Fréttatíminn - 12.07.2013, Qupperneq 46

46 bíó Helgin 12.-14. júlí 2013
Pitt hefur
þegar lýst
áhuga
á því
að gera
framhalds-
mynd
þar sem
honum
þykir enn
margt
ósagt
úr bók
Brooks.
 Frumsýnd World War Z
s aga uppvakninga í kvikmyndum er orðin nokkuð löng en þessi óféti hafa lengst af staðið í skugga vampíra,
varúlfa, geðtruflaðra morðingja og annarra
erkiskrímsla ekki síst þar sem zombíurnar
eru sjarmalausar með öllu og hafa ekki boðið
upp á mikil tilþrif. Vegur uppvakninganna
hefur þó vaxið jafnt og þétt á síðustu árum
og þeir eru orðnir ansi frekir til fjörsins. Þeir
voru í forgrunni gamanmyndanna Shaun of
the Dead (2004) og Zombieland (2009) og í
Warm Bodies (2013) sýndi ungur uppvakn-
ingur á sér óvenju mannlega hlið þegar hann
varð ástfanginn og fangaði hjarta mennskrar
stúlku. Þá er ónefndur hinn geysivinsæli
sjónvarpsþáttur The Walking Dead sem
hefur gert stormandi lukku en hann byggir á
samnefndum myndasögum.
Í World War Z tekur leikstjórinn Marc For-
ster (Quantum of Solace, The Kite Runner,
Stranger Than Fiction, Finding Neverland,
Monster's Ball) snúning á uppvakningunum í
mynd sem gerð er eftir samnefndri skáld-
sögu Max Brooks. Framleiðsluferli myndar-
innar var brösótt og því var fyrirfram ekki
búist við miklu en World War Z hefur komið
skemmtilega á óvart, fengið fína dóma og
almennt lagst vel í áhorfendur.
Brad Pitt leikur aðalhlutverkið í myndinni,
Gerry Lane, sérfræðing á vegum Sameinuðu
þjóðanna, sem reynir að stöðva útbreiðslu
uppvakninganna í æsilegu kapphlaupi við
tímann. Framtíð mannkyns er í húfi en Gerry
þarf einnig að hafa áhyggjur af sjálfum sér
og fjölskyldu sinni þar sem zombíurnar eira
engu.
Pitt hefur þegar lýst áhuga á því að gera
framhaldsmynd þar sem honum þykir enn
margt ósagt úr bók Brooks. Brooks þessi er
sonur gamanleikarans og leikstjórans Mel
Brooks og Anne Bancroft og þrátt fyrir líf-
lega æsku og fjörugt uppeldi horfir hann á
skuggalegri hliðar en foreldrarnir og hefur
löngum verið hugfanginn af uppvakningum.
Brooks segist líta á uppvakninga sem raun-
verulega ógn og þess vegna skrifaði hann
The Zombie Survival Guide árið 2003 þar
sem hann tíndi til góð ráð til þess að lifa af í
heimi fullum af zombíum. World War Z gerist
síðar þegar uppvakningaplágan er orðin óvið-
ráðanleg og aðeins 90 dagar eru til stefnu til
þess að kveða ófögnuðinn niður, annars eru
dagar mannkyns taldir.
Aðrir miðlar: Imdb: 7,3, Rotten Tomatoes: 68%,
Metacritic: 63%
Uppvakningar, eða zombíur, eru lífseig hryllingsmyndaskrímsli. Þessi ógeð eru lifandi dauð og
eigra stefnulaust um í leit að holdi til þess að gæða sér á en illu heilli bíður þeirra sem verða fyrir
biti uppvaknings að breytast í heiladauða mannætu og óhætt er að segja að þegar zombíuplágan
fer af stað breiðist hún hratt út. Í World War Z er jörðin undirlögð af zombíum en sjálfur Brad Pitt
reynir að bjarga því sem bjargað verður.
Þórarinn
Þórarinsson
toti@frettatiminn.is
Uppvakningaplágan
heldur áfram
Brad Pitt berst vonlítilli baráttu fyrir framtíð mannkyns gegn öflugri uppvakningaplágu sem er komin úr böndunum með til-
heyrandi skelfingu.
Löggustelpur sýna klærnar
 Frumsýnd The heaT
Sandra Bullock, drottning rómantísku gamanmynd-
anna, hefur látið lítið fyrir sér fara undanfarið og
gufaði hálfpartinn upp eftir að hún hlaut óskarsverð-
laun fyrir leik sinn í The Blind Side 2010. Stjarna hennar
féll álíka hratt og hún reis í kjölfar Speed. Hún þurfti
nauðsynlega á góðri mynd að halda og virðist heldur
betur hafa fundið taktinn á ný við hlið hinnar stór-
fyndnu Melissu McCarthy en í The Heat leika þær ólíkar
lögreglukonur sem neyðast til að snúa bökum saman.
Leikstjórinn Paul Feig, sem sló í gegn með Bridesma-
ids þar sem McCarthy fór einmitt mikinn, leikstýrir The
Heat en myndin hefur gengið svo vel að þegar er farið
að vinna drög að framhaldi.
Bullock leikur ferköntuðu alríkislögreglukonuna
Sarah Ashburn sem þarf að starfa með geðvondri
rannsóknarlögreglu í Boston sem McCarthy leikur.
Þeim er falið að hafa hendur í hári fíkniefnabaróns en
þeirra helsti vandi er að báðar eru þær einfarar sem
kunna illa við að vinna með öðrum þannig að sam-
starfið fer ekki vel af stað.
Aðrir miðlar: Imdb: 7,1, Rotten Tomatoes:
62%, Metacritic: 59%
Sandra Bullock og Melissa McCarthy eru í miklu
stuði í The Heat.
 Bíódómur: The lone ranger
Brokkgeng eyðimerkurferð
Framleiðandinn Jerry Bruckheimer, leikstjórinn Gore
Verbinski og Johnny Depp hafa malað sjálfum sér gull með
fjórum bíómyndum kenndum við Pirates of the Caribbean.
Þeir halda hér samstarfinu áfram en eru komnir á sléttur
Texas í villta vestrinu þar sem hinn sögufrægi lagavörður The
Lone Ranger tekur harkalega á vondum mönnum.
Armie Hammer er frekar litlaus og bragðdaufur í titilhlut-
verkinu og þjáist í skugga Johnny Depp sem er í miklum ham
sem indíáninn Tonto. Hann má samt fara að hugsa sinn gang
þar sem munurinn á sjóræningjanum Jack Sparrow og Tonto
er lítill og Depp leikur Tonto eins og hann sé enn með tremma og sjóriðu eftir Sparrow.
The Lone Ranger hefur auðvitað alla burði til þess að halda uppi góðri hasarmynd en þeir Bruckheimer og
Verbinski eru ekki flinkir sögumenn og festast hér í flóknu handriti í stað þess að einbeita sér að því sem þeir
kunna best; spennu og látum.
The Lone Ranger er þó ekki alslæm og tekur spretti af og til með vel útfærðum hasaratriðum og þokkalegu
gríni. Þessir sprettir eru bara of stuttir og allt of langt á milli þeirra. Þórarinn Þórarinsson
