Fréttatíminn - 31.05.2013, Blaðsíða 10

Hreyfum okkur saman í Kvennahlaupinu 8. júní
Sjóvá Kvennahlaup ÍSÍ er orðinn fastur hluti af lífi þúsunda kvenna.
Hlaupið er haldið á 90 stöðum víðs vegar um land og á 20 stöðum erlendis.
Í ár er hlaupið í samstarfi við styrktarfélagið Göngum saman, sem árlega veitir
myndarlega fjárstyrki til íslenskra grunnrannsókna á brjóstakrabbameini.

Sjá nánar á www.sjova.is
H
V
ÍT
A

H
Ú
S
IÐ
/
S
ÍA
-
1
3
-1
1
5
5
S vo skemmtilega vill til, að helsta fremdarfólk landsins um þessar mundir á rætur í Reykhóla­hreppi og hvergi djúpt eftir að grafa. Þar voru
fyrir forseti Íslands, borgarstjórinn í Reykjavík og bisk­
upinn yfir Íslandi og nú hefur forsætisráðherra bæst
í hópinn, segir Hlynur Þór Magnússon á Reykhóla­
vefnum, frétta­ og fróðleiksvef sem Reykhólahreppur
heldur úti. Reykhólahreppur í núverandi mynd varð til
árið 1987 við sameiningu allra gömlu hreppanna fimm
í Austur­Barðastrandarsýslu, þ.e. Geiradalshrepps,
Reykhólahrepps, Gufudalshrepps, Múlahrepps og
Flateyjarhrepps.
Ólafur Ragnar, Sigmundur Davíð,
Jón Gnarr og Agnes biskup
Hlynur Þór gerir á vefnum grein fyrir rótum Ólafs
Ragnars Grímssonar forseta, Jóns Gnarr borgarstjóra,
Agnesar Sigurðardóttur biskups og Sigmundar Davíðs
Gunnlaugssonar forsætisráðherra í Reykhólahreppi.
„Afi Ólafs Ragnars Grímssonar forseta, Ólafur Ragnar
Hjartarson, sem tók upp ættarnafnið Hjartar, fæddist á
Kambi í Reykhólasveit þar sem foreldrar hans bjuggu
um tíma áður en þau fluttust til Þingeyrar. Faðir Ólafs
Ragnars Hjartar og langafi forsetans,
Hjörtur Bjarnason, var frá Hamar­
landi í Reykhólasveit.
Faðir Jóns Gnarr borgarstjóra
var Kristinn Óskarsson frá Eyri í
Kollafirði í Gufudalssveit. Kristinn
var lögreglumaður syðra en kom
löngum vestur í sumarfríum
og vann við hótelið í
Bjarkalundi í Reykhóla­
sveit. Amma og afi Jóns
Gnarr og foreldrar Krist­
ins voru hjónin Guðrún
Guðmundsdóttir og Óskar
Arinbjörnsson, búendur á
Eyri. Til þess er tekið í hér­
aðinu hversu sterkan svip
Jón Gnarr beri úr þessari
ætt. Óskar afi hans var
mikill talsmaður framfara
í landbúnaði og var í forystusveit Búnaðarfélags Gufu­
dalshrepps. Hann var um tíma farkennari í Gufudals­
sveit. Óskar drukknaði í Breiðafirði sumarið 1954.
Faðir Agnesar M. Sigurðardóttur biskups var
Sigurður Kristjánsson frá Skerðingsstöðum í Reyk­
hólasveit, sem lengi var prestur og prófastur á Ísafirði.
Bræður hans tveir bjuggu á Skerðingsstöðum alla sína
búskapartíð, þeir Halldór (d. 2004) og Finnur (d. 2012).
Amma og afi Agnesar biskups í föðurættina voru
hjónin Agnes Jónsdóttir og Kristján Jónsson, búendur
á Skerðingsstöðum.
Ekki nóg með að afi Ólafs Ragnars Grímssonar hafi
verið fæddur á Kambi í Reykhólasveit. Þar fæddist líka
og ólst upp afi Sigmundar Davíðs Gunnlaugssonar,
hins nýja forsætisráðherra. Afinn hét líka Sigmundur
og var Jónsson, faðir Gunnlaugs M. Sigmundssonar
fyrrv. þingmanns Vestfirðinga, föður Sigmundar
Davíðs. Á Kambi bjuggu frá 1906 til 1946 foreldrar
Sigmundar eldra, hjónin Jón Hjaltalín Brandsson og
Sesselja Stefánsdóttir.“
Fyrsti forsetinn líka
Hlynur Þór lætur þess enn fremur getið að Sveinn
Björnsson, fyrsti forseti Íslands, hafi átt rætur að rekja
í Reykhólahrepp. „Björn Jónsson faðir hans var bónda­
sonur frá Djúpadal í Gufudalssveit og
var mjög lengi öflugasti og áhrifa­
mesti blaðamaður landsins. Hann
stofnaði blaðið Ísafold og var útgef­
andi þess og ritstjóri í meira en
þriðjung aldar og skrifaði það að
mestu leyti sjálfur. Undir ævilokin
varð Björn annar Íslandsráðherr­
ann, næstur á eftir Hannesi
Hafstein.“
Jónas Haraldsson
jonas@frettatiminn.is
 YfirStjórn AuStur-BArðStrendingAr StýrA lAndi og kirkju
Ráðamenn úr Reykhólahreppi
Sigmundur Davíð
Gunnlaugsson
forsætisráðherra
og Ólafur Ragnar
Grímsson,
forseti Íslands.
Jón Gnarr borgarstjóri
og Agnes M. Sigurðar-
dóttir, biskup Íslands.
Forseti Íslands,
forsætisráð­
herra, borgar­
stjóri og biskup
Íslands rekja
öll ættir sínar
í breiðfirskt
sveitarfélag.
Sími 412 2500 - sala@murbudin.is - www.murbudin.is
Kletthálsi Reykjavík
Reykjanesbæ
Akureyri
Vestmannaeyjum
Blómapottar
Clermatis plastpottur ø25 cm
H20 cm Brúnn/Svartur
295,-
Diskur 145,-
MIKIÐ ÚRVAL AF
RISAPOTTUM
CUBO Leirpottur
30x30 cm
1.690,-
Leirpottur ø35cm
H33 cm
890,-
LISO leirpottur ø30cm
H30 cm
1.250,-
heitir pottar
Auðbrekku 6 · Kópavogi · Sími 565 8899 · www.normx.is
Við hjá NormX höfum framleitt heita potta í yfir 30 ár fyrir
íslenskar aðstæður. Við bjóðum fjölda gerða og lita ásamt öllu
því sem tilheyrir til að koma sér upp glæsilegum heitum potti
á verði sem kemur skemmtilega á óvart.
GERÐU VERÐ-SAMANBURÐ
10 fréttir Helgin 31. maí­2. júní 2012