Fréttatíminn - 12.07.2013, Side 21

Á hverjum laugardegi fer ég í mat til mömmu
minnar og þangað kemur fjölskylda bróður míns
líka. Við lifum ósköp venjulegu fjölskyldulífi nema
ég kem með slæðu og fer ég afsíðis og bið.
Fersk sósa og enn
ferskari ostur
Það er mörg hundruð ára gömul hefð að hræra
saman gríska jógúrt, olíu og sítrónusafa í kalda
sósu en sósan er samt alltaf jafn fersk. Saltaðu
og pipraðu eftir smekk og notaðu út á kjöt,
salöt, eða jafnvel bakaðar kartöflur. Það er
skemmtileg tilbreyting að bera fram fetaostinn
í stærri teningum eða jafnvel sneiðum.
Uppskriftir á gottimatinn.is
H
V
ÍT
A
H
Ú
SI
Ð
/
S
ÍA
sé stundum sú að fólk sé búið að
ákveða fyrirfram að úr því hún sé
múslimi hljóti hún að vera kúguð.
„Samkvæmt Kóraninum eru kon-
ur og karlar jafn rétthá og frétta-
flutningur af því að það sé vegna
trúarinnar að stúlkur fái ekki
menntun er ekki réttur því sam-
kvæmt trúnni ber foreldrum skylda
til að mennta dætur sínar. Það eru
því aðrar ástæður að baki því að
stúlkur í fjarlægum löndum hljóti
ekki menntun,“ segir Guðrún.
Íris og Guðrún eru sammála um
að samfélagið á Íslandi kúgi konur
á margan hátt þó fólk geri sér ekki
alltaf grein fyrir því. Íris bendir á
að til dæmis vilji samfélagið hafa
áhrif á það hvernig konur séu
klæddar og hvort þær séu úti- eða
heimavinnandi og spyr hvers vegna
þær megi ekki ráða því sjálfar.
„Fólk er að velta sér upp úr því
hvers vegna konur séu með strípur,
hvers vegna þær séu gráhærðar,
hvers vegna þær séu ómálaðar, í
svona þröngum fötum, í bikíní eða
búrku. Af hverju er alltaf þessi þörf
að stjórna því hvernig konur eru?“
spyr Íris sem telur mikilvægt að
halda því til að haga að kúgun eigi
sér stað víða, í öllum samfélögum
og að það séu oft konur sem verði
fyrir henni.
Guðrún bendir á samfélags-
miðilinn Facebook og hvernig
ljósmyndir konur og jafnvel ungar
stúlkur setji af sér þangað og sitji
svo við tölvuna og bíði eftir að ein-
hver skrifi við myndina hvað þær
séu nú sætar og kynþokkafullar.
„Maður er álitinn skrítinn ef maður
vill ekki vera í þröngum fötum og
sækjast eftir athygli frá karlmönn-
um,“ segir hún.
Kóraninn vísar leiðina í lífinu
Íris og Guðrún eru sammála um
að manngæska sé eitt helsta gildi
íslam en leggja þó áherslu á að
þær séu ekki neinir sérfræðingar
í íslam, heldur bara venjulegir
múslimar. „Ef maður heimsækir
venjulega múslima fjölskyldu, ekki
svona bandbrjálaðar eins og maður
sér í sjónvarpinu, heldur venjulega,
þá fer maður ekki aftur út nema
hlaðinn gjöfum og vel saddur. Sama
hversu fátækt fólk er, það gefur
alltaf eins og það getur,“ segir
Íris sem telur trúna hafa gefið sér
meiri þolinmæði og skilning á til-
gangi lífsins. Guðrún er sammála
og segir trúna hafa gefið sér nýtt
líf, skilning og von. „Þegar maður
gengur í gegnum erfiðleika þá er
Kóraninn alltaf með svar. „Stund-
um er ég djúpt hugsi og svo þegar
ég opna Kóraninn eða tölvuna þá
kemur vers sem á akkúrat við það
sem ég var að hugsa um. Ég hef
fengið óteljandi sannanir fyrir því
að hafa gert rétt með því að gerast
múslimi. Mér finnst það æðislegt,“
segir hún.
Vinkonurnar eru sammála um að
Kóraninn sé þeirra handbók um líf-
Íris og Guðrún að
biðja í mosku Menn-
ingarseturs múslima á
Íslandi, við Skógarhlíð.
Mynd/Hari.
Alls eru 770 manns, búsettir
hér á landi, meðlimir í söfnuð-
um múslima á Íslandi. Í Félagi
múslima á Íslandi í Ármúla í
Reykjavík eru 465 manns en
305 hjá Menningarsetri mús-
lima í Skógarhlíð.
Upplýsingar af vef Hagstofunnar.
ið. „Eins og þegar maður kaupir sér
raftæki, þá fylgir alltaf með bækl-
ingur um það hvernig á að tengja
og svoleiðis. Kóraninn og Sunna,
sem er bókaröð um ævi Múhameðs
spámanns, er þannig handbók fyrir
okkar líf,“ segir Guðrún.
Múslimakonur á Íslandi halda
hópinn
Íris og Guðrún tilheyra hópi mús-
limakvenna frá ýmsum löndum
sem hittist reglulega. Þær leggja
áherslu á að allar séu velkomnar
í þann hóp, hvort sem konur séu
múslimar eða ekki. ,,Stundum
hafa konur sem eru að gera verk-
efni tengd íslam í háskólanum hitt
okkur,” segir Íris. Guðrún segir
það efla hana í trúnni að halda góðu
sambandi við hinar konurnar. „Oft
hafa múslimar annað sjónarhorn
sem skiptir miklu máli fyrir mig.
Við erum líka allar svo góðar vin-
konur,“ segir Guðrún og brosir blíð-
lega til Írisar sem tekur undir það.
Dagný Hulda Erlendsdóttir
dagnyhulda@frettatiminn.is
viðtal 21 Helgin 12.-14. júlí 2013