þar á eftir en hann
gengur fyrir bensíni/dísil og
rafmagni og útblástur frá honum
er 49 grömm.
SONAX býður allt sem þarf: bón fyrir allar gerðir af lakki, felguhreinsi, dekkjahreinsi,
sápur, svampa, vínylhreinsi, gluggahreinsi og fleiri hágæða hreinsivörur.
Nánari upplýsingar á www.sonax.is
Glansandi bíll með SONAX bón-
og hreinsivörum grípur augað