Fréttatíminn - 31.08.2012, Síða 80

 Plötudómar dr. gunna
room

Eivör Pálsdóttir
Kraftur í kvikunni
Eivör er skærasta færeyska
tónlistarstjarnan á Íslandi.
Hér sló hún í gegn með
Krákunni 2003, en Room
er sjöunda stúdíóplatan
hennar og sú fyrsta síðan
Larva kom út 2010. Eins
og þessi miklu afköst sýna
er Eivör kraftmikill ein-
staklingur. Sá kraftur skilar
sér í tónlistinni, bæði syngur
hún af öguðum þrótti og
þótt tónlistin sé oftast ljúf
er alltaf bullandi kraftur
í kvikunni sem brýst oft
út. Eivör tileinkar plötuna
pabba sínum, sem lést fyrir
tveimur árum, og horfir inn
á við í enskum textunum.
Lögin tíu eru fjölbreytt af
gerð og tilfinningu, frá dap-
urri angurværð í hamrandi
logsuðurokk. Hér eru mörg
sterkt lög, útsetningar frjóar
og fjölbreyttar og platan
skemmtileg og flott. Eivör
klikkar ekki.
Sculpture

Sudden Weather Change
Þoka á heiðinni
Önnur plata SWC byrjar á
laginu Weak Design, Sonic
Youth-legum gítarslána
sem gefur í skyn að þessi
plata sé í svipuðum stíl og
fyrsta platan. Þetta reyn-
ist tálsýn því strax í öðru
lagi er eins og þoka komi
á heiðina, gítar-rokkið
verður æ móðukenndara
og húkk-lausara. Þetta
er með öðrum orðum
frekar brött plata og
ekkert lamb að leika sér
við. Hinn snarbratti Ben
Frost hefur hönd í bagga
með þokuvélinni og svo
er gítarspunnið og sungið
á ensku – og öllu pakkað
inn í Nýlistardeildarlegan
alvarleika. Þessir strákar
eru góðir og bandið
vissulega þétt. Það rofar
stundum til í þokunni,
en ég hefði kosið að það
gerðist oftar svo maður
villtist minna.
aftan Festival 2

Ýmsir
Stórir möskvar
Þessi safnplata hefur það
markmið að gefa tónlistar-
grasrótinni á Suðurnesjum
tækifæri til að kynna sig.
Í því skyni fengu fjórtán
hljómsveitir og sólóistar
tíma til umráða í upptöku-
heimilinu Geimsteini og
töldu í eigin lög og kóver.
Hér er mjög blandað efni
af gerð og gæðum. Frá
byrjendum að útpældum
reynsluboltum; frá frekar
kauðalegu og gamaldags
poppi yfir í þjóðlagatónlist
og gott rokk. Þetta er
virðingarvert framtak og
oft má hafa gaman að
þessu. Sterkust eru lög
Soffíu Bjargar, Smára
Klára, S og S, Fjarkanna
og Cowboy and The Tiger,
en eðli málsins samkvæmt
eru möskvarnir stórir og
ýmislegt sleppur í gegn
sem hefði mátt dafna
betur.
 Í takt við tÍmann Þórhildur ÞorkelSdóttir
Á yfir fimmtíu kjóla í fataskápnum
Þórhildur Þorkelsdóttir er 22 ára sveitastelpa sem flutti á mölina til að fara í menntaskóla og
hefur fest rætur í miðbænum. Hún fór til London, Parísar og á Hróarskeldu í sumar meðfram
því að vinna í tískuversluninni Rokki & rósum. Á mánudaginn tekur nýr kafli við þegar hún
byrjar í mannfræði í Háskóla Íslands.
Staðalbúnaður
Stíllinn minn er mjög dömulegur og því hentar mér
afskaplega vel að vinna í Rokki & rósum. Ég á mikið
af fötum þaðan, sérstaklega vintage-kjólum. Ég er
að safna kjólum og á örugglega yfir fimmtíu stykki
í skápnum. Mér líður stundum kjánalega í flatbotna
skóm við þá og er því rosa oft í hælum. Annars versla
ég mestmegnis erlendis, til dæmis í American Apparel,
Monki og svo á mörkuðum. Það er eiginlega áhugamál
hjá mér að fara á markaði. Ég er oft með sólgleraugu og
á nokkur slík en er annars lítil skartkona.
Hugbúnaður
Við erum ekki með almennilega kaffistofu í búðinni
svo ég fer á hverjum degi á Súfistann á Laugavegi. Það
er líka rosa gott kaffi á Kaffifélaginu á Skólavörðustíg.
Það er misjafnt hvert ég fer á djamminu, Kaffibarinn
og Bakkus eru „beisik“, ég fer mikið á tónleika og fer
því oft á Faktorý. Svo er gott að fara á Kex Hostel eða
Ölsmiðjuna – hún kemur skemmtilega á óvart, þar er
ódýr bjór og róleg og góð stemning. Á djamminu panta
ég Classic bjór, rauðvín eða Skinny Bitch sem er vodka
í sódavatni með lime. Það passar ágætlega fyrir mig
því ég er sykursjúk og má helst ekki fá mér gos eða
safa. Ég fer oft í Háskólabíó og vildi gjarnan fara oftar
í leikhús. Svo hef ég gaman af því að lesa, nú er ég að
klára Gamlingjann sem er dásamleg en í vetur verð ég
ábyggilega föst í mannfræðibókunum. Síðustu mánuði
hef ég óvænt fengið áhuga á eldamennsku og hef prófað
mig áfram á þeim vettvangi. Vinir mínir hafa fengið að
njóta afrakstursins með tilheyrandi matarboðum en
það er ekki útlit fyrir að þau verði mörg á næstunni. Við
kærastinn vorum nefnilega að missa íbúðina okkar og
erum í íbúðarleit. Ég auglýsi hér með eftir einni góðri.
Vélbúnaður
Ég er Apple-kona. Ég fékk mér MacBook
fyrir þremur árum og það verður ekki aftur
snúið. Ég á líka iPhone og skil hann ekki
við mig. Ég nota Instagram mjög mikið og
svo er ég ógeðslega góð í Temple Run. Ég
er ágætlega virk á Facebook. Kærastinn
minn á gamla Nintendo tölvu og ég spila
stundum Super Mario Bros í henni og
það er ógeðslega skemmtilegt. Ég er
ekki mjög góð en er alltaf að æfa mig.
Aukabúnaður
Ég er dugleg að prófa nýja veitinga-
staði enda er ég að vinna niðri í bæ.
Snaps er mjög skemmtilegur og
Aldin er æðislegur, þar er rosalega
góður lífrænn matur. Ég fer allra
minna ferða labbandi eða hjólandi.
Ég á mjög flott nýtt hjól úr Kría Cyc-
les. Uppáhaldsstaðurinn minn er heima í
sveitinni hjá mömmu, á Ósabakka á Skeið-
unum. Þar er frábært að fara á hestbak.
Svo er New York alltaf í miklu uppáhaldi
eftir að ég bjó þar í eitt ár. Í töskunni minni
er alltaf blóðsykursmælirinn sem er lífs-
nauðsynlegur, Smart-ilmvatnið frá And-
reu Maack, varalitur, kinnalitur og blár
maskari. Ég nota alltaf bláan maskara.
Án ofnæmisvaldandi efna
Án efna sem sitja eftir í tauinu
Sérþróað fyrir íslenskt vatn
Í völdum 2 kg pökkum af MILT
þvottadufti eru lukkumiðar sem
innihalda glæsilega vinninga.
Kauptu MILT þvottaduft og þú
gætir dottið í lukkuþvottinn!
Whirlpool þvottavél og Philips
straujárn frá Heimilistækjum,
veglegir balar með frábærum
þvotta- og hreinsiefnum eða
inneign í Skemmtigarðinn
í Smáralind.
F
ÍT
O
N
/
S
ÍA
FRUMSÝNING 20. OKTÓBER KL. 20
2. sýn: Föstudaginn 26. október
3. sýn: Laugardaginn 27. október
4. sýn: Sunnudaginn 4. nóvember
5. sýn: Laugardaginn 10. nóvember
6. sýn: Laugardaginn 17. nóvember
Miðasala í Hörpu og á www.harpa.is - sími 528 5050 - midasala@harpa.is
www.opera.is
Þórhildur Þorkelsdóttir
vinnur í Rokki & rósum og er að
byrja í mannfræði. Hún bloggar
á thorhildur.tumblr.com.
Ljósmynd/Hari
68 dægurmál Helgin 31. ágúst-2. september 2012