Fréttatíminn - 26.07.2013, Blaðsíða 8

www.volkswagen.is
Nýr Golf kostar frá
3.540.000 kr.
HEKLA · Laugavegi 170-174 · Reykjavík · Sími 590 5000 · hekla.is · umboðsmenn um land allt:
Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn ÍsafirðiKomdu og reynsluaktu bíl ársins
Golf Trendline, 1.4 TSI, beinskiptur,
122 hestöfl.
Nýr Golf.
Evrópu- og heimsmeistari
Volkswagen Golf var kosinn bíll ársins í
Evrópu 2013 á bílasýningunni í Genf og 66
bílablaðamenn hvaðanæva að útnefndu
hann bíl ársins í heiminum á bílasýningunni
í New York.
 SumarbúStaðir Lítt hugað að brunavörnum
Engin eða ónothæf slökkvitæki í sumarhúsunum
Þrjú slökkvitæki fundust í 25 sumarbústöðum og aðeins eitt virkaði.
Við sinubruna í Skorradal fyrr á árinu
voru íbúar og gestir í um 25 sumar-
húsum beðnir um að sækja slökkvi-
tæki sín til að nota við slökkvistarfið.
Aðeins þrír áttu slík tæki og einungis
eitt þeirra virkaði, að því er fram kemur
á síðu VÍS, Vátryggingafélags Íslands.
„Vonandi gefur þetta ekki til kynna,“
segir þar, „hvernig brunavörnum er
almennt háttað í sumarhúsum. Þetta er
a.m.k. mun verra en á heimilunum því
á tveimur af hverjum þremur þeirra er
slökkvitæki, samkvæmt könnun sem
gerð var árið 2012.“
Flest íslensk sumarhús eru úr timbri
og eldsmatur þar nægur. Þá er gróður
gjarnan töluverður í kring og töluverð
hætta getur verið á sinubruna þegar
þannig árar.
„Í sumarhúsum er mikilvægt að huga
að eldhættu,“ segir enn fremur á síðu
VÍS, „ekki hvað síst á svæðum þar sem
þau eru flest,“ en á Suðurlandi eru skráð
fleiri en 6.000 sumarhús og yfir 2.500
á Vesturlandi. Íbúum þessara svæða
fjölgar því um nokkur þúsund á sumrin.
„Reykskynjarar, slökkvitæki og eld-
varnarteppi þurfa að vera vel aðgengileg
í öllum sumarhúsum og kunnátta til að
nota búnaðinn. Jafnframt ætti að vera
vatnsslanga sem nær hringinn í kring-
um húsið og sinuklöppur til að geta
brugðist við sinueldi. Brýnt er,“ segir
VÍS, „að sýna árvekni við meðhöndlun
elds. Gæta þarf vel að einnota grillum,
notkun eldavélar, varðeldi, logandi
sígarettum, kertum, gasgrilli og útiarni
og tryggja að börn fikti hvorki með eld
né eldfæri.“
Jónas Haraldsson
jonas@frettatiminn.is
Í sumarhúsum, sem flest eru timburhús, er mikilvægt að huga
að eldhættu. Hætta getur einnig verið á sinubruna.
F ramtaldar skuldir heimilanna námu 1.785 milljörðum króna í árslok 2012 og jukust um 1,5% á árinu. Þær
drógust saman um rúmlega 6% árið 2011.
Framtaldar skuldir vegna íbúðarkaupa
námu 1.159 milljörðum króna sem er 3,1%
aukning milli ára. Eigið fé heimila í fasteign
er tæplega 57% af verðmæti. Tæplega 26
þúsund af 94 þúsund fjölskyldum sem eiga
íbúðarhúsnæði telja ekki fram skuldir vegna
þess. Nettóeign heimila jókst um rúm 12%
á árinu 2012 og nam samtals 2.075 millj-
örðum. Aukningin nemur 7,5% að raungildi.
Framtaldar eignir heimilanna námu 3.861
milljarði í lok síðasta árs og jukust um 6,9%
milli ára. Fasteignir töldust 2.679 milljarðar
króna að verðmæti, eða 69,0% af eignum.
Þetta er meðal þess sem fram kemur hjá
efnahags- og fjármálaráðuneytinu en ríkis-
skattstjóri hefur lokið álagningu opinberra
gjalda á einstaklinga. Um næstu mánaðamót
verða greiddir 18,3 milljarðar króna úr ríkis-
sjóði til heimila. Þar er um að ræða endur-
greiðslu á ofgreiddum sköttum, barnabætur
og vaxtabætur. Auðlegðarskattur var lagður
á sem tímabundin aðgerð og rennur sam-
kvæmt lögum út um næstu áramót. Skatt-
hlutfallið við álagningu 2013 er 1,5% af eign
á bilinu 75-150 milljónir hjá einhleypum og
100-200 milljónir hjá hjónum en 2,0% af eign
umfram þessi mörk. Auðlegðarskatt greiða
5.980 aðilar – um 3.100 fjölskyldur – alls
tæplega 5,6 milljarða króna. Viðbótarauð-
legðarskattur á hlutabréfaeign var lagður
á 4.988 gjaldendur og nam 3,5 milljörðum
sem er 44% aukning á milli ára. Samanlagt
hækkar auðlegðarskattur um liðlega 13%
milli ára.
Framteljendum fjölgar um 0,9% milli ára
og eru 264.193. Framteljendur eru 3.300
færri en þegar þeir voru flestir árið 2009.
Alls fengu 158.455 einstaklingar álagðan
almennan tekjuskatt og 253.606 fengu
álagt útsvar. Tekjuskatts- og útsvarsstofn
landsmanna árið 2013 vegna tekna árið
2012 nemur 932 milljörðum og hefur aukist
um 6,4% frá fyrra ári. Samanlögð álagning
almenns tekjuskatts og útsvars nemur 243,5
milljörðum og hækkar um 6,8% frá fyrra ári.
Álagður tekjuskattur nemur tæplega 43% af
fjárhæðinni og útsvar rúmlega 57%.
Almennur tekjuskattur nemur 104,3 millj-
örðum og var lagður á rúmlega 158 þúsund
framteljendur. Álagningin eykst um 7,0% á
milli ára og gjaldendum fjölgar um 1,6%. Út-
svarstekjur sveitarfélaga nema 139,2 millj-
örðum sem er 6,7% aukning á milli ára.
Fjármagnstekjuskattur einstaklinga
nemur 11,7 milljörðum, hækkar um 13,9%
milli ára. Vextir eru stærsti einstaki liður
fjármagnstekna og nema 30,4 milljörðum
sem er 0,5% aukning frá árinu áður. Vaxta-
tekjur eru rúmur fjórðungur þess sem þær
voru árið 2009. Tekjur af arði nema 16,7
milljörðum sem er 28,8% aukning frá fyrra
ári og leigutekjur nema 9,1 milljarði sem er
20,7% aukning á milli ára.
Útvarpsgjald nemur samtals 3,4 millj-
örðum á árinu 2013. Fjárhæð þess er 18.800
krónur á hvern framteljanda á aldrinum
16–69 ára sem greiðir tekjuskatt. Barnabæt-
ur hækka verulega og nema 10,1 milljarði
sem er 36% aukning. Tæplega 57 þúsund fjöl-
skyldur fá barnabætur sem er 9,5% fjölgun
frá fyrra ári. Meðalfjárhæð bóta hækkar um
tæplega 24% milli ára. Almennar vaxtabætur
vegna vaxtagjalda af lánum til kaupa á íbúð-
arhúsnæði, sem einstaklingar greiddu af á
árinu 2012, nema 8,7 milljörðum sem er 1,3%
lækkun á milli ára. Almennar vaxtabætur fá
44.876 fjölskyldur og fækkar þeim um 3,3%.
Jónas Haraldsson
jonas@frettatiminn.is
 Opinber gjöLd SkuLdir heimiLanna jukuSt á Liðnu ári
Rúmlega þrjú þúsund
fjölskyldur greiða auðlegðarskatt
Tæplega 26 þúsund af 94 þúsund fjölskyldum sem eiga íbúðarhúsnæði telja ekki fram skuldir vegna þess.
Um næstu mánaðamót verða greiddir 18,3 milljarðar króna úr ríkissjóði til heimilanna.
8 fréttir Helgin 26.-28. júlí 2013