Fréttablaðið - 22.12.2012, Blaðsíða 110

22. desember 2012 LAUGARDAGUR| MENNING | 86
BÆKUR ★★★★ ★
Hrafnsauga
Kjartan Yngvi Björnsson og Snæbjörn
Brynjarsson
VAKA-HELGAFELL
Síðustu þrjú árin hafa á annan tug
íslenskra skáldsagna komið út þar
sem höfundar leika sér með hroll-
vekju- og fantasíuformið. Flestar
þessara skáldsagna eru skrifað-
ar af rithöfundum sem enn hafa
ekki skriðið á fertugsaldurinn
og margar þeirra eru gefnar út
af höfundum sjálfum eða minni
útgáfu fyrirtækjum. Ný kynslóð er
nú að vaxa úr grasi, kynslóð sem
hefur alist upp við lestur erlendra
fantasíu skáldsagna, við spilun á
fantastískum tölvuleikjum, kyn-
slóðin sem gleypti í sig kvik-
myndabálka á borð við Hringa-
dróttinssögu og Harry Potter.
Í ár bætist við bók í íslenska
fantasíuheiminn eftir tvo unga rit-
höfunda, Hrafnsauga eftir Kjart-
an Yngva Björnsson og Snæbjörn
Brynjarsson. Bókin hlaut Íslensku
barnabókaverðlaunin í ár en látið
ekki blekkjast. 65 ára gamlir afar
eiga eftir að skemmta sér jafnvel
við lesturinn og 15 ára barnabörn
þeirra. Hrafnsauga er sígild fant-
asía sem höfðar til lesenda sem
kunna að meta ævintýri eins og
Hringadróttinssögu J.R.R. Tolki-
ens. Ef fantasíumarkaðurinn væri
þróaðri hér á landi hefði hún vænt-
anlega verið markaðssett sem bók
fyrir fullorðna fremur en barna-
bók.
Hrafnsauga segir frá Ragnari,
unglingsstrák sem elst upp í litlu
þorpi í ævintýraheimi. Ragnar er
hinn hefðbundni kolbítur. Hann
er munaðarlaus og þorpsbúar líta
hann hornauga, en hann býr yfir
krafti sem mögulega á eftir að
bjarga heiminum. Þegar skugga-
leg manngálkn ráðast á þorp-
ið leggur Ragnar af stað í mikla
ævintýraför ásamt tveimur fylgi-
nautum, Sirju og Breka. Ragnar er
hefðbundin fantasíuhetja. Hann er
hugrakkur og góður, dálítil dula,
og geta lesendur lesið í honum
hvað sem þeir vilja. Fylginautar
hans eru að mörgu leyti þrosk-
aðri sögu persónur. Sirja er barna-
barn þulnameistara þorpsins, hún
er staðföst, skapbráð, og býr yfir
þekkingu á sögu og galdraþulum.
Breki er hugrakkur og úrræða-
samur, en fífldjarfur og fljótfær.
Þríeykið leitar svara við þeirri
ógn sem rís upp í heimi þeirra, og á
för sinni lenda þau í ýmsum ævin-
týrum og kynnast fjölda persóna.
Manngálkn og varmenni stjákla
um slétturnar og óhugnan legir
skuggameistarar toga í strengina
og leggja á ráðin um hvernig þeir
geta tekið yfir heiminn. Nákvæmt
landakort fylgir bókinni og í sögu-
lok hefur þríeykið ferðast yfir það
endilangt og stendur við jaðar
þess, á landamærum dularfulls
keisaraveldis. Höfundar hafa
nostrað við söguheiminn, sögu
hans og ríkjaskipan, og ljóst er að
í bókinni kynnast lesendur aðeins
lítilli spildu þessa heims.
Það gerist ekki margt óvænt í
Hrafnsauga, en höfundar beita
hefðbundnum minnum fantasí-
unnar með miklu öryggi og sagan
rennur ljúflega áfram. Höfund-
ar velta ekki fyrir sér erfiðum
spurningum um lífið og tilveruna
en það gildir einu. Hrafnsauga er
sígilt ævintýri, klassísk fantasía,
stórskemmtileg og spennandi, og
afskaplega vel skrifuð.
Brynhildur Heiðar- og Ómarsdóttir
NIÐURSTAÐA: Sígild fantasía sem
á eftir að heilla lesendur, börn
og fullorðna, sem kunna að meta
Hringadróttins sögu.
Myrkrið rís á ný
JÓLATRÉ
SÉRVALIN
Í BYKO velur þú draumajólatréð við kjör-
aðstæður inni, þannig að þú getur gefið
þér góðan tíma og vandað valið. Valið
á jóla trénu ætti þó ekki að taka langan
tíma því BYKO býður eingöngu upp á
hágæða sérvalin jólatré: Normannsþin,
íslenska furu og blágreni.
Hluti söluandvirðis af hverju
jólatré fer til Hjúkrunarheimilis
Sunnuhlíðar í Kópavogi.
BYKO BÝÐUR EINGÖNGU UPP
Á HÁGÆÐA SÉRVALIN JÓLATRÉ
Verðvernd BYKO tryggir þér lægra verð. Sjá nánari upplýsingar og skilmála á www.byko.is.
100-125 cm .............................3.790 kr.
125-150 cm .............................4.240 kr.
150-175 cm .............................6.290 kr.
175-200 cm .............................7.890 kr.
200-250 cm ...........................11.450 kr.
100-125 cm .............................3.090 kr.
125-150 cm .............................3.890 kr.
150-175 cm .............................5.490 kr.
175-200 cm .............................6.190 kr.
200-225 cm .............................7.850 kr.
100-125 cm .............................3.790 kr.
125-150 cm .............................4.290 kr.
150-175 cm .............................6.290 kr.
175-200 cm .............................7.890 kr.
200-250 cm .............................9.490 kr.
Íslensk fura
Normannsþinur
Blágreni
LIFANDI JÓLATRÉ
Timburverslun Breidd
Grandi
Selfoss
Laugardagur: kl. 10 - 22
Þorláksmessa: kl. 11 - 22
Aðfangadagur: kl: 8 - 12
Laugardagur: kl. 10 - 22
Þorláksmessa: kl. 11 - 23
Aðfangadagur: kl: 8 - 12
Laugardagur: kl. 10 - 22
Þorláksmessa: kl. 11 - 22
Aðfangadagur: kl: 8 - 12
Sölustaðir:
OPIÐ TIL
TIL JÓLA
Í JÓLATRJÁAS
ÖLU Í BREIDD
22
GERÐU
VERÐSAMANBURÐ
Höfundar hafa
nostrað við söguheiminn,
sögu hans og ríkjaskipan,
og ljóst er að í bókinni
kynnast lesendur aðeins
lítilli spildu þessa heims.