Fréttatíminn - 29.10.2010, Blaðsíða 26

V ið þekkjum þau öll af vettvangi pólitískra átaka. Til alþingismanna eru gerðar miklar kröfur enda hafa úrlausnarmál
Alþingis sjaldan eða aldrei verið brýnni. Það
gleymist þó stundum að þeir sem standa í orra-
hríð við Austurvöll eiga sér aðra hlið, venjulegt
líf utan sviðsljóssins með fjölskyldum sínum.
Áhugamál þingmanna eru eins mörg og þeir eru
margir. Í erilsömu og slítandi starfi er gott að
geta gleymt argaþrasi hvunndagsins hvort heldur
menn ganga á fjöll, skokka, renna fyrir bröndu
eða rækta sinn garð. Fréttatíminn ræddi þá hlið
sem ekki snýr að almenningi, kjósendum, við
nokkra þingmenn.
Hallgrímur bláskór
„Það er víst liðin tylft ára frá því að áhugi minn
á útivist og gönguferðum um óbyggðir kviknaði
fyrir alvöru,“ segir Einar K. Guðfinnsson. „Við
Sigrún J. Þórisdóttir kona mín fórum með vini
okkar Gunnari Þórðarsyni á Ísafirði frá Hrafns-
firði í Jökulfjörðum gangandi yfir Skorarheiði, út
Furufjörðinn, um Þaralátursfjörð og í Reykjar-
fjörð nyrðri. Þar með tók sér bólfestu sú góðkynja
baktería til gönguferða sem hefur dugað vel og
lifir enn góðu lífi.
Næsta árið varð til hópur fólks sem hefur æ
síðan lagt í hann í júlíbyrjun. Hópurinn stækk-
aði ögn síðar og telur nú átján manns; allt ein-
stakt sómafólk og skemmtilegt með afbrigðum.
Gönguhópurinn Hallgrímur bláskór er fyrir
löngu orðinn einstakur vinahópur.
Við höfum síðan farið nánast um hvern lófa-
stóran blett á Hornströndum, brugðið okkur
tvisvar út fyrir landsteinana, gengið á Norður-
landi og Suðurlandi í fyrra og hittiðfyrra og síð-
astliðið sumar um ógleymanlegar ævintýraslóðir
í Austurdal í Skagafirði.
Það verður enginn samur eftir slíkar ferðir. Í
átökum við fallvötn og fjöll gleymist amstur dags-
ins. Ekkert annað kemst að en að sigrast á torleið-
inu. Jafnvel hin stærstu pólitísku álitaefni víkja úr
huganum og til byggða kemur maður stæltur á
sál og líkama. Árunum fjölgar og áskorunin vex.
En í því felst einmitt galdurinn.“
Hleyp til að gleyma
„Ég tók upp á því að byrja að hlaupa 2003 með
því að fara í Reykjavíkurmaraþonið eftir kosning-
ar það ár. Síðan hef ég hlaupið nokkuð, fyrst og
fremst til að gleyma,“ segir Helgi Hjörvar. „Það er
býsna góður eiginleiki langhlaupa hversu mikið
af hugsunum og verkefnum dagsins maður skilur
eftir á hlaupaleiðinni, fyrir nú utan hvað hreyfing
og súrefni skipta miklu í að hlaða batteríin. Frá
því í fyrra hleyp ég iðulega með hjálp leiðsögu-
hundsins míns sem er svartur labrador og heitir
X. Síðar fór Þórhildur, konan mín, líka að hlaupa
svo að þetta er líka orðið eitt af sameiginlegum
áhugamálum okkar hjónanna.“
Stoltið er rauðkálið og rauðrófurnar
„Ég hef alla tíð verið tengd við náttúruna, vöxt-
inn og gróandann. Ég fór í Garðyrkjuskóla ríkis-
ins og útskrifaðist sem garðyrkjufræðingur og
lærði síðar blómaskreytingar í Danmörku,“ segir
Vigdís Hauksdóttir. „Ég vann lengi í Blómavali
og Blómagalleríi, rak mína eigin blómabúð og
kenndi blómaskreytingar. Ég hef keppt tvisv-
ar sinnum fyrir hönd þjóðarinnar í norrænum
blómaskreytingakeppni og varð fyrsti Íslands-
meistarinn í faginu árið 2002. Er því takmarki var
náð fór ég að hugsa mér til hreyfings, að læra eitt-
hvað nýtt, söðlaði um og flutti ásamt börnunum
að Bifröst í Borgarfirði og lærði lögfræði.
Samhliða námi og nýrri vinnu hef ég nokkuð
oft gripið í gamla starfið, séð um blómin í brúð-
kaupum í mínum nánasta hópi, jarðarförum,
skírnum og stórafmælum. Nú í vor steig ég hins
vegar skref sem mig hefur lengi langað til. Við
elsta systir mín, María, hófum að rækta okkar
eigið grænmeti á sveitasetri hennar. Þar rækt-
uðum við kryddjurtir, kál af ýmsum toga, lauk,
gulrætur, salat – já og stoltastar erum við af rauð-
kálinu og rauðrófunum sem við höfum nú soðið
niður og notum við hátíðleg tækifæri.“
Sjósund á mánudögum
Öflugt mótorhjól er fararskjóti Sivjar Friðleifs-
dóttur þegar vel viðrar en hún þarf raunar ekki
hjól til útivistar því hún fer talsvert í fjallgöngur
sér til endurnæringar og heilsubótar. „Ég var
mikið í badminton,“ segir hún, „þar til ég sleit
krossband í hné og lagði spaðann á hilluna, að
minnsta kosti um hríð.“ Í stað badmintonsins
kemur annað. „Ég er alltaf í sjósundi í Nauthóls-
vík á mánudögum,“ segir Siv en fastur hópur
hittist þá. Sjósundið hlýtur að teljast með sval-
ari íþróttagreinum í bókstaflegri merkingu. „Ég
kláraði líka leiðsögumannanám í endurmenntun
HÍ fyrr á árinu. Síðasta sumar fór ég á námskeið
í kryddjurtarækt og náði bara ágætisárangri í
ræktuninni.“
Þá eru sál og líkami í jafnvægi
„Ég hef undanfarin ár sótt mér orku og vellíð-
an í að stunda líkamsrækt og reyni að komast
eins oft og ég mögulega get í leikfimitíma hjá
JSB í Lágmúlanum,“ segir Ásta Ragnheiður Jó-
hannesdóttir. „Þar eru einungis konur og gott
að hitta fjölbreyttan hóp til að púla með. Þar eru
líka fjölbreyttir tímar þannig að ég get valið mér
mismunandi æfingar eftir því í hvernig skapi og
formi ég er hverju sinni.
Ef ég sé fram á erfiðan dag á Alþingi mæti ég
eldsnemma í tíma og kem full af krafti til starfa.
Ég á það til að setja leikfimitímana inn í dagbók-
ina mína, eins og hvern annan fund, enda mikil-
vægt að gefa sér stund til að rækta heilsuna í
svona starfi, ekkert síður en að mæta á nauðsyn-
lega fundi. Það er líka gott eftir langan dag að
hreyfa sig og verða líkamlega þreyttur. Þá eru
sál og líkami í jafnvægi.“
Leik í virtum félagsskap Helga magra
Slitin krossbönd í hné bundu enda á knattspyrnu-
feril Höskuldar Þórhallssonar fyrir áratug en
áður hafði hann leikið með KA og Fram og þjálf-
að Gróttu. „Ég spilaði aðallega á miðjunni og sem
senter en stundum var reynt að setja mig í vörn-
ina. Endaði þá leiki reyndar alltaf sem fremsti
maður. Höskuldur segir hnéð ekki leyfa mikinn
atgang. „Ég leik aðallega með hinum virta félags-
skap Helga magra á Akureyri og þyki nokkuð
góður. Bý yfir snerpu og yfirferð sem aðra leik-
menn skortir tilfinnanlega!“
Eftir að Höskuldur hætti í boltanum fór hann
að fikta við golf en það er aðaláhugamál hans
í dag, enda með ellefu í forgjöf. „Það er gott að
slaka á og hvíla hugann í fallegu umhverfi og
góðum félagsskap. Tala nú ekki um að hvíla sig
aðeins á argaþrasinu á þingi. Ég get slegið langt
og beint og sumir gætu haldið að ég væri góður í
golfi en þegar kemur að stutta spilinu hverfur sú
tilfinning eins og dögg fyrir sólu.“
Þreytti kaðalspotta langa stund
„Fjölskyldan er á Sauðárkróki og því reyni ég
að eyða frítíma mínum þar,“ segir Gunnar Bragi
Sveinsson en stangveiði er í uppáhaldi hjá hon-
um. „Lítill tími og verð á veiðileyfum koma þó í
veg fyrir að ég veiði eins mikið og ég gjarna vildi.
Reyndar er það ekki bara veiðin heldur félags-
skapurinn og umhverfið sem laða mig að þessu.
Ég hef líka gaman af að snúast í kringum fjöl-
skylduna þegar við veiðum saman. Ég er alltaf vel
undirbúinn með gott nesti, prímus til að hita kaffi
og forláta samanbrjótanlegan útilegusófa sem
ég legg mig gjarna í þegar veiðifélaginn er með
stöngina. Maður hefur lent í ýmsu; t.d. þreytti
ég kaðalspotta langa stund á silungasvæðinu í
Vatnsdalnum. Ég hafði stuttu áður misst lax og
ætlaði ekki að láta þennan sleppa. Hluti af því
að slappa af er að hlæja og þetta gladdi marga af
félögum mínum.
Sudoku og skokk á Kínamúrnum
Fræg varð mynd af Margréti Tryggvadóttur þar
sem hún greip í sudoku-þraut í þingsal. „Ég hef
nú gaman að mun fleira en sudoku og nýti ekki
margar stundir til þeirrar iðju, einna helst ef ég
er að hlusta á eitthvað, t.d. útvarpsþætti eða sjón-
varpsþætti. Ég gríp meira að segja stundum í
eina og eina í þingsal,“ segir hún. „Ég byrjaði á
þessu þegar ég bjó í Kína. Þá fór ég út að skokka
á morgnana því ég var að æfa fyrir hálfmaraþon
á Kínamúrnum. Á heimleiðinni greip ég oft með
mér fríblöð sem var verið að dreifa á götunum,
fletti þeim og skoðaði myndirnar yfir morgun-
matnum, skildi auðvitað ekki neitt, en gat þó
alltaf ráðið sudoku-þrautirnar.“
En áhugamálin eru fleiri. „Ég hef gaman af
að elda góðan og hollan mat og slappa vel af við
það en besta afslöppunin er samt að taka vel á í
Boot Camp og fara út með hundinn minn í alls
konar veðri.
Svo á ég skemmtilegan mann, tvo frábæra ung-
lingsstráka og helling af vinum sem mér finnst
gaman að umgangast. Ég er líka með ólæknandi
ferðabakteríu. Lífið er nefnilega fullt af ævintýr-
um og þau eru til þess að lenda í þeim.“
 áhugamál Við þekkjum þingmennina af átökum í þingsal en þeir eiga sér aðra hlið
Maður hefur lent í ýmsu; t.d.
þreytti ég kaðalspotta langa
stund á silungasvæðinu í
Vatnsdalnum.
Pólitísk álitaefni
víkja úr huganum
Siv syndir í sjónum, Einar Kristinn gengur á fjöll, Margrét ræður sudoku-
gátur og skellir sér í Boot Camp, Helgi hleypur með hundinum X og þingfor-
setinn púlar í ræktinni. Margvísleg áhugamál alþingismanna auðvelda þeim
að gleyma áreitinu í starfi þar sem sviðsljósið logar stöðugt.
Vigdís Hauksdóttir ræktar sitt eigið grænmeti, kryddjurtir, kál, lauk, gulrætur og salat en stoltust er hún
af rauðkálinu og rauðrófunum. Hér er hún með Sólveigu dóttur sinni í kálgarðinum.
Siv Friðleifsdóttir stundar sjósundið af kappi. Hún
hittir góðan hóp í þessari svölu íþróttagrein á
hverjum mánudegi í Nauthólsvíkinni. Ljósmynd/Hari
Höskuldur Þórhallsson í KA-búningnum. Nú á golfið
hug hans allan.
Hjónin Einar Kristinn Guðfinnsson og Sigrún
J. Þórisdóttir toga sig yfir Jökulsá eystri, við
Skatadal í Austurdal, á liðnu sumri.
Jónas
Haraldsson
jonas@frettatiminn.is
26 tómstundir Helgin 29.-31. október 2010