Fréttatíminn - 08.03.2013, Síða 54

A nders de la Motte er 42 ára og hefur nú sent frá sér þrjár bækur á jafnmörgum árum. Sú fyrsta, [geim], kom út árið
2010 og hlaut hann nýliðaverðlaunin hjá Sænsku
glæpasagnaakademíunnar fyrir hana. Í kjölfarið
hafa komið tvær framhaldsbækur um sama efni,
smákrimmann HP sem dregst inn í glæpaheim
þar sem hann hefur enga stjórn á aðstæðum og
lögreglukonuna Rebeccu sem á sér svarta for-
tíð. [geim] kom út á íslensku á dögunum og de
la Motta féllst á að svara nokkrum spurningum
Fréttatímans.
Þú hefur aldeilis verið iðinn. Þrjár bækur á
síðustu þremur árum... ætlarðu að halda þessum
hraða?
„Haha, já. Og þetta gerði ég meðfram því að
skila 60 stundum á viku í hefðbundinni vinnu
sem þýddi að ég skrifaði mikið á ferðalögum og
á kvöldin og um helgar. Nú þegar ég starfa bara
sem rithöfundur lifi ég „venjulegra“ lífi og það
kann fjölskylda mín að meta. Fjórða bókin mín
kemur út hér í Svíþjóð snemma árs 2014 svo ég
held nokkurn veginn sama takti.“
Nýtir eigin reynslu í bækur sínar
Þessi hefbundna vinna sem de la Motte vísar í var
að hann var þar til í fyrra yfirmaður öryggismála
hjá alþjóðlegu tölvufyrirtæki. Áður fyrr starfaði
hann sem lögreglumaður. Hann viðurkennir fús-
lega að þau störf hafi veitt sér innblástur fyrir
bækurnar þrjár og aðrar sem enn eiga eftir að líta
dagsins ljós.
„Þar að auki veittu þau mér mikilvægt innsæi
og trúverðugleika sem ég vona að ég skili til
lesendanna. Þó bækurnar séu skáldskapur reyni
ég halda mig eins nærri veruleikanum og hægt
 ViðtAl SænSki glæpASAgnAhöfundurinn AnderS de lA Motte
Hluti af nýrri kynslóð
norrænna glæpasagnahöfunda
Fyrsta bók sænska
glæpasagnahöf-
undarins Anders
de la Motte,
[geim], kom út á
íslensku á dög-
unum. Bókin er
sú fyrsta í þríleik
sem notið hefur
mikilla vinsælda
í heimalandinu.
Höfundurinn nýtir
reynslu sína sem
lögreglumaður og
yfirmaður öryggis-
mála í alþjóðlegu
tölvufyrirtæki við
skrif sín. Og hann
elskar Hrafninn
flýgur.
er þegar kemur að smáatriðum. Til að mynda er kafli í
[geim] skrifaður eins og lögregluskýrsla og hann er al-
veg ekta, allt niður í númerin á lögreglubílunum. Næst-
um allir lögregluþjónarnir í bókunum eru til í raun og
veru þó ég hafi leyft mér að gefa þeim ný störf og titla.
Aðalpersónan HP „hrekkir“ eftirlitssveit á hestum í
einum kaflanum. Sú sveit er mín sveit, ég var einn af
þessum náungum á hesti og óttaðist mjög að einhver
myndi gera það sem hann gerði...“
Bækurnar á leið á hvíta tjaldið
Fyrsta bókin þín er hröð og það er auðvelt að sjá hana
fyrir sér sem bíómynd. Eru áform uppi um að bækurn-
ar verði kvikmyndaðar?
„Já, það stemmir. Ég var nýlega að skrifa undir
þriggja kvikmynda samning við Svensk Filmindustri
(SF), sem er stærsta framleiðslufyrirtækið á Norður-
löndunum. Sem kvikmyndanjörður er ég mjög spennt-
ur fyrir því að sjá persónurnar gæddar lífi.“
Á eftir [geim] kom [buzz] og svo [bubble]. Aðspurð-
ur segir de la Motte að hann búist ekki við því að skipta
um gír, þó þríleiknum sé lokið.
„Ég hugsa að ég haldi mig við spennu og glæpi enn
um sinn. Næsta bók mín, sem kallast MemoRandom,
fjallar um lögreglumann sem sérhæfir sig í að ráða og
sjá um uppljóstrara innan skipulagðra glæpasamtaka.
Þegar hann vaknar upp eftir að hafa fengið hjartaáfall
man hann ekkert. Hann man ekki eftir uppljóstrurum
sínum, ekki öll þau leyndarmál sem hann býr yfir og
eftir að hafa leikið mörgum skjöldum um árabil man
hann ekki hver hann sjálfur er. Þegar hann fer að
skoða verk sín fer smám saman að efast um flestallt og
alla sem hann trúði á.“
Jo Nesbö í miklu uppáhaldi
Áttu þér einhverjar fyrirmyndir eða eftirlætis höfunda?
„Það eru margir frábærir spennusagnahöfundar fyr-
ir á fleti. Uppáhaldshöfundurinn minn er Jo Nesbö og
þar á eftir kemur George Pelecanos. Utan glæpasagna-
heimsins er Douglas Coupland í miklu uppáhaldi. Tvær
tilvitnanir í hann er meira að segja að finna í bókunum
mínum.“
Anders de la Motte segir að áður en hann hafi hætt
í föstu vinnunni sinni hafi hann því miður ekki haft
mikinn tíma til að lesa verk annarra rithöfunda. Nú sé
hann að reyna að bæta úr því. Þegar hann er spurður
hvort verk íslenskra höfunda séu honum kunn kemur
einmitt í ljós að þau falla í þann flokk. „Bæði Arnaldur
Indriðason og Yrsa Sigurðardóttir eru á listanum.“
Og fyrst við erum komnir á klisjukenndar slóðir er
rétt að kanna hvort hann sé ekki örugglega aðdáandi
Hrafns Gunnlaugssonar eins og sú kynslóð Svía sem
ólst upp við að víkingamyndir hans voru kenndar í
skólum. Það stendur heima.
„Ég hef einmitt verið yfir mig hrifinn af Íslandi síðan
1984 er ég sá Hrafninn flýgur. Ég hreifst af stórbrotnu
landslaginu og melódísku tungumálinu sem er svo
skylt mínu en samt svo frábrugðið þegar maður reynir
að skilja nákvæmlega hvað átt er við. Ég hef ekki enn
sótt Ísland heim en ég vona að ég geti látið af því verða
í náinni framtíð.“
Byggir á verkum annarra höfunda
Það hefur verið mikið glæpasagnaæði á Íslandi síðustu
ár og við höfum fengið að kynnast verkum allra helstu
norrænu höfundanna, eins og Mankell, Nesbö, Mark-
lund, Läckberg, Lars Kepler, Adler-Olssen og svo fram-
vegis. Hvar sérðu þig í þessum hópi? Hvar áttu heima á
norræna krimmahöfunda „kortinu“?
„Ég hugsa að allir norrænir glæpasagnahöfundar
byggi á verkum þeirra sem á undan komu. Ef þeir höf-
undar sem þú nefnir hefðu ekki notið þeirrar velgengni
sem raun ber vitni hefði mér ábyggilega reynst erfiðara
að komast á minn stað. Ég kýs að líta á mig sem hluta
nýrrar kynslóðar glæsilegrar hefðar norrænna glæpa-
sagnahöfunda. Ég vona bara að íslenskir lesendur séu
því sammála.“
Höskuldur Daði Magnússon
hdm@frettatiminn.is
Anders de la Motte
hefur notið talsverðra
vinsælda í heimalandinu
Svíþjóð. Bækur hans hafa
auk þess verið seldar til
27 landa og stefnt er því
að þær verði kvikmynd-
aðar. Ljósmynd/Jörgen
Ringstrand
V i ð g e f u m
p e n i n g a
Fylgstu með alla virka daga / síminn er 571 1111

Þú gætir unnið allt að
50.000 kr.
54 menning Helgin 8.-10. mars 2013