Fréttatíminn - 06.05.2011, Blaðsíða 4

AZ Alkmaar hafnaði í vikunni tveggja
milljóna evra tilboði, um 320 milljóna
króna, stórliðsins Ajax í íslenska lands-
liðsframherjann Kolbein Sigþórsson. Að
sögn Andra Sigþórssonar, bróður Kolbeins
sem sér um hans mál, hefur Kolbeinn til-
kynnt AZ Alkmaar að hann muni ekki fram-
lengja samning sinn við félagið sem rennur út
næsta sumar. Heimildir Fréttatímans herma að
AZ vilji fá allt að fjórar milljónir evra, um
640 milljónir króna, fyrir Kolbein sem
hefur farið á kostum með félaginu
í vetur. Hann er markahæsti leik-
maður liðsins með átján mörk og
skoraði til að mynda tvö mörk
gegn Graafschap um síðustu
helgi. Ekki er rétt, sem greint var
frá í hollenskum fjölmiðlum í gær,
að Kolbeinn hafi átt í samninga-
viðræðum við Ajax.
Eftir því sem Fréttatíminn
kemst næst hafa fjölmörg önnur
lið sýnt Kolbeini áhuga. Þeirra
á meðal eru þýsku toppliðin
Borussia Dortmund, nýkrýnd-
ir meistarar, og Hannover 96,
sem er í fjórða sæti deildarinn-
ar, auk enska úrvalsdeildarliðs-
ins Newcastle. Ekki eru þó komin
fleiri tilboð í Kolbein.
AZ Alkmaar hefur gefið það út að allir þeir leik-
menn sem eiga eitt ár eftir af samningi sínum við
félagið og neita að endurnýja hann verði seldir í
sumar. Það á við um Kolbein sem hefur fest sig í
sessi sem aðalmarkakskorari liðsins. Líklegt þyk-
ir að fleiri tilboð muni koma í kappann á næstu
dögum. Ekki er langt þar til Evrópukeppni U-21
árs landsliða hefst í Danmörku og þar verður
Kolbeinn í sviðsljósinu ásamt félögum sínum í
íslenska landsliðinu. Búast má við því að verð-
miðinn á Kolbeini hækki verulega ef hann og
íslenska liðið standa sig í Danmörku. Búist
var við því að Ajax myndi gera nýtt tilboð í
Kolbein á næstu dögum.
Eiður Smári Guðjohnsen er sá íslenskur
leikmaður sem mest hefur verið greitt fyrir.
Barcelona borgaði átta milljónir punda, rétt
rúman milljarð á þáverandi gengi, fyrir hann frá
Chelsea árið 2006. Gylfi Þór Sigurðsson kem-
ur næstur en Hoffenheim greiddi Reading sjö
milljónir punda, tæplega 1,3 milljarð á þáverandi
gengi, fyrir hann síðastliðið haust.
Óskar Hrafn Þorvaldsson
oskar@frettatiminn.is
 Knattspyrna aZ alKmaar
Vilja meira en hálfan
milljarð fyrir Kolbein
Fimm frábærir hjá Ajax
Luis Suarez 110 leikir/81 mark – seldur til Liverpool
Patrick Kluivert 70 leikir/39 mörk – seldur til AC Milan
Marco Van Basten 133 leikir/128 mörk – seldur til AC Milan
Denis Bergkamp 185 leikir/103 mörk – seldur til Internazionale
Zlatan Ibrahimovic 74 leikir/35 mörk – seldur til Juventus
Fátt virðist geta komið í veg
fyrir að Kolbeinn Sigþórs-
son gangi í raðir hollenska
stórliðsins Ajax á næstunni.
Kolbeinn Sigþórs-
son er eftirsóttur.
Ljósmynd/Nordic
Photos/Getty Images
CINTAMANI
WWW.CINTAMANI.IS
Peysuveður
Líttu vel út án
þess að sjúga stöðugt
upp í nefið.
StrekkingSvindur með Suður-
Ströndinni og FrekAr milt í veðri.
Skúrir eðA Smá rigning SunnAn- og
SuðAuStAnlAndS, en víðA létt-
SkýjAð norðAn og AuStAnlAndS.
HöFuðborgArSvæðið: ÁKVeðIn A-Átt
og SKúrIr, eInKuM uM MorgunInn.
A-átt og áFrAm Fremur milt. bjArt
yFir veStAnlAndS, en AnnArS
Fremur Þungbúið og rigning og
AuStAnlAndS.
HöFuðborgArSvæðið: rIgnIng eðA
SKúrIr uM MorgunInn, en SíðAn þurrt.
SnýSt meirA til nA-áttAr og
kÓlnAr, einkum norðAuStAn- og
AuStAnlAnd. SÓlríkt HinS vegAr
SyðrA.
HöFuðborgArSvæðið: Hæg norð-
AuStAnÁtt og LengSt AF LéttSKýJAð.
loks hægari vindur
eftir hin glöggu vatnaskil í veðrinu í
byrjun vikunnar siglum við nú tiltölu-
lega lygnan sjó þessa dagana. Frekar
milt en líka rakt loft kemur úr suð-
austri, en á sunnudaginn snýst vindur
meira út í norðaustur og þá kólnar heldur í
bili annars staðar en sunnanlands. Á meðan
við erum laus við norðanhret og
frost verður framvinda gróðurs
jöfn og góð. Á láglendi mun nátt-
úran klæðast sínum sumarskrúða
á aðeins nokkrum dögum
nú loks þegar tíðin er orðin
hagstæð og vorleg.
9
7 10 9
7 11
11 7
6
7
11
9 5
5
10
einar Sveinbjörnsson
vedurvaktin@vedurvaktin.is
Föstudagur laugardagur sunnudagurveður
Segir kjarasamningana
dýra fyrir atvinnulífið
vilmundur jósefsson, formaður Samtaka
atvinnulífsins, segir nýja kjarasamninga
við verkalýðsfélögin dýra fyrir atvinnu-
lífið, þá sérstaklega fyrirtæki í verslun
og þjónustu, að því er fram kom í frétt
Ríkisútvarpsins. Samningarnir fela í sér
kostnaðaraukningu launa upp á 20% fyrir
fyrirtæki í þeim geira. Laun hækka um
4,25% um næstu mánaðamót og um 3,5%
1. febrúar á næsta ári. Á lokaári samnings-
tímans hækka laun síðan um 3,25%. þá er
von á þremur sérstökum greiðslum á árinu
sem samtals nema um 75 þúsund krónum.
Stærstur hluti þeirra greiðist út 1. júní
næstkomandi, eða fimmtíu þúsund krónur.
Lágmarkslaun hækka hlutfallslega mest;
fara úr 165 þúsund krónum í 204 þúsund
krónur á samningstímanum. opinberir
starfsmenn hafa lengi verið með lausa
samninga. Haft var eftir elínu björgu
jónsdóttur, formanni BSRB, að mið yrði
tekið af almennu samningunum. -jh
Aukin verðbólga og hærra
matarverð
jóhanna Sigurðardóttir forsætisráðherra
sagði á Alþingi í gær að kjarasamningarnir
hefðu áhrif á verðlag þannig að verðbólga
yrði 0,5% hærri en spár hefðu gert ráð fyr-
ir. Jóhanna sagðist ekki leyna því, að því er
fram kom í fréttum Ríkisútvarpsins, að hún
hefði áhyggjur af áhrifum launahækkana,
ekki síst á verslun sem nú stæði höllum
fæti. þá var haft eftir Finni árnasyni, for-
stjóra Haga, móðurfélags Bónuss og Hag-
kaups, að hækkun vöruverðs væri nánast
óhjákvæmileg í kjölfar kjarasamninganna.
Launahækkanir séu meiri en upphaflega
hafi verið rætt um. Greining Íslandsbanka
segir að samningarnir leiði til heldur meiri
verðbólguþrýstings en gert hafi verið
ráð fyrir. Ljóst sé að mörg fyrirtæki þurfi
að velta kostnaðaraukanum að verulegu
leyti út í verðlag. þrátt fyrir þetta, segir
Greiningin, er líklegt að launahækkunin
skili nokkurri kaupmáttaraukningu á
næstu misserum. -jh
4 fréttir Helgin 6.-8. maí 2011