Fréttatíminn - 09.11.2012, Blaðsíða 64

Helgin 9.-11. nóvember 201248 tíska
Ný sending
góð verð
s.512 1733 - s.512 7733

Kringlan - Smáralind
www.ntc.is | erum á
Fylltir ökklaskór m/reimum
11.995.-
Ökkla hælaskór
11.995.-
Ökklastígvél m/studs
14.995.-
Ökklaskór m/sylg jum
14.995.-
Mokkasíur m/sylg ju
5.995.-
 ATMO ný verslun Að lAugAvegi 89
Sextíu íslenskir hönnuðir
undir sama þaki
Ásta Kristjánsdóttir,
framkvæmdastjóri
ATMO, hefur unnið að
framkvæmdum ATMO í
eitt og hálft ár.
Húsið er skreytt
af íslenskum lista-
mönnum, bæði að
innan og utan.
F immtudaginn næstkomandi, þann 15. nóvember klukkan 16, mun nýja versl-unin ATMO opna í gamla Sautján hús-
inu að Laugavegi 89, en þar munu um 60 ís-
lenskir hönnuðir koma saman í 3000 fermetra
rými og selja hönnun sína. „Íslensk hönnun
er í miklum blóma og það er nauðsynlegt að
við eflum þessa atvinnugrein enn meira. Það
hefur vantað verslun sem þessa hér á landi,
þar sem íslensk hönnun hefur sameinast í
eitt húsnæði, og er þetta vonandi byrjunin
á stækkandi markaði, bæði hér á landi og
erlendis fyrir íslenska hönnun,“ segir Ásta
Kristjánsdóttir, framkvæmdastjóri ATMO.
„Hugmyndin spratt upp fyrir þremur árum
þegar lítill hópur stofnaði Reykjavík Fashion
Festival og í fyrsta skipti á Íslandi náðum við
að sameina alls 22 hönnuði sem tóku þátt á
hátíðinni það árið. Við fundum fyrir því að
fólk vissi oft ekki hvar hægt eða hvernig væri
hægt að nálgast þær íslensku vörur sem sýndar voru á
RFF þetta árið. Út frá því fæddist sú hugmynd að búa
til aðgengilegri sölukanal þar sem fólk getur nálgast
vörur margra íslenskra hönnuða undir sama þaki. Hug-
myndin hefur stækkað gríðarlega síðan við byrjuðum
að vinna í þessu verkefni sem var fyrir einu og hálfu
ári, en í húsinu verður til sölu fatnaður, skór, húsmunir,
snyrtivörur, skartgripir, tónlist, bækur og ýmislegt
fleira íslenskt.“
Í kjallaranum mun þó önnur stefna vera lögð sem
snýr að endurnýtingu á fatnaði sem samræmist um-
hverfisstefnu ATMO. Þar verður sett upp verslunin
Níu líf sem rekin er í samstarfi við Rauða krossinn. „Á
hverju ári eftirláta Íslendingar um 1200 tonn af fatnaði
til Rauða Krossins. Við munum njóta góðs af þessu
gríðarlega magni og mun Níu líf vera „vintage“ verslun
sem selur vörur frá Rauða krossinum. Hönnuðir og
stílistar verða sendir í flokkunarstöð Rauða Krossins
þar sem þeir handpikka fatnað sem hentar vel fyrir
verslunina. Rauði Krossinn mun svo njóta góðs af sölu
verslunarinnar.“
Mikið líf og fjör verður í þessu stóra rými og leggja
íslenskir listamenn nú lokahönd á að skreyta húsið
bæði að innan og utan. „Það er mikil eftirvænting fyrir
þessari nýju verslun og eru ekkert nema spennandi
tímar fram undan. Íslensk tónlist mun hljóma í verslun-
inni og mun veitingastaðurinn Gló koma sér fyrir á
tveimur stöðum í húsinu. Það verður létt kaffihúsa-
stemning á fyrstu hæðinni, þar sem hægt er að koma
sér vel fyrir með veitingar og lesa sérpöntuð hönnunar-
og tískublöð.“
Kolbrún Pálsdóttir
kolbrun@frettatiminn.is