Tölvumál - 01.12.1999, Blaðsíða 3

Tímarit Skýrslutæknifélags Islands
ÍliE
• E • F • N • I •
Tölvupóstur starfsmanna Hlynur Halldórsson J
Frá orðanefnd Q SlGRÚN HELGADÓTTIR #
Galdrar, öryggi á Internetinu Jónas Sturla Sverrisson 13
Kasmír mikli Árni Gunnar Róbertsson 16
Internetið sem miðill Aðalsteinn Magnússon 19
Rafræn tímarit Hrafnhildur Hreinsdóttir 22
Veflausnir með Informix Einar Bergmundur Arnbjörnsson 25
MPEG Layer-3 tónlist á netinu Baldur J. Baldursson 30
IP margvörpun Sæmundur E. Þorsteinsson og Hafþór Óskarson 32
Ólikir Þættir Stefán Ingólfsson 35
NetWorld Interop 99 Arnaldur F. Axfjörð 37
FAQ: Ertu tölvufræðingur? Helga Waage 41
Samruni tölvutækni og simatækni Björn Jónsson 43
Ráðstefnudálkurinn 47
ISSN-NÚMER:
1021-724X
Ekkert í sögu tölvunnar hefur aukist eins og fangað athyglina
jafn rækilega og það sem er meginefni þessa tölublaðs Tölvumála;
Netið, Internetið, Alnetið eða lýðnetið. Nöfnin eru mörg en allt ber
að sama brunni og á skömmum tíma hefur það vaxið svo mjög, og
teygt anga sína svo víða og snert svo margt að með ólikindum er.
Það er alveg sama hvar borið er niður. Allsstaðar kemur Netið við
sögu.
Fyrir marga hefur þessi þáttur upplýsingatækninnar breyst úr því
að vera forvitnileg viðbót í að vera hornsteinn í starfsemi. Nú er svo
komið að sum íslensk fyrirtæki byggja starfsemi sína annaðhvort í æ
ríkari mæli eða jafnvel alfarið á Netinu. Fyrirtæki fara jafnvel úr
hefðbundnum viðskiptum yfir í að reka starfsemina alfarið á Netinu.
Enda hefur tækninni verið tekið opnum örmum af almenningi en
samt stundum með ákveðinni varúð. Þó fjölmiðlar greini oft frá því
sem kalla má framfarir þá eru jafnframt dregnar fram ýmsar skugga-
hliðar Netsins.
Víst eru kostir og gallar til staðar en hinu má ekki gleyma að lítill
tími er að baki og langur vegur framundan. Hvernig umhorfs verður
eftir fáein ár er útilokað að spá. Má í því sambandi vitna í tímaritið
Economist sem líkti sögu Netsins til þessa við sögu farþegaflugs þar
sem sagði að til samanburðar væri staðan núna eins og þegar DC-
3 farþegavélar hófu flug á millistríðsárunum.
Aðgengi að Netinu er fyrir þorra fólks um einmenningstölvu og
litið er á slíkar tölvur sem sjálfsagða gátt í vefheiminn. Ljóst er þó
að breyting er að verða á og innan tíðar verða ekki bara slíkar
tölvur notaðar heldur margt annað. Sérsniðnar smátölvur verða fyrst-
ar og frásagnir af ýmsum gamalgrónum heimilistækjum með netbún-
aði vekja forvitni og margir spyrja sjálfa sig til hverra framleiðend-
urnir ætla að ná. Hvernig sem fer verður notkun í framtíðinni með
allskonar tækjum.
Hver verður svo framtíð Netsins? I Economist sagði að framtiðin
lægi í þvi sem væri að Netinu í dag. í fyrsta lagi er aðgenginu um
einmenningstölvur sem stendur hætt við ýmsum kvillum og þykir
klunnalegt. I öðru lagi væri Netið sem slikt erfitt í notkun og flókið
væri fyrir notendurna að finna það sem þeir eru að sækjast eftir.
Sömuleiðis ættu ýmsir í vandræðum með að tengja fyrirliggjandi
kerfi sin við Netið ef ætlunin væri að vera með viðskipti á því. í síð-
asta lagi taldi blaðið að öryggi og áreiðanleika þess væri áfátt.
Þetta eru raunveruleg vandamál sem núna er tekist á við að laga
og færa til betri vegar.
Ritstjórnin færir höfundum bestu þakkir fyrir sitt framlag svo og
Tölvuorðanefnd sem las greinarnar yfir og kom með tillögur að orð-
um. I tækni sem þessarri koma sífellt fram ný orð og hugtök sem
ekki hafa verið þýdd eða íslenskuð áður og er mikils virði að fá
samstarf milli greinarhöfunda og Tölvuorðanefndar á þessum vett-
vangi.Jafnframt færum við lesendum óskir um gleðileg jól og farsælt
komandi ár.
Einar H. Reynis
Tölvumál
3