Fréttatíminn - 26.07.2013, Page 52

 Í takt við tÍmann Bjartey SveinSdóttir
Bjó til loftljós úr kaffipokum
Bjartey Sveinsdóttir er 23 ára Hafnfirðingur sem vakið hefur eftirtekt með hljómsveitinni
Ylju. Bjartey vinnur á leikskólanum Vesturborg og kaupir föt í Kolaportinu. Hún var að flytja í
nýja íbúð með kærastanum, Gígju vinkonu sinni úr Ylju og umboðsmanni hljómsveitarinnar.
Staðalbúnaður
Yfirleitt geng ég í þægilegum fötum,
síðum pilsum eða kjólum og kannski
kögurpeysu. Ég er mjög sjaldan í níð-
þröngum fötum en það gerist þó stund-
um. Mér finnst alltaf rosa gaman að fara í
Kolaportið og ég finn mér eiginlega alltaf
föt þar. Svo versla ég í Spútnik og kíki
stundum í Zöru og Topshop. Ég kaupi
samt yfirleitt ódýr föt, ég er ekkert í
þessu merkjadóti.
Hugbúnaður
Þegar ég fer út að skemmta mér fer ég
yfirleitt bara á Dollý. Jú, það er gaman
að fá sér kannski einn bjór á Laundro
og rölta aðeins um en við endum alltaf á
Dollý, án þess að vera búin að ákveða það.
Þegar ég er ekki að vinna eða að spila
með Ylju þá er ég oft bara heima og hef
það kósý. Ég kveiki á kertum og finnst
gaman að búa til hina og þessa hluti,
föndra, teikna og mála. Í fyrradag kláraði
ég til dæmis loftljós úr kaffipokum. Það
er voða fínt og hangir núna í loftinu hjá
mér. Ég hef alltaf verið rosa heimakær
og finnst gaman að dunda mér. Ég horfi
voða lítið á sjónvarp en horfi stundum á
þætti sem vinkonur mínar hafa „dánlód-
að“. New Girl eru rosa skemmtilegir og
Modern Family eru í uppáhaldi hjá mér.
Svo hlusta ég auðvitað mikið á tónlist,
mestmegnis rólega folk-tónlist. Ég hlusta
á Ben Howard, Selahsu, Vincent McMor-
row og Eivör er í miklu uppáhaldi. Ég hef
farið á marga tónleika með henni og fæ
alltaf gæsahúð þegar hún spilar.
Vélbúnaður
Ég á Macbook Pro tölvu og iPhone 4s.
Ég nota Facebook appið og Snapchat og
svo finnst mér gaman að breyta myndum
í Snapseed. Um daginn fékk ég mér
Instagram og er búin að pósta tveimur
myndum. Ég ætla mér að vera dugleg
að setja inn myndir því mér finnst rosa
gaman að sjá hvað aðrir eru að gera.
Aukabúnaður
Eftir að ég flutti hef ég verið mjög dugleg
að fara út að borða. Ég ætla mér að verða
duglegri að elda þegar allt er komið í
röð og reglu í nýju íbúðinni. Ég hef farið
svolítið á Beyglubarinn í Austurstræti og
mæli með honum. Svo er alltaf voða gott
að borða á Vegamótum. Ég á ekki bíl og
fer flestra minna ferða labbandi eða hjól-
andi. Mér finnst mjög gaman að ferðast,
bæði hér heima og til útlanda. Uppáhalds
staðurinn minn er Rauðasandur á Vest-
fjörðum. Hann er algjör náttúruperla.
Ég og kærastinn erum að spá í að fara í
heimsreisu eftir kannski tvö ár en næst
á dagskrá er helgarferð til Brighton í
nóvember. Ég fer með mömmu og systur
minni og þetta verður verslunarferð.
Bjartey og félagar í hljómsveitinni Ylju njóta sífellt meiri
vinsælda. Þegar hún er ekki að spila með sveitinni finnst henni
notalegt að kveikja á kertum heima hjá sér og föndra. Ljósmynd/Hari
Toppur 6990
Klútur 3490
Dagskrá
Innipúkans
Föstudagur:
Gísli Pálmi
Valdimar
Steed Lord
Skelkur í bringu
Laugardagur:
Botnleðja
Geiri Sæm
Ólafur Arnalds Soundsystem
Ylja
Agent Fresco
Grísalappalísa
 tónliSt tónliStarhátÍð haldin Í tólfta Sinn
Feitur Innipúki
um verslunar-
mannahelgina
Geiri Sæm leikur öll sín þekktustu lög á Innipúkanum.
Tónlistarhátíðin Innipúkinn
verður haldin í tólfta sinn
í Reykjavík um verslunar-
mannahelgina. Hátíðin verð-
ur haldin föstudagskvöldið 2.
ágúst og laugardagskvöldið
3. ágúst og verður aðaldag-
skráin á Faktorý við Smiðju-
stíg.
Aðalnúmerin á hátíðinni í ár eru
Geiri Sæm, Gísli Pálmi og Botnleðja.
Fleiri listamenn eiga eftir að bætast við
dagskrána að sögn skipuleggjenda.
Miðasala er hafin á Miði.is og kostar
tveggja daga passi 4.900 krónur. Miði á
stakt kvöld kostar 3.000 krónur.
Rapparinn
Gísli Pálmi
treður upp á
laugardag-
skvöldinu á
Innipúkanum
um verslunar-
mannahelgina.
Ljósmynd/Hari
52 dægurmál Helgin 26.-28. júlí 2013