Fréttablaðið - 22.12.2012, Síða 32

22. desember 2012 LAUGARDAGUR| HELGIN | 32
Jólasveinar á
hverju strái
Úti um allan heim eru jólasveinar farnir að skjóta
upp kollinum. Flestir sinna þeir börnunum af alúð,
en sumir fara óvenjulegar leiðir, stunda gluggaþvott í
hæstu hæðum eða bregða sér jafnvel á ströndina.
Á STRÖNDINNI Þessi brá sér á ströndina í borginni Nice við Miðjarðarhafsströnd Frakklands og skemmti sér konunglega.
BÍÐUR EFTIR BÖRNUNUM Þessi jólasveinn í borginni Lille
í Frakklandi settist í eins konar hásæti í leikfangabúð þar
sem börnin koma til hans.
Í PALESTÍNU Eitthvað er hún hikandi, þessi stúlka í jólasveina-
búningi, þar sem hún stendur við dyr kaþólsku kirkjunnar í Gasa-
borg rétt áður en messa hefst hjá kristnum Palestínumönnum.
SÁ GRÆNKLÆDDI Í Japan hefur myndast hefð fyrir því að grænklæddur jólasveinn
frá Danmörku kenni börnunum að bera virðingu fyrir umhverfi og náttúru.
GERÐUR ÚR SANDI Á ströndinni Copacabana í Rio de Janeiro í Brasilíu hafa flinkir
listamenn búið til þennan jólasvein úr sandi, heimamönnum jafnt sem ferða-
mönnum til yndisauka í sumarhitanum.
VIÐ GLUGGAÞVOTT Skyldu þetta vera japanskir Gluggagægjar, sem fá þarna ljóm-
andi tækifæri til að sinna þörfum sínum með því að taka að sér vinnu við gluggaþvott
í Tókýó? Nóg er að minnsta kosti af gluggunum í þessu háhýsi.
SÁ RÚSSNESKI Rússneski jólasveinninn heitir reyndar Ded Moroz, eða Kuldaboli gamli, og var frekar ógnvekjandi vera hér áður
fyrr en hittir nú börnin í glæsilegum sparifötunum sínum í tilefni nýársins.