Fréttatíminn - 29.10.2010, Blaðsíða 20

Rauði
þráðurinn
Íslenskar konur létu ekki veðurguðina trufla sig á
kvennafrídaginn. Þrátt stormviðvaranir Veðurstof-
unnar fylktu þær liði um allt land, fögnuðu saman
og minntu á að jafnréttisbaráttunni er hvergi lokið.
U m fimmtíu þúsund konur, börn og menn, söfnuð-ust saman í miðbæ Reykjavíkur á mánudaginn var og héldu kvennafrídaginn hátíðlegan. Stór
hluti þeirra hittist við Hallgrímskirkju og gekk saman
niður á Arnarhól. Á leiðinni niður Skólavörðuholtið voru
fjölmargar uppákomur í boði listakvenna úr ýmsum
áttum.
Prjónaverkefnið „Rauði þráðurinn“ setti sterkan svip
á daginn. Eldrauður prjónaður trefill, heilir 225 metrar
að lengd, var strengdur af
fjölda kvenna milli byggingar
Hæstaréttar við Arnarhvál og
Héraðsdóms Reykjavíkur við
Lækjartorg. Skilaboðin voru
hvatning til réttarkerfisins um
að ofbeldismenn verði látnir
standa gjörðum sínum réttlát
skil. Þetta var einfaldur en
áhrifaríkur gjörningur.
Um allt land mátti sjá álíka
samstöðu og stemningu. Á
Egilsstöðum var dagskráin
helguð baráttu kvenna gegn kynferðisofbeldi. Konur
fæddar 1975 voru þar kallaðar sérstaklega til leiks í til-
efni 35 ára sögu kvennafrídagsins. Þar mættu yfir 300
konur.
Á Akureyri komu saman um 1.000 konur við Hof, nýtt
menningarhús bæjarins. Um það bil 300 vestfirskar kon-
ur sýndu samstöðu og mættu í Alþýðuhúsið á Ísafirði
og í Skagafirði hittust 200 konur í Miðgarði og funduðu
saman.
Þessi dagur sýndi, svo ekki verður um villst, að bar-
áttan fyrir jafnrétti kynjanna á stóran sess í hjörtum fjöl-
margra íslenskra kvenna og karla. Ljósmyndir/Hari
20 kvennafrídagurinnn Helgin 29.-31. október 2010