Fréttatíminn - 31.05.2013, Blaðsíða 68

Víðir Þorvarðar-
son er tvítugur
Eyjapeyi sem
vakið hefur
athygli fyrir
frammistöðu sína
með ÍBV í Pepsi-
deildinni. Bæði
fyrir lipra tilburði
upp við mark
andstæðinganna
en ekki síður
fyrir skrautleg
hárbönd. Víðir
fór í lögfræði
eftir að hafa
hrifist af Suits
og er snillingur
í að steikja fisk-
búðing.
Hárbúnaður
Þegar maður er kominn með svona sítt
hár er það farið að flækjast fyrir.
Ég sá orðið ekkert þegar ég hljóp
og það var farið að há mér. Ég
prófaði að setja hárið í tagl og að
vera með þunn bönd en ég fékk
alltaf höfuðverk af þeim. Svo
benti mamma mér á að hún
ætti það til að klippa ermar
af stuttermabolunum sínum
og nota sem hárband. Ég
prófaði ermi hjá henni og það
svínvirkaði. Það hefur skapast
mikil umræða um þetta og
það virðast allir hafa skoðun
á þessu. Ég veit vel að þetta
er ekki það fallegasta í brans-
anum, ég nota þetta bara upp á
þægindin.
Staðalbúnaður
Ég hugsa um útlitið, sérstaklega þegar
ég fer út að hitta fólk. Þá hugsa ég
þetta allt niður í sokkaparið. En þegar
ég er í vinnunni og heima þá vil ég
bara vera í þægilegum fötum. Ég er það
heppinn að eiga systur sem býr erlendis
þannig að ég nýti heimsóknir til hennar í
verslunarleiðangra. Ég er engin merkja-
týpa, ég kaupi bara það sem mér finnst
töff og það endurspeglar ekki alltaf það
sem er heitast. Meðal verslana sem ég
fer í eru River Island og H&M. Ég er hins
vegar með smá Sölva Tryggva „syndróm“
því ef ég finn flotta skó þá á ég það til að
kaupa þá bara. Ég þarf kannski aðeins að
passa mig á því.
Hugbúnaður
Ég æfi á hverjum degi og kíki í sund og
pottana eftir æfingar. Ég er hrifinn af ís-
lensku efni, bæði í sjónvarpi og tónlist,
og er alltaf að bíða eftir annarri seríu af
Venna Páer og Ríkinu. Annars horfi ég
á Community og Modern Family. Og
Suits. Ég fór í lögfræði eftir að hafa horft
á þá en hún var ekki alveg jafn spenn-
andi þannig að ég hætti eftir tvo mánuði.
Svo á ég svona „guilty pleasure“ sem eru
Idol og X-Factor en það er ekki mjög töff.
Maður fer ekki mikið út að skemmta
sér yfir sumartímann en reynir þó að
grípa gæsina þegar hún gefst. Í Eyjum er
Volcano Café staðurinn en í Reykjavík fer
ég á Austur, Prikið eða bara hvert sem
vinahópurinn fer.
Vélbúnaður
Ég er með iPhone sem ég nota mikið.
Ég fer á Facebook og Instagram en ég er
hvorki kominn með Twitter né Snapchat,
maður þarf kannski að fara að skoða
það. Ég hlusta á X-ið í gegnum Útvappið,
Audda Blö og þá og Apparatið þar sem
eru gömul og ný íslensk lög. Svo spila ég
auðvitað FIFA með vinunum, gera það
ekki allir fótboltamenn?
Aukabúnaður
Ég bjó einn um tíma í bænum þannig ég
þurfti að læra að bjarga mér í eldhúsinu.
Til dæmis er ég einn sá besti á landinu í
að steikja fiskbúðing, sjálfkjörinn meist-
ari. En ég var líka duglegur að styrkja
matsölustaði eins og Nings, Saffran og Al
Amir. Núna borða ég yfirleitt hjá mömmu,
hún er flottasti kokkurinn í Eyjum. Ef
ég vil gera vel við mig fer ég til Gísla
Matthíasar vinar míns á Slippnum. Ég á
snyrtitösku eins og flestir strákar en ætli
það sé ekki meira af hárvörum í minni
en hjá öðrum. Maður reynir að hugsa vel
um hárið. Áhugamálin snúast mikið um
íþróttir, ég horfi á handbolta, fótbolta og í
raun hvaða íþróttir sem er í sjónvarpinu.
Ég á Hyundai Getz, 2005 eða 6 módel
sem er rosalega fínn. En ég er nú að pæla
í að selja hann því maður þarf ekki bíl í
Vestmannaeyjum.
Víðir hugsar um útlitið, frá toppi og niður í sokkaparið. Hann vinnur við
slökkvitækja- og gúmmíþjónustuna í Eyjum. „Ég segi við stelpurnar að
ég sé að bjarga mannslífum,“ segir hann og hlær. Ljósmynd/Hari
 Í takt við tÍmann vÍðir Þorvarðarson
Notar ermi af stuttermabol mömmu sinnar sem hárband
 appafengur
Snapseed
Þegar kemur að því að velja app til að
vinna myndir eru möguleikarnir nán-
ast óþrjótandi. Til að leiðbeina byrj-
endum um þennan frumskóg þá er
appafengur vikunnar myndaforritið
Snapseed. Eftir smá meðferð í appinu
verður hver ljósmynd eins og sann-
kallað listaverk. Sumir hafa líkt Snap-
seed við þróaðri útgáfu af Instagram.
Auðvelt er að deila myndum úr Snap-
seed og fljótlegt að setja á myndirnar
hvers konar „filter“. Möguleikarnir
eru hins vegar mun meiri en í Instag-
ram og hægt er að nostra töluvert við
myndirnar með lítilli fyrirhöfn. Það
yrði of langt mál að fara yfir allt sem
hægt er að gera við myndirnar. Lykill-
inn að því að læra á Snapseed er að
fikta og prófa sig áfram. Til viðbótar
við að nota appið í símanum er tilvalið
að nota það í spjaldtölvum. Eftir yfir-
ferð í Snapseed trúir því enginn að þú
hafir tekið myndirnar þínar en ekki
atvinnuljósmyndari.
Erla Hlynsdóttir
erla@frettatiminn.is
68 dægurmál Helgin 31. maí-2. júní 2012