Fréttablaðið - 27.03.2013, Side 42

MIÐVIKUDAGUR 27. MARS 2013Brúðkaup16
Giftingar útlendinga eru stór þáttur í starfi sýslumanns-ins í Reykjavík. „Á síðasta
ári komu 110 pör til okkar og lang-
flest voru gefin saman hér á skrif-
stofunni. Við höfum einnig gefið
út vottorð fyrir þá sem gifta sig úti
á landi. Það er alltaf gifting hér á
föstudögum þegar líða fer á vorið
og langt fram eftir árinu. Þetta er
orðinn viðamikill þáttur hjá fjöl-
skyldudeildinni en þessu fylgir
töluverð vinna, eins og að kalla
eftir pappírum og útbúa vott-
orð,“ segir Guðmundur Sophus-
son sýslumaður. Hann segist finna
fyrir þessum aukna áhuga útlend-
inga á Íslandi og sérstaklega hafi
verið mikið að gera þegar upp
koma sérstakir almanaksdagar.
„Ef dagsetningin og ártalið passa
saman þá eru margir sem vilja
nota slíka daga, þá er sama hvort
það eru útlendingar eða Íslend-
ingar,“ segir hann.
Guðmundur segir að stundum
komi fólk í heimsókn á skrif-
stofuna yfir vetrartímann sem sé
að undirbúa giftingu um sumar-
ið. „Það var par sem kom til okkar
um daginn og skilaði inn gögnum
en athöfnin verður síðan í sumar.
Fólk kemur frá öllum heims-
hlutum, mikið frá Bandaríkjunum
og Kanada en líka frá Japan eða
öðrum Asíulöndum. Okkur finnst
gaman að taka á móti þessu fólki
en einnig fáum við margar fyrir-
spurnir að utan um brúðkaup á Ís-
landi.“
Hallgrímskirkja vinsæl
Jón Dalbú Hróbjartsson, sóknar-
prestur í Hallgrímskirkju, finnur
vel fyrir auknum áhuga ferða-
manna á að gifta sig á Íslandi.
Hallgrímskirkja er vinsæl, enda
koma þúsundir ferðamanna í
hana daglega. „Það hefur allt-
af verið töluvert um giftingar út-
lendinga hjá okkur. Ég starfaði
sem prestur í Svíþjóð og Noregi
og þar sem skandinavískan er
mér töm þá er alltaf þó nokkuð
um brúðkaup Norðmanna, Svía,
Dana og Finna hér í kirkjunni.
Einstaka hafa verið frá Bretlandi
og Bandaríkjunum. Það er nokkuð
stór hópur fólks sem kýs að gifta
sig hér á landi. Tvisvar sinnum í
fyrra var haft samband við mig frá
út löndum. Það var fólk sem hafði
komið hingað á ráðstefnur og
heimsótt kirkjuna sem ferðamenn.
Þessir aðilar fundu fyrir sérstakri
upplifun og sögðu við sjálfa sig:
„Vá, hérna ætla ég að gifta mig
þegar þar að kemur.“ Síðan er
hringt og þá er viðkomandi búinn
að finna makann og ætlar að láta
drauminn rætast. Ferðamanna-
straumur hingað í kirkjuna hefur
aukist mikið undanfarin þrjú ár og
nú fer maður ekki fram hjá henni
öðruvísi en að sjá ferðamann með
myndvél.“
Endurnýja heitin
Jón Dalbú segir að alltaf annað
slagið komi hjón í kirkjuna sem
vilji endurnýja hjúskaparheitin.
„Það er voðalega fallegt,“ segir
hann.
„Ég og maðurinn minn ákváðum
að endurnýja hjúskaparheitið á
fimm til tíu ára fresti og velja þá
einhvern sérstakan stað til þess,“
bloggar kona frá Englandi. „Ein
af hugmyndunum sem skýtur oft
upp kollinum er Ísland. Síðan sá ég
gríðarlega fallegar myndir af litlu
brúðkaupi á Íslandi og sá þá að
landið var ekki bara ákjósanlegt til
að endurnýja heitið heldur yndis-
legur staður fyrir aðra til að gifta
sig,“ segir konan og gefur upplýs-
ingar varðandi ýmsa þætti um gift-
ingu á Íslandi.
Hjá Biskupsstofu fékk blaðið
þær upplýsingar að ekki væru
til tölur um fjölda erlenda ríkis-
borgara sem ganga í hjónaband í
kirkjum landsins. - ea
Fleiri og fleiri kjósa
að giftast á Íslandi
Mikil aukning hefur orðið hér á landi í giftingum útlendinga á undanförnum
árum. Fólk kemur gagngert hingað til að ganga í hjónaband.
Á hverjum degi koma um þúsund ferðamenn í Hallgrímskirkju. Þar vilja margir útlend-
ingar gifta sig. MYND/GVA
ÞURFA AÐ BORGA FYRIR AÐ MÁTA
Tískuhönnuðurinn Vera Wang er hvað þekktust fyrir íburðar-
mikla brúðarkjóla sína. Ekki eru þeir þó á allra færi enda aðeins
þeir ríkustu sem geta leyft sér að ganga eftir kirkjugólfinu í
skósíðum draumi frá Veru. Þar má til dæmis nefna þær Victoriu
Beckham og Katie Holmes.
Sumar konur hafa þá brugðið á það ráð að fá að máta drauma-
kjólinn í verslunum til að njóta smá upplifunar. Í Sjanghaí hefur
hins vegar verið tekið fyrir þetta athæfi. Þar rukkar verslun Veru
Wang nú sérstakt gjald fyrir að máta brúðarkjóla. Viðskiptavinir
þurfa að borga 317 pund eða um sextíu þúsund krónur fyrir
níutíu mínútna mátunartíma. Ef kjóll er keyptur rennur upp-
hæðin upp í verðið á kjólnum.
Ástæðan sem gefin er fyrir þessu uppátæki er að verið sé að
vernda höfundarrétt hönnuðarins en æði algengt er að verk-
smiðjur búi til ódýrar eftirlíkingar af kjólum Wang. Þá er ekki
leyfilegt að taka myndir í versluninni.
Framleiðendur bresku Rowlett brauð ristanna
hafa aldrei verið sammála því að brauðristar eigi
að vera ódýrar, ónákvæmar og ónýtar alltof snemma.
Þær hafa verið hand smíðaðar í tæp 70 ár og hvert
einasta tæki er prófað áður en það fer úr húsi. Það
hlýtur að vera öfundsvert starf að sjá um gæða-
eftirlitið með öllu þessu ristaða brauði.
J
Ó
N
S
S
O
N
&
L
E
’M
A
C
K
S

•

jl
.i
s

•

S
ÍA
Brauðristar-
gæðaeftirlit