Fréttatíminn - 26.07.2013, Blaðsíða 6

 Tækifæri Á bóluTímanum hefði íslenskur jöfur kannski slegið Til
Dönsk höll til sölu
Rúma tvo milljarða þarf að reiða fram vilji menn 2500 fermetra höll með 37 þúsund fermetra hallargarði.
Á bólutímanum alræmda hefði meintur íslenskur við-
skiptajöfur jafnvel slegið til og splæst í slotið en ólíklegt
er að slíkur finnist nú, en slot er svo sannarlega til
sölu, eða höll öllu heldur í Danaveldi, Gurrehus við
Helsingjaeyri á norðurhluta Sjálands. Höllin er 2500
fermetrar að stærð og talsverðan tíma tekur að slá og
sinna hallargarðinum því hann er 37 þúsund fermetrar
að stærð, eða 3,7 hektarar. Herlegheitin kosta 100 millj-
ónir danskra króna eða sem svarar um 2,1 milljarði ís-
lenskra króna. Frá þessu greinir Jótlandspósturinn og
vitnar í frétt í staðarblaðinu Fredriksborg Amts Avis.
Til samanburðar má geta þess að athafnamaðurinn
Björgólfur Thor Björgólfsson keypti Fríkirkjuveg 11 í
Reykjavík árið 2008 og greiddi fyrir það fína slot, sem
þykir vera með glæsilegri timburhúsum í Reykjavík,
650 milljónir króna. Húsið reisti langafi hans, athafna-
maðurinn Thor Jensen, á árunum 1907-1908. Rétt er þó
að taka það fram, svo öllu sé til skila haldið, að skráður
eigandi reykvísku hallarinnar er Novator. Garðurinn
umhverfis Fríkirkjuveg 11 er einmitt kallaður Hallar-
garðurinn, fyrsti sérhannaði almenningsgarðurinn í
höfuðborginni, þótt ekki sé hann eins stór og garðurinn
sem fylgir höllinni dönsku.
Gurrehus var byggt í kringum 1880 en höll hafði
verið á þessum stað frá því á 16. öld. Konunglegur
andi hefur svifið yfir vötnum og fram undir 1950 nýtti
Georg Grikkjaprins Gurrehus sem sumardvalarstað
sinn. Í seinni tíð hafa þekktir Danir átt höllina um hríð,
meðal annarra fasteignabraskarinn Steen Gude og Erik
Damgard sem þekktur er úr upplýsingatæknigeiranum.
Í fyrra eignaðist athafnamaðurinn Anders Vestergaard-
Jensen Gurrehus en þá hafði höllin staðið auð í áratug.
Hann hefur nú auglýst eignina til sölu en fram kemur
að stöðugt sé unnið að endurbótum á slotinu, meðal
annars undir eftirliti danska arkitektsins Lars Gitz.
Jónas
Haraldsson
jonas@
frettatiminn.is
Það er nóg pláss fyrir þá sem flytja vilja
í höllina – en þá verða þeir að punga út
rúmum tveimur milljörðum króna.
Skuldastaða ríkisins
er mjög alvarleg
n ýbirtur ríkisreikningur sýnir svo ekki verður um villst að markmið um árangur í ríkisfjármálum hafa
ekki náðst að fullu, segir Hagfræðideild
Landsbankans, en Fjársýsla ríkisins birti
reikninginn á dögunum en þar kemur
fram lokaniðurstaða fyrir rekstur og efna-
hag ríkisins á síðasta ári. Niðurstaðan
staðfestir, segir hagfræðideildin, það sem
margoft hefur komið fram að markmið
um að ná tökum á rekstrinum hafa ekki
náðst. Langur vegur er frá fjárlögum til
lokaniðurstöðu.
„Endanleg niðurstaða reksturs ríkisins
á árinu 2012,“ segir deildin, „var þannig
tvöfalt verri en lagt var upp með í fjárlaga-
frumvarpi. Fjárlagafrumvarp var upp-
haflega lagt fram með 18 milljarða halla
en endanleg niðurstaða varð 36 milljarða
halli. Skuldastaða ríkisins er mjög alvar-
leg og mun verri en gerist í flestum nálæg-
um ríkjum. Á árinu 2012 fóru tæplega 15%
tekna ríkisins í vaxtagreiðslur. Sú upphæð
nemur tvöföldum rekstri Landspítalans í
ár. Það er því mjög mikilvægt að ná tökum
á rekstri ríkisins, skapa afgang og hefja
niðurgreiðslu skulda.“
Fjárlagafrumvarp fyrir árið 2014 verður
lagt fram við upphaf þings í haust, en
nokkuð ljóst er, segir hagfræðideildin,
að erfitt verður að ná þeim markmiðum
sem sett voru um afgang í rekstri ríkisins
á árinu 2014. „Skuldastaða ríkissjóðs var
orðin vel ásættanleg fyrir hrun, en í kjöl-
far hrunsins jukust skuldir ríkisins mikið.
Sé litið á heildarskuldir ríkisins eins og
þær birtast í efnahagsreikningi hafa þær
farið stöðugt vaxandi og voru um síðustu
áramót um 1.950 milljarðar króna, þar af
voru lífeyrisskuldbindingar um 390 millj-
arðar króna. Sé miðað við hlutfall heildar-
skulda af vergri landsframleiðslu fór það
hlutfall yfir 117% á árinu 2011, en lækkaði
niður í 114% á árinu 2012. Þetta hlutfall er
mjög hátt í sögulegu samhengi, en einnig
í samanburði við þær þjóðir sem við viljum
bera okkur saman við,“ en fram kemur að
opinberar skuldir hinna Norðurlandanna
eru almennt vel undir 50% af landsfram-
leiðslu.
Þá nefnir deildin mikla vaxtabyrði
vegna skulda: „Þrátt fyrir að fjármögn-
unarkjör á markaði séu með allra hag-
stæðasta móti þessi árin er greiðslubyrði
vegna vaxta verulega íþyngjandi fyrir
ríkissjóð. Vaxtabyrði nam undir 5% af
tekjum ríkissjóðs á árunum fyrir hrun, en
er nú í kringum 14%. Vaxtagjöld á árinu
2012 voru um 75 milljarðar króna og höfðu
aukist um rúma 10 milljarða frá árinu
áður. Í fjárlögum ársins 2013 er gert ráð
fyrir vaxtagjöldum upp á u.þ.b. 85 millj-
arða króna.“
Jónas Haraldsson
jonas@frettatiminn.is
Skuldastaða ríkissjóðs er alvarleg. Bjarni Benediktsson efnahags- og fjármálaráðherra stendur því frammi fyrir erfiðu verk-
efni en mikilvægt er, eins og hagfræðideild Landsbankans segir, að ná tökum á rekstri ríkisins, skapa afgang og hefja niður-
greiðslu skulda. Mynd/Hari
 ríkisreikningur Tök Á ríkisfjÁrmÁlum hafa ekki nÁðsT
Hagfræðideild
Landsbankans
segir mjög
mikilvægt að ná
tökum á rekstri
ríkisins, skapa
afgang og hefja
niðurgreiðslu
skulda.LÍFRÆN
HOLLUSTA
Verið velkomin í eina glæsilegustu gleraugnaverslun landsins
Ný verslun í göngugötu
Frábærar daglinsur á sama
góða verðinu
2.800 kr.
pakkinn
FRÓÐASTI FERÐAFÉLAGINN
Í Vegahandbókina er komin
ítarleg 24 síðna kortabók,
með yrlitskortum,
1:500 000, sem gefa skýra
yrsýn yr landsvæði
Íslands og auðvelda notkun
bókarinnar.
Vegahandbókin Sundaborg 9 sími 562 2600 www.vegahandbokin.is
Allt í einni bók
Fullt verð 4.990 kr.
1.000 kr. afsláttur ef þú kemur með
gömlu bókina
( einungis hægt að skipta í
bókabúðum,
ekki bensínstöðvum )
6 fréttir Helgin 26.-28. júlí 2013