Fréttatíminn - 06.05.2011, Blaðsíða 30

Fylgist með störfum Stjórnlagaráðs og hafið áhrif á endurskoðun stjórnarskrár lýðveldisins.
Bein útsending frá sameiginlegum fundi ráðsins er á hverjum fimmtudegi kl. 13 á vefsíðu ráðsins:
www.stjornlagarad.is. Fundirnir eru opnir almenningi. Öll gögn ráðsins má finna á vefsíðunni.
Stjórnarskrá lýðveldisins varðar okkur öll
Stjórnlagaráð, Ofanleiti 2, 103 Reykjavík - sími: 422-4400 - netfang: skrifstofa@stjornlagarad.is - vefslóð: www.stjornlagarad.is
Vefslóð Stjórnlagaráðs: www.stjornlagarad.is
 england Úrslitaleikur um titilinn
Magnaðir miðverðir mætast
Tvö af bestu miðvarðapörum heims mætast á sunnudag þegar Manchester United tekur á móti Chelsea í ensku úrvalsdeildinni.
Sigur kemur Chelsea á topp deildarinnar.
C
helsea getur komist á
toppinn í ensku úrvals-
deildinni á sunnudag-
inn í fyrsta sinn síðan
í lok nóvember. Fyrst
þarf liðið reyndar að
vinna Manchester United á Old Traf-
ford en möguleikinn er samt sem áður
til staðar – möguleiki sem virtist fjar-
lægur fyrir mánuði þegar helst leit út
fyrir að liðið myndi berjast um fjórða
sætið við Tottenham. Það gæti þó orðið
þrautin þyngri því Manchester United
hefur ekki tapað á heimavelli í vetur,
hvorki í deild, bikar né í meistaradeild-
inni.
Það verður gaman að fylgjast
með miðvarðapörum liðanna sem af
mörgum eru talin vera með þeim betri
í heiminum um þessar mundir. David
Luiz og John Terry eru miðverðir
Chelsea. Brasilíumaðurinn Luiz, sem
kom fram frá Benfica fyrir 23 millj-
ónir punda í félagsskiptaglugganum í
janúar, hefur heldur betur slegið í gegn
hjá Chelsea og Terry, sem virðist loks-
ins vera búinn að jafna sig á meiðslum
sem hrjáð hafa hann lengi, lítur fyrir
að vera frískari en oft áður. Enda er það
svo að Chelsea hefur fengið fæst mörk
á sig af öllum liðum í úrvalsdeildinni,
aðeins 28 í 35 leikjum. Samvinna þeirra
Luiz og Terry hefur verið til fyrirmynd-
ar. Terry hrósar hinum unga Brassa í
hástert og telur hann geta orðið næsta
fyrirliða Chelsea. Það sem er kannski
merkilegast við Luiz er hversu auðvelt
þessi 23 ára leikmaður átti með að falla
inn í leik Chelsea. Strax í fyrsta leik,
þegar hann kom inn á sem varamaður
gegn Liverpool, var hann byrjaður að
skipa stórstjörnunum fyrir eins og
hann hefði verið í félaginu í hundrað
ár. Hann hefur gert sín mistök, er enn
ungur og fljótfær en lítill vafi leikur
á því að hann á eftir að verða einn af
betri varnarmönnum heims í fram-
tíðinni.
Samvinna Serbans Nemanjas Vidic
og Rios Ferdinand er margrómuð
þótt þeir gætu í raun ekki verið ólíkari.
Á meðan annar (Vidic) lítur út eins og
hann sé í stríði á vellinum rennur ekki
blóðið í Ferdinand. Stundum hefur
maður það á tilfinningunni að Rio þurfi
ekki að fara í sturtu eftir leik – slík er
afslöppunin og áreynsluleysið í leik
hans. Þeir ná frábærlega vel saman
og vega hvor annan fullkomlega upp.
Ferdinand hefur verið mikið meiddur í
vetur og það hefur gert það að verkum
að Vidic hefur þurft að spila með
mörgum leikmönnum í hjarta varnar-
innar. Það hefur ekki haft slæm áhrif á
þennan frábæra varnarmann því hann
hefur, að öðrum ólöstuðum, verið jafn-
besti leikmaður ensku úrvalsdeildar-
innar á þessu tímabili.
Það mun ráða miklu á sunnudaginn
hvort miðvarðaparið hefur betur í bar-
áttunni. oskar@frettatiminn.is
N
or
di
c
Ph
ot
os
/G
et
ty
Im
ag
es
N
or
di
c
Ph
ot
os
/G
et
ty
Im
ag
es
David Luiz og John Terry standa
vaktina í hjarta varnar Chelsea.
Rio Ferdinand og Nemanja Vidic eru, að mati Hjörvars
Hafliðasonar, besta miðvarðapar ensku úrvalsdeildarinnar.
Fréttatíminn fékk knattspyrnuspekinginn Hjörvar Hafliðason
til að vega og meta þessi tvö geysisterku miðvarðapör:
John Terry og
David Luiz
„David Luiz hefur komið
eins og stormsveipur inn
í lið Chelsea. Hann er
árásargjarn og ákaflega
fylginn sér. Hann hefur
auga fyrir markinu
og er sterkur í
föstum leikatriðum
báðum megin á
vellinum. Hann
er svolítið villtur
og gefur mikið af
aukaspyrnum.
John Terry var valinn
óvinsælasti leikmaður heims-
byggðarinnar í könnun sem
ég sá um daginn. Sú skaðaða
ímynd hans hefur komið í
veg fyrir að hann fengi það
hrós sem hann á skilið fyrir
frammistöðuna í vetur. Hann
hefur þroskast sem leik-
maður.
Samstarf Luiz og Terry
hefur blómstrað allt frá því að
þeir léku saman í fyrsta sinn.“
Nemanja Vidic og
Rio Ferdinand
„Vidic er búinn að vera jafn-
besti leikmaður deildarinnar
í vetur. Hann er varnarmaður
af gamla skólanum – harður
og illskeyttur. Hann er nánast
kvikindi og tilbúinn að gera
allt til að vinna leiki.
Rio Ferdinand tilheyrir nýja
skólanum af varnarmönnum.
Hann er góður með boltann
á löppunum og stjórnar vel.
Hann á það hins vegar til að
gleyma sér og gerir stundum
dýrkeypt mistök.
Saman mynda Vidic og
Ferdinand sterkasta mið-
varðapar ensku úrvalsdeildar-
innar. Þeir vega hvor annan
fullkomlega upp.“
Hvort parið er betra?
„Vidic og Ferdinand eru betri.
Þeir hafa leikið saman lengur
og unnið saman alla þá titla
sem í boði eru.“
30 fótbolti Helgin 6.-8. maí 2011