Fréttablaðið - 27.03.2013, Qupperneq 26

FÓLK|
Margir landsmenn verða á far-aldsfæti um páskana og verður Ísafjörður án efa vinsæll við-
komustaður eins og undanfarin ár. Pásk-
arnir eru annasamur tími í lífi bæjar-
búa hvert ár en þá er bæði skíðamót
haldið þar og tónlistarhátíðin Aldrei
fór ég suður, sem nú er haldin tíunda
árið í röð. Ein þeirra sem sótt hefur há-
tíðina öll árin er Matthildur Helgadóttir
Jónudóttir, framkvæmdastjóri tölvu-
þjónustunnar Snerpu á Ísafirði. Hún
lætur sig ekki vanta í ár, frekar en þau
fyrri, enda er hátíðin einstök að hennar
sögn. „Spilagleðin og gleðin yfir því að
hjálpast að og taka þátt, búa til ein-
staka stemningu hér einkennir þessa
hátíð. Hún smitast síðan yfir til gesta
hátíðarinnar þannig að úr verður mjög
sér stakur andi. Hátíðin inniheldur síðan
alltaf svo fjölbreytt tónlistaratriði þar
sem ólíkar kynslóðir koma saman og
hlýða á fjölbreytta tónlist úr öllum átt-
um. Svona hátíð er líka ómetanlegt tæki-
færi fyrir eldra fólk til að heyra tónlist
sem það myndi annars aldrei heyra, til
dæmis raftónlist og harða rokktónlist.
Fólk verður því almennt víðsýnna í tón-
listarlegum skilningi og lærir að hlusta
og meta annars konar tónlist en það er
vant að hlusta á.“
Matthildur hefur upplifað marga eftir-
minnilega tónleika undanfarin ár. Sér-
staklega hefur henni þótt skemmtilegt
að uppgötva nýja uppáhaldstónlistar-
menn. „Það var til dæmis mikil upplifun
fyrir mig og aðra hér að sjá Valdimar
spila hér í fyrsta skiptið. Sama má segja
um Hjálma sem slógu algjörlega í gegn
þegar þeir spiluðu hér fyrst. Annars er
þetta eins og að gera upp á milli barna
sinna að velja úr atriði.“
Í ár er Matthildur mest spennt fyrir
tónleikum Fjallabræðra og Röggu Gísla.
„Svo ætlar Bubbi Morthens að spila á
hátíðinni í fyrsta skipti. Það verður sér-
stakt að heyra hann spila lagið Aldrei
fór ég suður, en nafn hátíðarinnar
er sótt í titil lagsins. Svo er Mugison
auð vitað alltaf flottur. Sjálf tengist ég
reyndar tveimur atriðum hátíðarinnar.
Maðurinn minn mun spila með gamalli
ballhljómsveit sem heitir Dolbý og það
verður gaman að sjá þá taka gömlu slag-
arana. Svo er sonur minn í hljómsveit
sem heitir Hörmung. Vonandi standa
þeir ekki undir nafni.“
FERÐIR
STEMNING Fólk á öllum aldri sækir hátíðina en ókeypis er á hana. MYND/RÓSA
KEMPUR Hljómsveitin Ný dönsk spilaði árið 2011 við góðar undirtektir. MYND/RÓSA
FJÖLBREYTNI Heyra má rokk, popp, raftónlist og
rokkabillí á tónlistarhátíðinni. MYND/RÓSA
EINSTÖK
Matthildur lætur sig ekki
vanta á hátíðina Aldrei
fór ég suður.
MYND/ÁGÚST ATLASON
KYNSLÓÐIR SKEMMTA
SÉR VEL SAMAN
ROKK Á ÍSAFIRÐI Tónlistarhátíðin Aldrei fór ég suður er haldin árlega um
páskana. Ólíkir aldurshópar skemmta sér saman í sátt og samlyndi.
Ívar
Guðmundsson
Þú ert í traustum höndum!
Virka daga kl. 9-13
Save the Children á Íslandi
FÓLK ER KYNNINGARBLAÐ sem býður aug-
lýsendum að kynna vörur og þjónustu í formi
viðtala og umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal
Sölumenn: Jónína María Hafsteinsdóttir, jmh@365.is, s. 512 5473
Sverrir Birgir Sverrisson, sverrirbs@365.is, s. 512 5432
Elsa Jensdóttir, elsaj@365.is, s. 512-5427 | Hönnun: Silja Ástþórsdóttir