Fréttatíminn - 26.07.2013, Blaðsíða 2

Ómissandi á pizzuna,
í ofn- og pastaréttina,
á tortillurnar og salatið.
Heimilis
RIFINN OSTUR
ÍSLENSKUR OSTUR
100%
Við erum alla jafna með tvo
til þrjá sigmenn og það verð-
ur nú að segjast eins og er að
þeir eru allir sérstakar mann-
gerðir og mjög rólegir.
 GluGGaþvottur KönGulóarmenn utan á Glerhýsum
Rólyndismenn
með stáltaugar
Síðustu daga hafa vegfarendur í Borgartúni veitt manni athygli sem hangir utan á glerturninum
sem stendur við götuna. Maðurinn sinnir því sem kalla má eilífðarverk, að þrífa seltu og önnur
óhreinindi af gluggum turnsins. Hann er að prófa sig áfram með þá aðferð að hanga í vír við iðju
sína en þessi aðferð mun vera um margt þægilegri en að þrífa glugga í körfu.
G luggaþvottamaðurinn sem hangið hefur utan á glerturninum í Borgar-túni undanfarið hefur vakið mikla at-
hygli vegfarenda og ófáir hafa smellt af honum
mynd og sett á Facebook-síður sínar, oftar en
ekki undir þeim formerkjum að þeir hafi rekist
á Köngulóarmanninn í Borgartúninu.
Bjarki Þorsteinsson er einn eigenda AÞ-
Þrifa sem sinnir gluggahreinsun í Borgartúni
og víðar. Hann segir það vissulega ekki fyrir
hvern sem er að stunda gluggaþvott í háloftun-
um og til starfans veljist ákveðnar manngerðir.
„Við erum alla jafna með tvo til þrjá sigmenn
og það verður nú að segjast eins og er að
þeir eru allir sérstakar manngerðir og mjög
rólegir,“ segir Bjarki í léttum tón. „Þetta eru
pollrólegir gæjar, bæði þeir íslensku og pólsku
sem eru í þessu hjá okkur.“ Gluggaþvotta-
mennirnir eru hæglátir ofurhugar sem láta sér
fátt fyrir brjósti brenna og munar lítið um að
dingla sér með sköfurnar í háloftunum.
Bjarki hefur sjálfur þrifið glugga úr körfu
en hefur ekki prófað að þrífa gler í vírnum
en segir þessa aðferð reynast vel. „Þetta er
ákveðin leið sem við erum að prófa en við
losnum með þessu við alls konar vesen sem
fylgir körfunum.“
En er ekki eilífðarverkefni að halda gler-
hýsunum hreinum, að maður tali ekki um í
Borgartúninu þar sem vindurinn stendur á
turninn frá hafinu? „Það mætti alveg segja að
það þyrfti að byrja aftur á fyrsta glugganum
um leið og sá síðasti er kláraður. Vinnan við
turninn í Borgartúni tekur tvær til þrjár vikur
eftir því hversu margir koma að þessu.“
Bjarki segir meira en nóg að gera í glugga-
þvottinum enda góður slatti ef gleri sem teygir
sig til himins á höfuðborgarsvæðinu. „Það
eru auðvitað turnarnir í Kópavogi og Borgar-
túni, Grand Hótel og svo Harpa en sú hlið
hennar sem snýr út að sjó tekur á sig mikla
seltu og hana er ekki hægt að þrífa öðruvísi en
hangandi í vírnum. Það er ekki nokkur leið að
komast að henni með öðru móti.“
Þórarinn Þórarinsson
toti@frettatiminn.is
Köngulóarmaðurinn í Borgartúni að störfum. Hann er rólyndismaður
sem kippir sér ekki upp við margt og eins og gefur að skilja er hann
alveg laus við lofthræðslu. Mynd Hari
Góðgerðaruppboðið
stendur til sunnudags
Uppboð á vélhjóli sem hófst síðastliðinn
föstudag til styrktar Sunnu Valdísi Sig-
urðardóttur og AHC-samtökunum stendur
til næstkomandi sunnudags, 28. júlí. Sunna
Valdis er sjö ára gömul og er eini AHC-
sjúklingurinn á Íslandi en sjúkdómurinn
er sjaldgæfur taugasjúkdómur. Fólk sem
þjáist af AHC fær köst sem einkennast
af lömun í annarri eða báðum hliðum
líkamans. Fylgifiskar sjúkdómsins eru
krampaköst, augntif, mikil þroskaskerðing,
athyglisbrestur og fleira.
Það er www.bilauppbod.is sem heldur
utan um uppboðið. Allt andvirði þess
rennur í rannsóknarsjóð AHC-samtakanna.
Vélhjólið er af gerðinni Victory VC92 Sport
Cruiser 1500cc, árgerð 2001 og ekið 1500
mílur. Það var flutt inn árið 2006. Í gær var
hæsta boð 677.000 krónur sem er undir
lágmarksuppboði – svo betur má ef duga
skal. - jh
Atvinnuleysi 6,4
prósent í júní
Samkvæmt Vinnumarkaðsrannsókn Hag-
stofu Íslands voru í júní 2013 að jafnaði
191.000 manns á vinnumarkaði. Af þeim
voru 178.700 starfandi og 12.300 án vinnu
og í atvinnuleit. Atvinnuþátttaka mældist
84,3%, hlutfall starfandi 78,9% og atvinnu-
leysi var 6,4%. Atvinnuleysi hefur aukist
um 1,2 prósentustig frá því í júní 2012 en þá
var atvinnuleysi 5,3%. Atvinnuleysi í júní
2013 var 6,7% á meðal karla miðað við 5%
í júní 2012 og meðal kvenna var það 6,1%
miðað við 5,6% í júní 2012. -jh
170 hlutafélög nýskráð
Nýskráð einkahlutafélög í júní voru
170, til samanburðar við 185 í júní 2012.
Nýskráningar voru flestar í heild- og smá-
söluverslun, viðgerðir á ökutækjum. Fyrstu
6 mánuði ársins var fjöldi nýskráninga
1.023, en það er 11% aukning frá sama
tíma í fyrra þegar 922 fyrirtæki voru skráð,
að því er fram kemur hjá Hagstofu Íslands.
Þá voru 70 fyrirtæki tekin til gjald-
þrotaskipta í júní, flest í heild- og smá-
söluverslun. -jh
Fjölgun slysa vegna vinstri beygju
Yfir sumarið fjölgar jafnan slysum þar
sem ökumaður hyggst beygja til vinstri
út af aðalvegi í dreifbýli eða aðalgötu í
þéttbýli og á sama tíma ætlar sá sem á
eftir kemur að taka fram úr. Oft verða
harðir árekstrar við þessar aðstæður,
að því er fram kemur á vef Vátrygg-
ingafélags Íslands. Með öllu er óheimilt
að aka fram úr á gatnamótum en ekki liggur alltaf ljóst fyrir hvort um gatnamót sé
að ræða við heimkeyrslur að sveitabæjum, útsýnisstöllum og slíkum stöðum. Á vis.
is kemur jafnframt fram að fjöldi slíkra mála hafi farið fyrir Tjónanefnd vátrygginga-
félaganna og sum áfram til Úrskurðarnefndar í vátryggingamálum sem dregið hefur
skýra línu í málum sem þessum og skiptist sökin þannig að 2/3 hlutar hennar eru lagðir
á þann sem beygir til vinstri þegar miðlína er fullbrotin en þegar miðlína er hálfbrotin
snýst það við og 2/3 hlutar sakar eru lagðir á þann sem ekur fram úr. Sé línan heil ber
sá sem fram úr ekur alla sökina.
Vélhjólið sem stendur til boða á www.
bilauppbod.is – til styrktar Sunnu Val-
dísi Sigurðardóttur.
 sKattar álaGninGarsKrá ríKissKattstjóra löGð fram
Magnús Kristinsson skattakóngur ársins
Magnús Kristinsson, útgerðarmaður í Vestmanna-
eyjum, er skattakóngur Íslands í ár. Magnús
greiddi mest allra í tekju- og auðlegðarskatt sam-
kvæmt Ríkisskattstjóra, 189,6 milljónir króna.
Magnús seldi útgerðarfyrirtækið Berg-Hugin á
síðasta ári.
Útgerðarmenn tylla sér í þrjú efstu sæti listans
yfir þá sem hæst greiddu. Kristján Vilhelmsson
hjá Samherja er í öðru sæti með 152,3 milljónir
króna og Guðbjörg Matthíasdóttir hjá Ísfélagi Vest-
mannaeyja í því þriðja með 135,6 milljónir króna.
Í fjórða sæti listans er Guðbjörg Edda Eggerts-
dóttir, forstjóri Actavis á Íslandi, sem greiddi 115,4
milljónir króna í skatt. Sigurður Örn Eiríksson í
Garðabæ greiddi 109,6 milljónir króna, Sveinlaug-
ur Kristjánsson greiddi 102,8 milljónir og Össur
Kristinsson, stofnandi Össurar hf, 100, 6 milljónir.
Þorsteinn Már Baldvinsson útgerðarmaður í
Samherja greiddi 85,5 milljónir króna, Helgi Vil-
hjálmsson í Góu greiddi 61,7 milljónir, Skúli Mo-
gensen athafnamaður 60,1 milljón og Ingunn Gyða
Wernersdóttir 60 milljónir króna.
Tekjuskrár liggja nú frammi og fjölmiðlar og
aðrir forvitnir eru farnir að rýna betur í þær. Í gær
greindi Viðskiptablaðið frá því að Sigmundur Davíð
Gunnlaugsson forsætisráðherra og Anna Sigur-
laug Pálsdóttir, eiginkona hans, eiga rúmlega 1,1
milljarð króna umfram skuldir, samkvæmt greiðslu
auðlegðarskatts fyrir árið 2012. Þau greiða rúmar
19 milljónir króna í auðlegðarskatt fyrir árið 2012.
Magnús Kristinsson
og Skúli Mogensen
eru í hópi hæstu
skattgreiðenda
landsins. Magnús er
skattakóngur í ár.
2 fréttir Helgin 26.-28. júlí 2013