Fréttatíminn - 31.05.2013, Blaðsíða 34

Holtagörðum | Sími 553 1800 | Opið virka daga 11-18 og laugardaga 11-15
Ný seNdiNg af
Viðarperlum
Lengjur 395 kr. - 695 kr.
sTÆrsTi perluBar laNdsiNs
stærsta föndurverslun landsins
Þ etta er klikkaður hópur, algjör draumahópur að hanga með,“ segir Örn Elías Guðmundsson, Mugison, um Áhöfnina á Húna sem ferðast mun
um landið í sumar og halda tónleika á sextán stöðum.
Hópur tónlistarmanna mun sigla í kringum landið í
júlí á Húna II, 50 ára gömlum eikarbát. Auk Mugison
skipa Áhöfnina á Húna þau Jónas Sigurðsson, Lára
Rúnarsdóttir, Ómar Guðjónsson, Arnar Þór
Gíslason og Guðni Finnsson. Hljómsveitin
kemur í fyrsta sinn fram í söfnunarþætti fyrir
Slysavarnafélagið Landsbjörg á RÚV í kvöld,
föstudagskvöld. Tónleikaferðin sjálf hefst svo
3. júlí á Húsavík.
Þarf orkubolta í að framkvæma þetta
Mugison segir að hugmyndin að tónleika-
ferðalaginu hafi kviknað í vetur og síðan
hafi verið unnið að þessu í samstarfi við Jón
Þór Þorleifsson, sem getið hefur sér gott orð
sem rokkstjóri Aldrei fór ég suður. „Það hafa
ábyggilega allar hljómsveitir á Íslandi fengið
þessa hugmynd einhvern tímann. Það þarf
bara einhvern orkubolta eins og Jón Þór til
að framkvæma þetta. Annars væri þetta bara
lélegur brandari sem væri enn í hljómsveitar-
rútunni.“
Strax var ákveðið að ferðin yrði ekki í
gróðaskyni heldur var Slysavarnafélaginu
Landsbjörg boðið að selja inn á tónleikana og
safna peningum í starfsemi sína. Síðar bættist
RÚV í hópinn og verður ferðinni gerð skil í
sjónvarpi og útvarpi í sumar.
Mætir með samvaxnar augabrúnir
Mugison kveðst vera sérstaklega ánægður
með samstarfið við Landsbjörgu. „Það er frá-
bært að styrkja þetta fólk sem er að ná í okkur
þegar við festumst uppi á heiði. Mér finnst
ekkert flottara en fólk sem nennir að fórna
sér fyrir aðra. Ég er sjálfur ekki í björgunar-
sveitinni fyrir vestan því ég veit að ég væri
bara fyrir. Ég myndi sjálfsagt stuðla að því að
fólk myndi drepast. En mér finnst ótrúlegt að
menn nenni að hoppa af stað upp á heiði til að
bjarga fólki, það er ekkert smá verk sem þessi
samtök vinna.“
Mugison segist sjá fyrir sér að koma Áhafn-
arinnar á Húna í bæi landsins blási íbúum
bæjanna byr í brjóst og stemningin verði eins
og á gömlu, góðu götuhátíðunum úti á landi.
„Þegar allir komu með eitthvað á grillið og
skemmtu sér saman. Við verðum svo kannski
sirkusinn sem siglir í bæinn. Ég verð með
samvaxnar augabrúnir svo þetta verður smá fríksjóv.“
Taka fjölskyldurnar með
Hljómsveitin mun troða upp á bátnum sjálfum. Mug-
ison segir að nú sé verið að smíða 40 fermetra svið fyrir
aftan stýrishúsið þar sem trommusettið og hljóðkerfið
verður neglt niður. Svo verður einfaldlega breitt segl
yfir þegar skipið er á siglingu.
Hvað fá tónleikagestir að heyra frá ykkur?
„Við fjögur erum með góða hittara okkar á milli. Ég
Áhöfnin á Húna rokkar um landið
Sex þekktir tónlistarmenn hafa tekið höndum saman og
ætla að sigla kringum landið í sumar og halda tónleika á
sextán stöðum. Öll miðasala rennur til Slysavarnafélagsins
Landsbjargar. Mugison mætir með samvaxnar augabrúnir
til að fullkomna sirkusstemninguna.
Áhöfnin á Húna. Frá vinstri eru Guðni Finnsson, Jónas Sigurðsson, Lára Rúnars-
dóttir, Mugison, Ómar Guðjónsson og Arnar Þór Gíslason.
veit ekki hvort við förum eitt-
hvað út í að semja lög sjálf. Við
vorum í æfingabúðum fyrir tíu
dögum, á Hlöðum í Hvalfirði hjá
Gauja litla. Það var frábært. Við
tókum rennsli í fimm tíma og
skelltum okkur svo í pottinn í
tvo tíma, svo aftur rennsli, þá var
matur og svo aftur pottur. Þetta
var geðveikt.“
Og Mugison hlakkar til farar-
innar sem hann ætlar að njóta
í botn. „Fjölskyldurnar okkar
verða með mestallan tímann og
við gerum eitthvað skemmti-
legt. Yngsti sonur minn er sex
ára veiðisjúklingur. Við erum
búnir að búa til krabbagildrur úr
gamalli skúffu sem við ætlum að
prófa. Það verður gaman að hafa
átt þetta ævintýri.“
Höskuldur Daði Magnússon
hdm@frettatiminn.is
Tónleikaferðin
3. júlí
Húsavík
4. júlí
Borgarfjörður eystri
5. júlí
Reyðarfjörður
6. júlí
Höfn í Hornafirði
7. júlí
Vestmannaeyjar
9. júlí
Þorlákshöfn
10. júlí
Keflavík
11. júlí
Reykjavík
12. júlí
Stykkishólmur
13. júlí
Flatey
14. júlí
Patreksfjörður
15. júlí
Ísafjörður
17. júlí
Hólmavík
18. júlí
Sauðárkrókur
19. júlí
Siglufjörður
20. júlí
Akureyri
Ég verð með
samvaxnar
augabrúnir svo
þetta verður
smá fríksjóv.
34 viðtal Helgin 31. maí-2. júní 2012