Fréttatíminn - 14.12.2012, Qupperneq 94

90 bílar Helgin 14.-16. desember 2012
 Hekla kaup í desember
Frítt metan í eitt ár
á Volkswagen Passat
 evrópsku öryggismálasamtökin
A-Benzinn fær 5 stjörnur í árekstarprófun
Mercedes-Benz framkvæmir einnig
sérprófanir sem reyna mjög á styrk
bílanna.
Nýr Mercedes-Benz A fékk fullt hús stiga í
árekstrarprófun Euro NCAP, evrópsku ör-
yggismálasamtökunum, og hlaut 5 stjörnur
fyrir framúrskarandi öryggi farþega. Auk
þess að líta til öryggis farþega í árekstrum
að framan, aftan eða til hliða metur Euro
NCAP einnig þá hættu sem gangandi veg-
farendum stafar af bílum. Mercedes-Benz A
er með svonefndri virkri vélarhlíf og hlaut
einnig toppeinkunn á þessu sviði, að því er
fram kemur í tilkynningu.
Merceces-Benz A var valinn bíll ársins hér
á landi á dögunum.
„Verðlaun Euro NCAP eru skýr viður-
kenning á háu öryggis stigi ökutækja okkar,“
segir Rodolfo Schöneburg, yfirmaður
öryggishönnunar hjá Mercedes-Benz Cars.
„Stöðluð árekstrarpróf endurspegla þó
einungis lítinn hluta þeirra slysa sem verða í
raun og veru úti á vegunum. Á hönnunarferli
nýrra bíla tekur Mercedes-Benz því mið af
um 40 ólíkum kringumstæðum sem geta
komið upp þegar slys verða.“
Í tilkynningunni segir enn fremur:
„Árekstrarprófun Mercedes-Benz gengur
mun lengra en staðlaðar prófanir sem eru
grunnurinn fyrir gerðarviðurkenningum
nýrra bíla í Evrópu, Bandaríkjunum og Asíu.
Mercedes-Benz framkvæmir einnig sér-
prófanir sem reyna mjög á styrk
bílanna, eins og veltiprófanir
og sérstakar prófanir á
þakstyrk.“
Hinn nýi A-Benz fékk 5 stjörnur í
árekstarprófun evrópsku öryggis-
málasamtakanna, fullt hús.
„Á sama tíma
og þeir spara
sér háar fjár-
hæðir velja
þeir íslenska
vöru, íslenskt
hugvit, spara
gjaldeyri og
styðja við at-
vinnusköpun
á Íslandi.“
Þ eir sem kaupa verksmiðjuframleiddan Volkswagen Pas-sat metanbíl í desember fá frítt metangas í eitt ár, að því er fram kemur á síðu Heklu, umboðsaðila Volkswa-
gen. Þar segir: „Samkvæmt upplýsingum frá Umferðarstofu
var meðalakstur fólksbíla 12.255 km árið 2011. Miðað við 6,6
m3 meðaleyðslu Passat Ecofuel er árlegur eldsneytiskostnað-
ur því 120.000 kr. miðað við verð á metani 4. desember 2012.“
Á síðu Heklu segir síðan:
„Metan er hagkvæmur og vistvænn innlendur orkugjafi
sem nýtur síaukinna vinsælda en Volkswagen Passat EcoFuel
var valinn bíll ársins árið 2012 af Íslenskum bílablaðamönn-
um.
Þegar íslenskt metan kom fyrst á markað hérlendis árið
2000 var það um 30% ódýrara en bensín. Munurinn hefur
síðan aukist og í dag er metan um 45% ódýrari eldsneytisgjafi
en bensín. Því til viðbótar má nefna að metanknúnar bifreiðar
eru undanþegnar vörugjöldum og því einkar hagkvæmar
bæði í kaupum og rekstri.
Margir aðrir kostir fylgja því að keyra um að metan bifreið
og má m.a. nefna að metanbifreiðar fá „frítt“ í bílastæði í
Reykjavík eða allt að 90 mínútum. Metantankar þykja einnig
öruggari en hefðbundnir bensíntankar þar sem þeir eru gerð-
ir úr sterkara efni. Allur annar öryggisbúnaður metan bif-
reiðarinnar er eins og í bensín- eða dísilbifreiðum en framleið-
endur slá ekkert af kröfum til að verja ökumann og farþega.
Það er upplifun að keyra um á metanbifreið. Á sama tíma
og metanbifreiðar skila sambærilegu afli og bensín- eða dísil-
bifreiðar eru þær auk þess hljóðlátari og mýkri við akstur og
má nefna að Volkswagen Passat EcoFuel TSI sem skilar 150
hestöflum og togar 220 Nm.
Metan CH4 er lofttegund sem m.a. myndast á urðunarstöð-
um sorps við niðurbrot á lífrænum úrgangi. Í dag er metan-
gasi safnað saman á urðunarstað höfuðborgarsvæðisins á
Álfsnesi. Eftirspurn eftir metani hefur aukist mjög síðustu ár
og ljóst er að með auknu vöruúrvali mun eftirspurnin aukast
enn frekar í komandi framtíð. Fyrirséð aukin eftirspurn kall-
ar á bætta þjónustu og því er það sönn ánægja að Olís og Met-
anorka sömdu nýverið við Sorpu um kaup á metani fyrir nýjar
áfyllingarstöðvar sem ráðgert er að taka í gagnið á næsta ári.
Einnig eru áform um að gangsetja orkuver til metanfram-
leiðslu á næsta ári sem mun auka framboð á metani til muna.
Viðskiptavinir Heklu sem hafa keypt metanbíla hafa góða
reynslu af notkun metans sem orkugjafa. Á sama tíma og þeir
spara sér háar fjárhæðir velja þeir íslenska vöru, íslenskt hug-
vit, spara gjaldeyri og styðja við atvinnusköpun á Íslandi.“
Volkswagen Passat Variant kostar frá 4.190.000 kr.
Þeir sem kaupa
verksmiðjufram-
leiddan Volkswa-
gen Passat metan-
bíl í desember fá
frítt metangas
í eitt ár. Meðal-
akstur fólksbíla er
12.255 kílómetrar
á ári. Miðað við 6,6
m3 meðaleyðslu
Passat Ecofuel er
árlegur eldsneytis-
kostnaður því
120.000 krónur.
Kaupendur
verksmiðju-
framleiddra
Volkswagen
Passat
metanbíla
í desember
fá frítt
metangas í
eitt ár.
Vantar þig jólagjöf fyrir unglinginn ?
Hjá Ökuskólanum í Mjódd getur þú
fengið gjafabréf fyrir fræðilegt nám á :
bifreið, bifhjól og létt bifhjól
Góð þekking á umferðarmálum getur skipt sköpum um
velferð unglingsins.
Þarabakka 3 S. 567 0300
www.bilprof.is
Tilvalið í jólapakkann! 15%
Jólafsláttur af
þessum frábæru
hleðslutækjum
Með því að kaupa gjafabréf frá Sól í Tógó og gefa þeim sem
þér þykir vænt um ertu sannarlega að gefa gjöf sem gefur.
Andvirði gjafabréfssins rennur til heimilis munaðarlausra
barna í Tógó í Afríku sem er eitt fátækasta ríki heims.
Gefðu gjöf sem gefur
Jaques í Aneho. Nóvember 2012
Gjafabréfin eru að verðmæti 1.500 kr. og 3000 kr. Farðu á www.solitogo.org og
fáðu nánari upplýsingar. Þú getur líka sent póst á solitogo@solitogo.org
eða hringt í síma 659 7515 og við sendum þér gjafabréf.