Fréttatíminn - 26.07.2013, Blaðsíða 48

Útgáfufyrirtækið Sena
hefur að undanförnu sent
frá sér þrjár plötur sem
ættu að falla vel í kramið
hjá yngri kynslóðinni.
Og henta vel um þessar
mundir þegar lagt er upp
í langferðir um landið.
Fyrst ber að geta
fyrstu plötu þeirra
Sveppa og Villa sem kall-
ast Sveppi og Villi búa til
plötu. Þeir félagar hafa
notið mikilla vinsælda
hjá krökkunum með sjón-
varpsþáttum sínum og
þremur kvikmyndum.
Í sjónvarpsþáttunum
hafa þeir verið duglegir
að flytja frumsamin lög
og þótti félögunum því
tilvalið að reyna sig við
plötugerð. Aðdáendur
fá því eitthvað nýtt til
að kjamsa á meðan þeir
bíða eftir fjórðu mynd-
inni. Eins og fram hefur
komið í fjölmiðlum var gerð hennar frestað þar
eð ekki fékkst vilyrði fyrir styrk frá Kvikmynda-
miðstöð.
Þá er nýkomin út þreföld safnplata sem kall-
ast Fjölskyldualbúmið. Foreldrarnir fá lög með
Mannakornum, Sálinni og fleirum á einni plötu
og unglingar finna máské eitthvað við sitt hæfi
á annarri plötu þar sem Friðrik Dór, Ásgeir
Trausti, Jón Jónsson og fleiri koma við sögu. Á
þriðju plötunni geta börnin gengið að lögum úr
Ávaxtakörfunni, lögum með Skoppu og Skrítlu,
Friðriki Ómari og fleirum.
Síðast en ekki síst hafa fimm eldri barnaplöt-
ur verið steyptar saman í einn kassa; 5 barna-
gull. Þar er barnaplatan Gilligill, Bakkabræður
í flutningi Sigurðar Sigurjónssonar, lög úr upp-
setningu Leikfélags Reykjavíkur á Línu lang-
sokki, Íslenska vísnaplatan og Uppáhaldslögin
okkar þar sem popparar á borð við Birgittu
Haukdal og Magna Ásgeirsson láta til sín taka.
 TónlisT nýjar barnaplöTur
Flottar plötur fyrir
börnin í ferðalagið
Hin frábæra barnaplata
Gilligill er ein fimm
sígildra plata í kassanum
5 barnagull.
b öðvar Magnússon stofn-aði DAS-bandið á Hrafn-istu í Hafnarfirði fyrir
þrettán árum þegar hann hitti
þar fyrir gamlan trommara. Síð-
an hefur þetta undið upp á sig
og bandið telur nú um tíu manns
en í því hafa verið um fimmtán
meðlimir þegar mest er.
„Ég er búinn að vinna á Hrafn-
istu í Hafnarfirði í þrettán ár
og þetta byrjaði nú bara þannig
að ég rakst hérna á fullorðinn
heimilismann sem hafði verið
trommuleikari og við fórum að
spila saman. Og þá var þetta orð-
in tveggja manna hljómsveit,“
segir Böðvar sem leikur á pínaó,
harmonikku og orgel.
„Svo erum við með gítar-
leikara, stundum bassaleikara,
trommara og svo söngvarann,
Guðmund Ólafsson. Hann er
alveg frábær söngvari og hafði
nú ekki sungið popp fyrr en
hann kom hingað. Hann söng
mest með kirkju- og karlakórum
og svoleiðis. Mjög bjartur og
fallegur tenór sem syngur hvað
sem er, Presley og hvað annað
sem okkur dettur í hug að taka.“
Böðvar segir nikkuna vera
ráðandi hljóðfæri í undirleikn-
um. „Flestir spila á harmon-
ikkur enda er hún mjög vinsæl
hjá þeim sem komnir eru á aldur
og þannig rúllar þetta viku eftir
viku,“ segir hljómsveitarstjór-
inn en DAS-bandið treður upp á
Hrafnistu á hverjum föstudegi.
„Böllin hjá okkur hérna eru
mjög fjörug enda hefur og
þessi aldurshópur sem nú er á
elliheimilum gaman af því að
dansa og hefur alltaf haft. Við
spilum svo einu sinni í mánuði á
Hrafnistu í Reykjavík og spilum
svo bara hingað og þangað.
Hafnfirðingar hafa til dæmis
verið duglegir að fá okkur til
þess að spila við ýmis tækifæri,
bryggjuböll og fleira.“
Þetta hefur gengið svo vel og
góður rómur verið gerður að
bandinu að Böðvar segir þau
hafa ákveðið að fara á sveita-
ball. „Allir hlakka mjög til og
við erum fyrst og fremst að fara
að skemmta okkur sjálfum en
vonumst til þess að skemmta
sem flestum í leiðinni,“ segir
Böðvar og heldur áfram: „Það
er ótrúlegur misskilningur að
lífið sé búið þegar fólk er komið
á elliheimili. Þar fær fólk góða
hjúkrun og þarf ekki að sjá
um líf sitt frá degi til dags og
getur þá einmitt farið að njóta
tómstundanna. Og það er ekki
spurning að tónlistin léttir og
lengir lífið. Bara það að hlusta
á tónlist er svo hollt og gott að
ég tali nú ekki um að hreyfa sig
eftir henni.“
Sveitaballið á Gömlu Borg í
Grímsnesi hefst á laugardags-
kvöld klukkan 21 og stendur til
miðnættis.
Þórarinn Þórarinsson
toti@frettatiminn.is
 Das-banDið Hressir ellismellir
Eðaltenór á níræðisaldri og harmonikkuher
Sprellfjörugir og tónelskir ellismellir á Hrafnistu í Hafnarfirði hafa létt lífið og lyft stemningunni á
dvalarheimilinu í ein þrettán ár undir merkjum DAS-bandsins. Harmonikkan er, kannski eðli málsins
samkvæmt, ráðandi hljóðfæri í bandinu sem rennir sér ljúflega í gegnum slagara allt frá stríðsár-
unum til dagsins í dag. Stuðið er slíkt að á laugardaginn leggur sveitin land undir fót og treður upp á
sveitaballi á Gömlu Borg í Grímsnesi.
Það er ótrúlegur misskilningur að lífið sé búið þegar fólk er komið á elliheimili.
Sveppi og Villi
hafa gefið út sína
fyrstu plötu.
Böðvar Magnússon ásamt ellismellunum hressu sem hann hefur smalað saman í hið léttleikandi
DAS-band. Með spilagleðina og óbilandi lífsgleði heldur hópurinn á sveitaball um helgina. Mynd/Hari
48 menning Helgin 26.-28. júlí 2013