Fréttatíminn - 17.06.2011, Blaðsíða 22

Eyþór Helgi Birgisson, 22 ára
Ferðalögin innan-
lands í sumar
Ferðalagið: Býst ekki við að fara til útlanda í sumar.
Verð rosalega upptekinn í fótboltanum og því verða
ferðalögin aðallega innanlands.
Skemmtistaðurinn: B5 stendur alltaf fyrir sínu.
Góð tónlist og skemmtilegt fólk.
Tónlistin: Er rosa alæta en er mest fyrir RnB og
popp. Nú hlusta ég mikið á Kanye West. Hann er
alveg snillingur.
Verslunin: Síðast keypti ég mér ljósbláa G-star
skyrtu í Sautján.
Sjónvarpsþátturinn: Horfi mikið á How I met
your mother og Big bang Theory. Þeir eru í algjöru
uppáhaldi.
Bókin: Les frekar lítið af bókum. Fletti aðallega í
gegnum fréttamiðlana á morgnana. Það er það eina.
Birna Arnardóttir, 20 ára
Eyddi aleigunni í H&M
Ferðalagið: Ég var að koma úr tíu daga útskriftarferð Versló til
Costa del Sol og fer svo með vinkonunum til Danmerkur í ágúst á
Kanye West.
Skemmtistaðurinn: Einhvern veginn enda ég alltaf á því að
heimsækja B5 þegar ég fer í bæinn. Skemmtileg tónlist og mikið
stuð.
Tónlistin: Nýi diskurinn með GusGus er snilld og ég er búin að
hlusta á hann stanslaust síðan ég kom heim úr útskriftarferðinni.
Verslunin: Ég hugsa að H&M standi alltaf fyrir sínu og ég eyddi
eflaust aleigunni á Spáni fyrir nokkrum dögum. Því miður keypti
ég þó aðeins sumarföt svo að ég sé ekki fram á að geta notað þau
mikið hérna heima.
Sjónvarpsþátturinn: Ég var að byrja að horfa á alla Sex and the
city-þættina frá byrjun. Svo fylgist ég alltaf með Gossip Girl.
Bókin: Ég hef því miður ekki opnað bók síðan ég kláraði stúd-
entsprófin en stefni á að lesa Water for Elephants.
Magnea Ýr Gylfadóttir, 20 ára
Adele í miklu
uppáhaldi
Ferðalagið: Ég er að fara til Kaupmanna-
hafnar með vinkonum mínum í byrjun ágúst.
Skemmtistaðurinn: Ég heimsæki B5
líklega mest.
Tónlistin: Adele er í miklu uppáhaldi núna.
Sjónvarpsþátturinn: Modern Family er að
koma sterkt inn hjá mér núna en Friends og
Sex and the city stendur alltaf fyrir sínu.
Bókin: Er að reyna að klára bókina Ösku
eftir Yrsu en það gengur eitthvað hægt.
Andri Már Birgisson, 23 ára
Lætur hljóðbókina
rúlla í vinnunni
Sumarfríið: Það verður ekki mikið um frí
hjá mér í sumar en ég er að fara til Vopna-
fjarðar að vinna og mun leita uppi ævintýri
þaðan.
Skemmtistaðurinn: Að mínu mati er
langbesta tónlistin á Prikinu svo að ég er
mikið þar.
Tónlistin: Allt með Odd Future er hrein
snilld. Hlusta mikið á þá.
Sjónvarpsþátturinn: Game of Thrones
eru fáránlega góðir þættir sem ég horfi
mikið á. Bob’s Burgers eru líka mjög
fyndnir og skemmtilegir þættir sem maður
skemmtir sér yfir.
Bókin: Er kominn í sumarfrí frá því að lesa.
Það er þó ekkert betra en að láta góða
hljóðbók rúlla í vinnunni eða göngutúrnum.
Embla Örk Hölludóttir, 19 ára
Með fjölbreyttan
tónlistarsmekk
Ferðalagið: Ég er að spá í að komast
annaðhvort til New York eða Boston í
verslunarferð einhvern tíma í sumar.
Skemmtistaðurinn: Það er mjög misjafnt
hvert ég fer. Líklega mest á Prikið eða B5.
Tónlistin: Ég hlusta á mjög mismunandi
tónlist en núna er líklega Jessie J mest
spiluð.
Sjónvarpsþátturinn: Ég horfi mest á
sjónvarpsþættina Skins. Þeir eru í algjöru
uppáhaldi.
Bókin: Les ekki mikið af bókum en fyrir
ekki svo löngu las ég Tímaþjófinn eftir
Steinunni Sigurðardóttur.
22 núna Helgin 17.-19. júní 2011