Fréttatíminn - 08.03.2013, Qupperneq 2

H ópur fólks hér á Íslandi stundar þá iðju að ná sér í matvæli úr ruslagámum fyrir utan stórmarkaði. Margir eyða nánast engum fjármunum í matvæli heldur sjá sér og fjölskyldu
sinni fyrir nægum mat með þessum hætti.
Fréttatíminn ræddi við nokkra af þeim sem stunda svokallað
„Dumpster Diving“ eins og fyribærið nefnist á ensku, og hefur verið
nefnt að „rusla“ á íslensku. Enginn þeirra vildi koma fram undir
nafni og lýstu þeir jafnframt áhyggjum sínum af viðbrögðum versl-
unareigenda við fréttaflutningi af fólki sem stundar það að „rusla“.
Verslunareigendur hafi áður brugðið á það ráð að læsa gámum og
jafnvel hellt yfir ruslið hvers kyns efnum, til að mynda sápuefnum,
til þess að gera það óætt.
Flestir þeir sem ástunda það að „rusla“ hafa það að lífsstíl og er
þetta fyrirbæri nokkuð útbreitt erlendis. Ruslararnir berjast gegn
neysluhyggju samfélagsins og reyna að nýta það sem annars færi
forgörðum. Hluti ruslara hirðir matvæli úr gámum af sárri neyð,
þótt þeir séu færri, að sögn ruslara. Fjárhagur þeirra sé svo bág-
borinn að þeir neyðist til þess að fæða sig og fjölskyldu sína með
þessum hætti.
Hópur ruslara þekkist nokkuð vel og stendur saman. Þeir rusla
oft tveir eða fleiri saman og fara oftar á suma staði en aðra því til-
teknir gámar við ákveðnar verslanir gefa betur af sér en aðrir.
Ruslararnir hirða til að mynda matvæli sem komin eru fram yfir
síðasta söludag en miðla hver öðrum af reynslu sinni af því sem
óhætt er að borða og hvað ekki. Útrunnið mæjónes er eitt af því sem
ruslarar leggja sér ekki til munns því einn þeirra þurfti að leggjast
inn á spítala fyrir nokkru með slæma matareitrun eftir að hafa gætt
sér á útrunnu mæjónesi.
Sigríður Dögg Auðunsdóttir
sigridur@frettatiminn.is
 Matur „að rusla“ er lífsstíll fólks seM berst gegn ofneyslu
Lifa á mat úr ruslagámum
Hópur fólks hér á landi lifir á mat sem hann hirðir úr ruslagámum við stórmarkaði. Flestir hafa
þetta að lífsstíl og vilja með þessu sporna gegn sóun og nýta það sem aðrir henda. Færri gera það
af neyð því þeir eiga ekki fyrir mat.
Hópur fólks stundar það að hirða matvæli úr ruslagámum. Það þekkir hvaða matvæli því er óhætt að borða þrátt fyrir að þau
séu komin fram yfir síðasta söludag. Ljósmynd/Hari
Hendum mat fyrir
30 milljarða árlega
Íslendingar henda mat fyrir um þrjátíu
milljarða króna árlega, samkvæmt nýrri,
breskri skýrslu sem stofnun vélaverk-
fræðinga í Bretlandi gaf út. Í henni
kemur fram að neytendur hendi allt frá
30 prósentum og upp í helming af öllum
þeim matvælum sem keypt eru inn til
heimilisins.
Íslensk heimili kaupa matvæli fyrir
tæpa hundrað milljarða árlega, sam-
kvæmt upplýsingum frá Hagstofunni.
Sé miðað við neðri mörkin í bresku
skýrslunni henda Íslendingar því mat-
vælum sem nemur 30 milljörðum árlega
árlega. Það samsvarar 240 þúsund
krónum á hvert meðalheimili á ári. Fimm
manna fjölskylda hendir því mat fyrir
hálfa milljón á ári.
 fréttatíMinn breytingar á ritstjórn
Sigríður Dögg ráðin ritstjóri við hlið Jónasar
Höskuldur Daði Magnússon fréttastjóri
Sigríður Dögg Auðunsdóttir hefur verið ráðin ritstjóri Frétta-
tímans við hlið Jónasar Haraldssonar. Mikael Torfason hefur
látið af störfum. Jafnframt hefur Höskuldur Daði Magnússon
verið ráðinn fréttastjóri. Sigríður Dögg hefur tekið virkan
þátt í þróun og eflingu Fréttatímans undanfarið ár sem hefur
skilað auknum lestri og ánægju með blaðið en lestur Frétta-
tímans hefur aukist, samkvæmt lestrarkönnunum Gallup.
Sigríður Dögg hefur starfað í fjölmiðlum frá árinu 1999
þegar hún hóf störf á Morgunblaðinu. Hún var fréttaritari
blaðsins í London um skeið og vann við fjölmiðla þar í landi
fram til ársins 2004 þegar hún hóf störf á Fréttablaðinu. Þar
hlaut hún viðurkenningu fyrir skrif sín, meðal annars um
einkavæðingu bankanna. Hún stofnaði eigið vikublað, Kró-
nikuna, árið 2007, sem var yfirtekið af útgáfufélagi DV síðar
það ár og var hún aðstoðarritstjóri DV fram til ársins 2008.
Höskuldur Daði hefur verið blaðamaður á Fréttatímanum
frá því í fyrra. Hann er fyrrum fréttastjóri á Fréttablaðinu,
umsjónarmaður innblaðs DV og ritstjóri vikuritsins Fókuss.
Sigríður Dögg hlakkar til að takast á við þá áskorun sem
felst í því að stýra jafnvirtu og víðlesnu vikublaði og Frétta-
tíminn er, í samvinnu við Jónas Haraldsson ritstjóra. Þau eru
staðráðin í því að efla enn veg blaðsins og fylgja eftir þeirri
sýn sem ritstjórnin vinnur eftir; að bjóða lesendum vandaða
umfjöllun um samfélagsmál á manneskjulegan hátt. Frétta-
tíminn er helgarblað með víða skírskotun og fjölbreytt efni
sem höfðar til fjöldans.
Mikael Torfasyni eru þökkuð góð störf í þágu blaðsins og
er honum óskað velfarnaðar á nýjum vettvangi.
Dorrit og Vilborg og
brjóstamjólkurreið
Lífstöltið, töltkeppni kvenna, sem haldið er
til styrktar LÍFI styrktarfélagi kvennadeildar
Landspítalans, verður haldið á laugardaginn
í Reiðhöll Harðar í Mosfellsbæ. Í ár munu
Dorrit Moussaieff forsetafrú og Vilborg Arna
Gissurardóttir pólfari opna mótið, sem hefst
klukkan 14. Haldin verður æsispennandi
brjóstamjólkurreið
þar sem etja munu
kappi Þórunn Erna
Clausen leikkona,
Eyþór Ingi Gunn-
laugsson söngvari
og Regína Ósk
Óskarsdóttir
ásamt fríðu föru-
neyti.
-sda
Bændur og sjálfstæð-
ismenn samhljóma
Ályktun búnaðarþings Bændasam-
takanna um aðild að Evrópusam-
bandinu er nánast samhljóma ályktun
Sjálfstæðisflokksins sem samþykkt var
á síðasta landsfundi flokksins. Bæði
bændur og sjálfstæðismenn telja að
hagsmunum Íslands sé betur borgið
utan sambandsins.
Fundarmenn beggja
funda voru jafnframt
á sama máli um að
loka eigi kynningar-
skrifstofu Evrópu-
sambands-
ins hér á
landi.
-sda
Leikskóladeild á elliheimili
Bæjarstjórn Ísafjarðarbæjar
metur nú hvort opna eigi
leikskóladeild í kjallara
dvalarheimilis aldraðra í
bænum. Ísafjarðarbær hefur
sett sér markmið að öll börn
18 mánaða og eldri fái pláss
en leikskólar bæjarins eru
sprungnir. Margrét Halldórs-
dóttir, sviðsstjóri skóla- og
tómstundasviðs hjá Ísafjarð-
arbæ, segir leikskólapláss ekki hafa verið vandamál síðustu ár en árgangar hafi
stækkað undanfarin ár. „Húsnæði dvalarheimilisins er rétt hjá leikskólanum, það hefur
því alltaf verið nokkur samgangur á milli leikskólans og dvalarheimilisins. Börnin hafa
farið yfir og sungið jólalög og svo framvegis. Þetta fer því bara ágætlega saman.“
Daníel Jakobsson, bæjarstjóri Ísafjarðarbæjar, segir að nauðsynlegt hafi verið að
bregðast við þessari fjölgun leikskólabarna, því annars fengju um 20 börn ekki leik-
skólapláss um næstu áramót. Hann segir ástæðuna fyrir því að þessi leið var valin
vera tvíþætta. „Í fyrsta lagi þá lokuðum við leikskóla í Hnífsdal fyrir tveimur árum.
Hins vegar er það þannig að þeir árgangar sem nú eru að koma inn eru óvenju stórir
miðað við þá sem eru að fara út.“
Hann segir þetta í rauninni vera ánægjulegt vandamál og fjölgun yngstu barnanna
sé mjög jákvæð þróun, sérstaklega á landsbyggðinni. „Þetta er ekki hugsað sem lang-
tímalausn en við verðum að sjá hversu vel okkur gengur að eignast börn. Við höfum
áður rekið leikskóladeild í þessu húsnæði og það gaf mjög góða raun. Málið hefur
verið rætt í stjórn húsfélagsins sem samþykkti þetta. Börnin eru afsíðis en engu að
síður býr þetta til líf í húsið og mörgum íbúum þarna finnst það bara jákvætt.“ -bpj
Höskuldur Daði Magnússon,
Sigríður Dögg Auðunsdóttir og
Jónas Haraldsson. Ljósmynd/Hari
bakaðar kjúklingabringur
Prófaðu bökuðu kjúklingabringurnar, fylltar með
ferskum kryddjurtum og rjómaosti. Gottimatinn.is
2 fréttir Helgin 8.-10. mars 2013