Fréttatíminn - 23.11.2012, Blaðsíða 26

Fékk 1000 krónur
útborgaðar um
mánaðamótin
L
ögmaðurinn Þóra Guðmundsdóttir er aðalpersóna
glæpasagna Yrsu en hún var kynnt til leiks í Þriðja
tákninu árið 2005. Árið 2010 lét Yrsa draum sinn
um að fikra sig nær hrollvekjunni rætast, gaf Þóru
frí og sendi frá sér draugasöguna Ég man þig. Hún
endurtekur þennan leik í ár með Kulda þar sem Þóra er fjarri
góðu gamni. Hún segist þó alls ekki vera orðin leið á lögmann-
inum vaska.
„Ég er náttúrlega búin að skrifa sex bækur um hana og það
verður alltaf erfiðara að koma með eitthvað ferskt þegar maður
er kominn svona langt inn í seríu þannig að það er nú kannski
þess vegna sem ég þarf lengri tíma á milli,“ segir Yrsa. Aðdá-
endur Þóru þurfa þó ekki að örvænta þar sem hún stefnir á
nýja Þóru-bók á næsta ári.
Yrsa segir
draugasög-
urnar vera
skemmtilega
og kærkomna
tilbreytingu en
í upphafi leit þó út
fyrir að Þóra léti til sín
taka í Kulda. „Upphaflega hugs-
aði ég mér Þóru í þessari bók en fannst það
ekki passa þannig að ég ákvað að setja hana
á hilluna í eitt ár. Þetta er tilbreyting og það er
líka gaman að vinna með einnota persónur, en allt hefur
þetta sína plúsa og mínusa.“
Rithöfundurinn Yrsa
Sigurðardóttir hóf feril sinn
sem barnabókahöfundur en
lagði síðar á glæpabrautina og
tekur nú aftur hliðarspor þaðan
með sinni annarri draugasögu,
Kulda. Á Íslandi trónir hún á
toppnum í sinni grein ásamt
Arnaldi Indriðasyni en bækur
hennar hafa einnig komið út
á fjölda tungumála og hafa
gert það gott í útlöndum. Yrsa
starfar sem verkfræðingur en
starf rithöfundarins er farið að
taka mikinn tíma frá daglegum
störfum hennar.
Ljósmyndir/Sigurjón Ragnar
Framhald á næstu opnu
26 viðtal Helgin 23.-25. nóvember 2012