Fréttatíminn - 12.07.2013, Page 9

Eftirlíkingar hönnunar Hlínar Reykdal
Hálsmen og armbönd frá hönnuðinum Hlín
Reykdal hafa notið mikilla vinsælda á undan-
förnum árum en vörurnar hefur Hlín þróað
frá árinu 2009 er hún útskrifaðist úr Listahá-
skóla Íslands. Nokkur tilvik hafa komið upp
þar sem fólk hefur gert eins skart og Hlín og
selt. „Ég hef heyrt af nokkrum sem hafa selt
eftirlíkingar af mínum vörum á Facebook.
Svo hafa föndurbúðir líka haldið námskeið í
að búa skartið mitt til,“ segir Hlín sem hefur
þó ekki reynt að stöðva slíkt, enn sem komið
er. „Ég tel að það sé nú kannski ekki beint
einbeittur brotavilji að baki því þegar fólk býr
til eftirlíkingar að einhverju sem því finnst
fallegt heldur er virðingin fyrir hönnun og
myndlist stundum ekki mikil. Fólk hugsar
með sér að það geti nú alveg búið til svona en
málið er flóknara en svo.“ Að sögn Hlínar er
verið að skoða það innan hennar fyrirtækis
hvernig best sé að verja hönnunina.
Í sumar hefur fylgihlutaverslunin Kast-
anía selt hálsmen gerð af Ástu Kristnýju
Árnadóttur, undir merkinu Handa design,
sem eru mjög lík hinum vinsælu hálsmenum
Hlínar Reykdal. Eftir að Fréttatíminn hafði
samband við eigendur verslunarinnar, þær
Ólínu Jóhönnu Gísladóttur og Bryndísi Björgu
Einarsdóttur, til að spyrjast fyrir um eftirlíking-
arnar tóku þær þá ákvörðun að hætta sölu þeirra.
Að sögn Ólínu var óheppilegt að verslunin hafi
boðið upp á eftirlíkingar af vinsælli íslenskri
hönnun en að eigendurnir hafi ekki gert sér
grein fyrir því þegar varan frá Handa var tekin til
sölu hversu lík hún væri hönnun Hlínar Reykdal.
„Það er engan veginn í takt við okkar stefnu
í Kastaníu að selja eftirlíkingar og við viljum
frekar stuðla að velgengni frumkvöðla. Eftir
ábendingu frá ykkur höfum við því ákveðið að
hætta sölu á hálsmenum frá Handa.“
Ásta Kristný hjá Handa er þó þeirrar skoð-
unar að framleiðsla hennar sé ekki eftirlíking af
hönnun Hlínar Reykdal en viðurkennir þó að vör-
urnar séu líkar. „Það er verið að selja hálsmen úr
trékúlum víða,“ segir hún. Hálsmen Hlínar Reyk-
dal eru með trékúlum og borða og segir Ásta
það tilviljun að sum hennar hálsmena séu einnig
þannig. „Fólk hefur beðið mig að gera hálsmen
með borðum og því hef ég gert það. Hálsmenin
eru merkt Handa design því ætti enginn að halda
að þetta séu vörur frá Hlín Reykdal,“ segir Ásta.
Mál yfirleitt leyst utan dómskerfisins
Að sögn Lovísu Jónsdóttur, sérfræðings á sviði
hugverkaréttar hjá Tego hugverkaráðgjöf, er mikil-
vægt fyrir lítil jafnt sem stór fyrirtæki að sækja um
hönnunarskráningu til að skrásetja rétt sinn. „Það
virðast margir halda að hönnunarskráning virki
ekki en vandinn er sá að lítil reynsla er til staðar
innan dómskerfisins enn sem komið er. Það hefur
þó gengið vel hjá mér hingað til að sækja rétt um-
bjóðenda minna á grundvelli hönnunarskráningar.“
Lovísa segir algengast að slík mál séu leyst
utan dómskerfisins, einkum vegna þess hversu
kostnaðarsöm þau séu fyrir þann brotlega. „Þá er
ég milligöngumaður fyrir hönd míns umbjóðanda
við þann sem hefur framið brotið. Algengast er að
þess sé krafist að sá greiði allan kostnað míns um-
bjóðanda við að leita réttar síns, auk þess að greiða
honum allan hagnað af sölu eftirlíkinganna og fargi
svo framleiðslunni. Ég tek svo við sönnun þess að
eftirlíkingum hafi verið eytt. Fyrirtæki geta valið
þá leið að sækja um hönnunarskráningu og hafa þá
haldbæra sönnun á rétti sínum til hönnunarinnar
eða velja að sleppa skráningunni en vera fyrst á
markaðinn með vöruna og ná sem mestu út úr því
og þurfa þá jafnvel að sætta sig við að aðrir geri
eftirlíkingar.“
Dagný Hulda Erlendsdóttir
dagnyhulda@frettatiminn.is
 Hugverkaréttur eftirlíkingar algengar
Stolin hönnun víða til sölu
Ástríður
Magnúsdóttir,
verkefnastjóri
hjá Hönnunar-
miðstöð Íslands.
Mynd/Valgarður
Gíslason.
Lovísa Jónsdóttir,
sérfræðingur hjá
Tego hugverka-
ráðgjöf. Mynd/Alda
Sverrisdóttir.
Vatnsaflsstöðvar nota fallþunga vatns til að knýja hverfla sem vinna
rafmagn. Úrkomu og leysingavatni af jöklum landsins er safnað í uppi-
stöðulón, sem flest eru á hálendinu. Lónin eru vatnsmest síðsumars
og geyma þá um 4.600 gígalítra, eða 4,6 rúmkílómetra af vatni.
Þessi forði gerir okkur kleift að vinna raforku jafnt og þétt allt árið.
Velkomin í heimsókn!
Gestastofur Landsvirkjunar eru opnar frá kl. 10-17 alla daga í allt sumar:
Fljótsdalsstöð
Gestastofa í Végarði og leiðsögn um Kárahnjúka
miðvikudaga og laugardaga frá kl. 14-17.
Búrfell
Gagnvirk orkusýning og vindmyllur á Hafinu. Starfsfólk Landsvirkjunar tekur
á móti gestum við vindmyllurnar kl. 13-17 alla laugardaga í júlí.
Krafla
Jarðvarmasýning í gestastofu.
www.landsvirkjun.is/heimsoknir
Orkuforðinn okkar
Hálslón 2100 Gl1
Þórisvatn 1400 Gl2
Blöndulón 412 Gl3
Hágöngulón 320 Gl4
Krókslón 140 Gl5
Sultartangalón 109 Gl6
7
8
10
11
9
Kelduárlón 60 Gl
Gilsárlón 20 Gl
Bjarnarlón 5 Gl
Ufsarlón og
Vatnsfellslón 3 Gl
Hrauneyjalón 33 Gl
Miðlunarrými helstu lóna á Íslandi:
4
5
6
7
8
9
1011
412 Gl
56 km²
3
Miðlunarrými
Flatarmál við
fullt lón
Blöndulón
1400 Gl
83 km²
2
Miðlunarrými
Flatarmál við
fullt lón
Þórisvatn
2100 Gl
57 km²
1
Miðlunarrými
Flatarmál við
fullt lón
Hálslón
fréttir 9 Helgin 12.-14. júlí 2013