Fréttatíminn - 12.07.2013, Qupperneq 10

Dönsku astma- og
ofnæmissamtökin
Astma- og ofnæmisfélagið á Íslandi mælir með vörum frá
FÁÐU GÓÐ RÁÐ VIÐ OFNÆMI
NEUTRAL.IS
Sætúni 8, 105 Reykjavík. Sími: 531 3300. ritstjórn@frettatiminn.is Ritstjórar: Jónas Haraldsson jonas@frettatiminn.is og Sigríður Dögg
Auðuns dóttir sigridur@frettatiminn.is. Fréttastjóri: Höskuldur Daði Magnússon hdm@frettatiminn.is. Framkvæmda- og auglýsingastjóri: Valdimar Birgisson valdimar@
frettatiminn.is. Útgáfustjóri: Teitur Jónasson teitur@frettatiminn.is . Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
E Engin rök eru fyrir því að íslenskir nemendur ljúki stúdentsprófi tveimur árum síðar en nemendur í nágrannalöndunum, 20 ára í stað 18 ára. Í skýrslum hefur verið sýnt fram á þjóðhagslega hagkvæmni sam-fara styttingu náms, nú síðast í tillögum sem verk-
efnastjórn Samráðsvettvangs um aukna hagsæld sem
kynntar voru í maí. Þar kom fram, eins og getið var í
leiðara Fréttatímans, að þjóðhagslegur ábati af útskrift
íslenskra nemenda á sama aldri og gerist í Evrópu sé
mikill og löngu tímabært að stefna að
slíku. Þar sagði að með því að stytta
grunnskólann um eitt ár og framhalds-
skólann um annað ykist landsfram-
leiðsla á bilinu 3 til 5 prósent vegna þess
að tveir árgangar bættust við vinnu-
markaðinn fyrr en ella.
Fram kom í frétt Morgunblaðsins fyrr
í vikunni að skólanefnd Verzlunarskóla
Íslands hefði samþykkt að hefja vinnu
við endurskipulagningu skólans með það
að markmiði að stytta skólann um eitt ár.
Haft var eftir Inga Ólafssyni, skólastjóra
Verzlunarskólans, að miðað sé við að skólinn verði til-
búinn að innrita fyrstu nemendurna í þriggja ára nám
vorið 2015. Skólastjórinn benti á að málið hefði mikið
verið rætt bæði af Samtökum atvinnulífsins og Við-
skiptaráði og þar kallað eftir að árum til stúdentsprófs
sé fækkað. „Auðvitað eru skiptar skoðanir á þessu, en
við höfum mikið rætt þetta í skólanefndinni, þar sem
fólk sem hefur mikil tengsl við atvinnulífið. Niðurstað-
an var sú að unnið verður að því að Verzlunarskólinn
verði þriggja ára skóli,“ segir skólastjórinn en bætir því
við að ekki hafi verið útilokað að einnig verði boðið upp
á fjögurra ára nám í einhvern tíma.
Þessari ákvörðun skólanefndar Verzlunarskólans
ber að fagna. Hún er liður í því að þegar fram í sækir
útskrifist íslenskir stúdentar á sama aldri og jafnaldrar
þeirra í nágrannalöndum okkar. Kvennaskólinn hefur
áður boðið upp á þriggja ára nám og rétt er það sem
Páll Vilhjálmsson áréttar á bloggsíðu sinni í framhaldi
ákvörðunar skólanefndar Verzlunarskólans, að fjöl-
brautaskólar bjóða nemendum upp á þann möguleika
að ljúka stúdentsprófi á þremur árum, kjósi þeir það,
geti raunar valið sinn námshraða og lokið stúdents-
prófi á þremur til fimm árum. Hann bendir jafnframt
á að fjölmargir framhaldsskólar veiti nemendum efstu
bekkja grunnskóla möguleika á að taka einingar til
stúdentsprófs samhliða grunnskólanámi. Ofmælt er
hins vegar hjá Páli að Samtök atvinnulífsins séu með
ábendingum sínum í herferð gegn framhaldsskól-
unum. Málflutningur samtakanna hefur snúið að þjóð-
hagslegum hag samfara styttingu námstímans.
Sveigjanleiki er mikilvægur í kerfinu enda hentar
sami námshraði ekki öllum en meginstefnan hlýtur
þó að vera sú að stytta námstímann til stúdentsprófs,
annars vegar í framhaldsskóla og hins vegar í grunn-
skóla. Ýmislegt þarf vitaskuld að koma til svo þetta
gangi upp og breytingarnar taka tíma. Fram kemur
hjá skólastjóra Verzlunarskólans að hann treysti því að
lögum frá árinu 2008 verði hrint í framkvæmd en þau
kveða á um að lengja skólaárið um fimm daga. Hann
bendir einnig á hið augljósa að ná verði samningum
við Kennarsambandið um endurskipulagningu kenn-
arastarfsins.
Ekki er að efa að ákvörðun skólanefndar Verzlunar-
skólans hefur áhrif á aðra framhaldsskóla þegar til
lengdar lætur. Endurskoðun á skólakerfinu er meðal
þess sem þörf er á til þess að auka hagvöxt, eins og
verkefnastjórn Samráðsvettvangsins bendir á, svo Ís-
lendingar skipi þann hóp þjóða sem búa við best lífs-
kjör. Íslenskt menntakerfi verður að vera samkeppnis-
fært við sambærileg menntakerfi austan hafs og
vestan. Nýta þarf sem best tíma kennara og nemenda.
Ávinningurinn sem fæst af styttingu náms til stúdents-
prófs felst meðal annars í hærri ævitekjum fólks og
samhliða því aukinni þjóðarframleiðslu.
Jákvæð þjóðhagsleg áhrif ákvörðunar skólanefndar Verzlunarskóla Íslands
Þriggja ára framhaldsskólanám
Jónas Haraldsson
jonas@frettatiminn.is
Veðrið er ekki svo
með öllu illt
Geitungar eiga erfitt í ár,
maður sér varla kvikindi.
Geitungarnir fóru seint af
stað í vor enda kalt í veðri.
Erling Ólafsson, skor-
dýrafræðingur, út-
skýrir kærkomna fjarveru
geitunganna.
Ég þarf samt ekkert
að sitja á bekknum!
Þótt þú sért lögga þá þarftu
ekki að draga fólk eftir
götunni.
YouTube-hetjan Maggi Mix
sendir kveðju til löggunnar
sem handtók ölvaða konu
og tók engum vettlingatök-
um á Laugaveginum.
Þú ert rekinn (bros-
kall og læk)
Það er vissulega óheppilegt
ef fólk fær svona fréttir frá
einhverjum öðrum leiðum
en ekki frá okkur
beint en hann
fékk vitneskju
frá okkur í
hvaða farveg
þetta færi löngu
áður en það
komst í fjölmiðla.
Stefán Eiríksson, lög-
reglustjóri á höfuðborgar-
svæðinu, svarar fyrir það að
harðhenta handtökulöggan
hafi frétt á Facebook að
honum hefði verið vikið frá
störfum.
Gungur og druslur!
Það er meira kjarkleysið og
aumingjadómur ef menn
geta ekki einu sinni leyft
þessu að vera í nefnd fram
að hausti. Mér finnst lítil
reisn í því – afskaplega lítill
hugur.
Steingrímur J. Sigfússon
skammaði meirihlutann
á þingi fyrir áhugaleysi
á beiðni uppljóstrarans
Edward Snowden um ís-
lenskan ríkisborgararétt.
Rautt er æði
Mér finnst þetta æðislegt,
ég geng bara út um allt og
segi öllum að ég sé rauð-
hærðasti Íslendingurinn.
Hafdís Karlsdóttir var út-
nefnd Rauðhærðasti Íslend-
ingurinn árið 2013 á Írskum
dögum á Akranesi og er í
skýjunum með titilinn.
Véfréttin á Bessa-
stöðum
Ég bara veit það ekki. Það
er rosalega erfitt að lesa
í Ólaf.
Ísak Jónsson, annar
forsvarsmanna undir-
skriftasöfnunarinnar
þar sem skorað
var á Ólaf Ragnar
Grímsson að synja
nýjum lögum um
veiðigjald, var engu
nær eftir að hann afhenti
forsetanum undirskrifta-
bunkann.
 Vikan sEm Var
10 viðhorf Helgin 12.-14. júlí 2013