Fréttatíminn - 26.07.2013, Blaðsíða 14

D ruslugangan á uppruna sinn í Toronto í Kanada en árið 2011 sagði lögreglustjóri opinber-
lega að stúlkur þyrftu að hugsa sinn
gang og hætta að klæða sig eins og
druslur svo þeim verði ekki nauðgað.
Í mótmælaskyni við þau viðhorf sem
orð lögreglustjórans endurspegluðu var
efnt til Drusluganga víða um heim og
fer gangan fram í þriðja sinn hér á landi
á morgun, laugardag, klukkan 14 frá
Hallgrímskirkju, á Akureyri og í Vest-
mannaeyjum.
„Við viljum mótmæla þeirri orðræðu
sem tíðkast að ef fólk klæðir sig á
ákveðinn hátt eða hafi ákveðið fas bjóði
það upp á að verða nauðgað. Það er
þessi orðræða sem við heyrum svo oft
í kringum dómsmál. Það virðist skipta
máli hvort þolandinn sé undir áhrifum
áfengis og muni nákvæmlega eftir allri
atburðarásinni. Skilaboð okkar í Druslu-
göngunni eru þau að skipti ekki öllu
máli hvað gerist á undan verknaðinum.
Nauðgun er grafalvarlegt mál, sama
hver aðdragandinn er,“ segir María Rut
Kristinsdóttir, talskona Druslugöng-
unnar í ár.
Með göngunni í ár vilja skipuleggjend-
ur hennar vekja athygli á því að nauðg-
anir séu ekki aðeins einkamál þeirra
sem fyrir þeim verða, heldur samfélags-
ins alls. Að sögn Rósu Bjarkar Bergþórs-
dóttur hefur ein nauðgun gríðarleg áhrif
á marga einstaklinga, til dæmis vinahópa
og fjölskyldur, ásamt því að vera gríðar-
lega kostnaðarsamar fyrir samfélagið.
„Fólk er með áfallastreituröskun, getur
ekki mætt til vinnu og þarf á margs kon-
ar hjálp að halda í langan tíma eftir að
hafa orðið fyrir kynferðislegu ofbeldi.“
Aðstandendur göngunnar eru sann-
færðir um að boðskapur hennar skili sér
til samfélagsins og telja margt hafa áunn-
ist á undanförnum árum þó baráttunni
sé ekki nærri því lokið. „Í fyrra héldum
við „meinta druslugöngu“ og beindum
þannig spjótum okkar að fjölmiðlum
sem hafa í gegnum tíðina fjallað um
nauðganir með öðrum hætti en önnur
afbrot. Maður sér ekki lengur orðalag
um meintar nauðganir í fjölmiðlum
svo skilaboðin okkar í fyrra hafa náð í
gegn,“ segir Rósa Björk. Að sögn Sunnu
Ben þróast umræðan og verður skárri
með hverju árinu. „Það var erfitt að fá
fólk með í gönguna fyrsta árið en núna
eru allir tilbúnir að sýna baráttumálum
okkar stuðning.“
Að sögn Snærósar Sindradóttur,
laganema og eins skipuleggjanda Druslu-
göngunnar, þarf að breyta því hugar-
fari sem ríkir innan réttarkerfisins að
brotaþola beri sjálfum að kæra kynferðis-
ofbeldi. „Í hefðbundnu ofbeldismáli þarf
brotaþoli ekki að kæra. Þegar hann mætir
á bráðamóttöku fer kerfið í gang. Það er
ekki þannig í kynferðisbrotamálum og
því þarf að breyta. Það þarf að taka þessa
ábyrgð af brotaþola og málin eiga að fara
sjálfkrafa í ferli. Við höfum ótal mörg
dæmi um hótanir gegn brotaþolum sem
koma í veg fyrir að fólk þori að kæra.“
Dagný Hulda Erlendsdóttir
dagnyhulda@frettatiminn.is
 SamfélagSmál DruSlugangan á þremur Stöðum á lanDinu
Nauðganir eru vandamál alls samfélagsins
Druslugangan fer fram á morgun og er markmið hennar að vekja samfélagið til umhugs-
unar um að kynferðisofbeldi sé ekki einkamál þess sem fyrir því verður, heldur samfélags-
ins alls. „Við viljum færa ábyrgð kynferðisglæpa frá þolendum yfir á gerendur og ekki
einblína á klæðnað, hegðun eða fas þolenda sem mögulega afsökun fyrir glæpamenn.“
María Rut Kristinsdóttir, Sunna Ben, Snærós Sindradóttir og Rósa Björk Bergþórsdóttir, nokkrar af skipuleggjendum Druslugöngunnar í ár. Mynd/Hari.
14 viðtal Helgin 26.-28. júlí 2013
H
V
ÍT
A
H
Ú
S
IÐ
/
S
ÍA
rjóminn er kominn
í nýjar umbúðir
Rjóminn er einstakur. Hann á sér fastan
sess í matargerð okkar íslendinga.
Þú finnur girnilegar og sumarlegar
uppskriftir með rjóma á gottimatinn.is